A Canal de Berdún

A Canal de Berdún
Municipio d'Aragón
Berdún
Entidat  • País  • Provincia  • Comarca	Municipio Aragón  Uesca Chacetania
Superficie	133,3 km²
Población  • Total	396 hab. (2010)
Altaria	688 m.
Distancia  • 28 km  • 80 km	enta Chaca enta Uesca
Codigo postal	22770
Chentilicio	berduner/a
Coordenatas	42°36’ 0’’N 0°51’ 0’’U
A Canal de Berdún Situación de A Canal de Berdún en Aragón

A Canal de Berdún ye un municipio aragonés d'a provincia de Uesca, comarca d'a Chacetania y partito chudicial de Chaca, que depende d'a diocesi de Chaca. A capital d'o municipio ye en o lugar de Berdún.

A suya población ye de 401 habitants (2009) en una superficie de 133,3 km² y una densidat de población de 3,01 hab/km².

Cheografía

O termin municipal d'A Canal de Berdún ye situato en a zona occidental d'a comarca d'a Chacetania y en a provincia de Uesca, ya en a muga con a comarca d'as Cinco Villas y con a provincia de Zaragoza. Ye perteneixient a o partito chudicial de Chaca. A suya capital, Berdún, se troba situata a 688 metros d'altaria dencima d'o ran d'a mar y a una distancia de 80 km d'a ciudat de Uesca, a capital d'a suya provincia y de 28 km de Chaca, a capital d'a suya comarca y d'o suyo partito chudicial.

O termin municipal d'A Canal de Berdún ye trescruzato por o río Aragón d'este ta ueste, y de norte a sud por o río Beral, afluyent d'o río Aragón, y por o río Maixons, afluyent d'o río Beral.

D'o suyo termin municipal fan parte os lugars de Berdún, Biniés, Huertolo, Maixons, Martés y Villa-reyal d'a Canal.

Mugas

O suyo termin municipal muga a lo norte con Fago y Ansó; a l'este con Puent d'a Reina de Chaca y Bailo; a lo sud con Longars, en a provincia de Zaragoza y comarca de Cinco Villas; y a l'ueste con Bagüés, Mianos, Sigüés y Salvatierra d'Esca.

	Fago y Ansó
Bagüés, Mianos, Sigüés y Salvatierra d'Esca		Puent d'a Reina de Chaca y Bailo
	Longars

Etimolochía

O municipio tien o nombre de canal por a val u canal que forma o río Aragón en trescruzar o municipio, entre as montanyas a lo sud d'a sierra de Santo Domingo y as suyas estribacions septentionals y as montanyas d'as sierras prepirenencas, val dita tamién canal de Berdún.

Berdún ye un toponimo d'orichen celta, relacionato con a tribu celta d'os suessetans, y o suyo significato ye o pueblo en a montanya (de berg, "montanya" y dunum, "lugar" u "pueblo"), nombre que describe perfectament a situación d'o lugar en un pueyo enclavato en meyo d'a val d'o río Aragón.

Demografía

Evolución demografica

1362 f 1495 f 1842 1857 1860 1877 1887 1897 1900 - - 600 - - 813 811 912 919

1910 1920 1930 1940 1950 1960 1970 1981 1991 952 848 1.014 897 773 588 745 550 459

1992 1994 1996 1997 1998 1999 2000 2001 2002 - - - - - - - 422 -

2003 2004 2005 2006 2007 2008 2009 2010 - - - 401 - 417 412 401 - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Aragonés	-	-	4	4	3	4	4	4	3
Partido de los Socialistas de Aragón	3	4	3	2	3	-	2	2	3
Partido Popular	-	3	-	1	1	1	0	0	1
Chunta Aragonesista	-	-	-	-	-	2	1	1	-
Unión de Centro Democrático	4	-	-	-	-	-	-	-	-
Total	7	7	7	7	7	7	7	7	7

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	Manuel Torralba Ortiz	Partido Aragonés
2011–2015	Francisco Javier Pérez Franco	Partido de los Socialistas de Aragón

Veyer tamién

• Lista de municipios de Uesca

Vinclo externos

• Se veigan as imáchens de Commons sobre A Canal de Berdún.