Salvador Dalí
De Biquipedia
|
||||||||||||||||
Salvador Felipe Jacinto Dalí i Domènech (conoxito como Salvador Dalí), primer marqués de Púbol, naxito de Figueres (Alto Empordán) o 11 de mayo de 1904 y muerto tamién en Figueres o 23 de chinero de 1989, estió un pintor, escultor, diseñador, escritor y director zinematografico catalán, encara que a suya prenzipal fazeta artistica estió a Pintura. A suya obra artistica pertenix á l'estilo clamato Surrealismo.
Ye conoxito tamién por a suya partizipazión en a pelicula Un chien andalou de Luis Buñuel (1929), considerata como uno d'os prenzipals exemplos d'o Surrealismo en o Zine.
Contenius |
[editar] As suyas primeras añadas
Salvador Dalí naxió o diya 11 de mayo de 1904 en a carrera Monturiol d'a ziudat catalana de Figueres,[1]. a capital d'a comarca de l'Alto Empordán, en a probinzia de Chirona, estando o segundo fillo d'a suya familia en portar o mesmo nombre de batismo (o suyo chirmán eba muerto tres añadas antes).[2] Salvador yera fillo de Salvador Dalí i Cusí, notario d'a ziudat de Figueres[3][4] y natural de l'amaniata localidat de Cadaqués, y de Felipa Domènech Ferres. O suyo pai teneba una presonalidat estricta, y as suyas actituz yeran suabizatas por a mai, que ye fázil que estiese a impulsora d'o instinto artistico d'o choben Salvador.[5]
Cuan Salvador teneba 5 añadas, os suyos pais li portoron t'a tumba d'o suyo chirmán y li dixeron que yera a suya reencarnazión,[6] cosa que parix que Salvador creyó siempre,[7] en diziendo que iste yera un feito important, porque asinas eba conoxito a muerte antes d'a bida.
Fazió os suyos primers estudeyos en un instituto de Figueres, á on colaboró en a rebista escolar, y rezibió clases de Pintura. En 1916 descubrió a Pintura Muderna en una besita de bacazions á Cadaqués, con a familia de Ramon Pichot, un artista local que fazeba biaches á París y conoxeba asinas as tendenzias artisticas d'o momento.[3] Salvador Dalí fazió a primera esposizión publica d'a suya obra en 1919, en o Teyatro Monezipal de Figueres, a suya ziudat natal.
En 1921, cuan Salvador Dalí teneba 17 añadas, morió a suya mai, y o suyo pai tornó a casar-se, ista begata con a chirmana d'a suya primera muller, cosa que no li cuacó á un Salvador Dalí ya adoleszent.[3]
[editar] Estudeyos en Madrit y París
[editar] Enrastres esternos
- (en) Salvador Dalí en IMDb.
- www.Salvador-Dalí (Fundazión Gala-Salvador Dalí).
- Fototeca Dalí, 60.000 imachens sobre Salvador Dalí, a suya obra y a suya presona.
- Espace Dalí, Museu sobre Salvador Dalí en París.
- (en) Salvador Dalí en Artcyclopedia.
[editar] Referenzias
- ↑ (es) Salvador Dalí: La vida secreta de Salvador Dalí, 1948, Londres: Vision Press, pachina 33.
- ↑ (en) Davies, Betty: Shadows in the Sun, 1998, Psychology Press (Reino Unito). ISBN 0-87630-911-2
- ↑ 3,0 3,1 3,2 Lluís Llongueras: Dalí, 2004 Ediciones B - Mexico. ISBN 84-666-1343-9
- ↑ (fr) Jean-Pierre Thiollet: Carré d'Art: Barbey d'Aurevilly, Byron, Salvador Dalí, Jean-Edern Hallier, 2008 Anagramme Ed., París. ISBN 2 35035 189 6
- ↑ (en) Carlos Rojas: Salvador Dalí, Or the Art of Spitting on Your Mother's Portrait, Penn State Press (1993). ISBN 0-271-00842-3
- ↑ Salvador Dalí. SINA.com
- ↑ Salvador Dalí biografía en astrodatabank.com.
