Museu
De Biquipedia
Un museu ye una instituzión permanent sin animo de lucro, azesible á o publico y á o suyo serbizio, y que guarda biens culturals muebles u immuebles (libros, obras d'arte, u d'atros) ta a suya conserbazión, estudeo, esibizión y espardidura y ta a educazión y espleitamiento cultural y estetico d'os ziudadans.
En 1977, a Organizazión d'as Nazions Unitas declaró o 18 de mayo como o Día Internazional d'os Museus.
Contenius |
[editar] Etimolochía
A parabra probien d'a parabra latina museum, que bien d'o griego μουσείο[ν], muséion (u templo d'as musas). Sin d'embargo, estió o nombre d'una instituzión establita en a ziudat d'Alexandría (Echipto) por Tolomeu II Filadelfo en 280 aC ta promober o conozimiento y l'aduya ta os intelectuals.
[editar] Historia d'os museus
[editar] Antigüidat
Anque o colezionismo d'elementos que güé son en os museus ya esistiba en l'antigüidat, a ideya d'a suya esposizión publica no yera present por ixas embueltas. Anque tamién s'esponeban biens en os templos, á ormino relazionatos con a relichión. Bi eban tamién bels particulars, normalment de l'arsitocrazia en l'Antiga Roma y en l'Antiga Grezia, que meteban obras d'arte en lugars destacatos d'as suyas bibiendas, anque no ta o desfrute publico, sino nomás d'os suyos amigos y besitants.
