Aimor
De Biquipedia
L'aimor ye un conzeuto unibersal relazionato con l'afinidat entre sers, definito de diferents formas seguntes as diferents ideyolochías e puntos d'ambista (zentifico, filosofico, relichioso, artistico). Á sobent se puet entrepitar como un sentimiento e o termín gosa asoziar-se con l'aimor romantico. Ta Gottfried Leibniz, «aimar ye trobar en a felizidat d'atro a tuya propia felizidat». En o terreno relichioso presenta grans connotazions espirituals, de forma que trasziende o sentimiento e pasa á estar un estato de l'alma u d'a conzienzia, identificato en belas relichions como Dios mesmo. En psicolochía, Robert J. Sternberg creye nezesarios ta que esista aimor tres elementos: intimidat, pasión e dezisión u compromiso. Ta Erich Fromm, l'aimor ye un arte. En Biolochía, parixe estar relazionato con a superbibenzia d'o indibiduo e d'a espezie. Seguntes beluns, no ye unico d'a espezie umana, e tamién puet presentar-se en atros sers.
