Animal

De Biquipedia

Animals
Mollusca, Cnidaria, Chordata e Arthropoda son animals.
Clasificazión zentifica
Dominio: Eukaryota Reino: Animalia
Phyla
Subreino Parazoa     Porifera Subreino "Agnotozoa"       Placozoa       Orthonectida       Rhombozoa Subreino Metazoa   "Radiata"       Cnidaria       Ctenophora   Bilateria    Protostomia       Acoelomorpha       Platyhelminthes       Nemertina       Gastrotricha       Gnathostomulida       Micrognathozoa       Rotifera       Acanthocephala       Priapulida       Kinorhyncha       Loricifera       Entoprocta       Nematoda       Nematomorpha       Cycliophora       Mollusca       Sipuncula       Annelida       Tardigrada       Onychophora       Arthropoda       Phoronida       Ectoprocta       Brachiopoda    Deuterostomia       Echinodermata       Chaetognatha       Hemichordata       Chordata

Os animals u metazous (Animalia u metazoa) son organismos bibos quimioorganoheterotrofos plurizelulars, lo menos en a suya forma adulta, con respirazión aerobia -son toz dependients de l'oxicheno- e reproduzión sexual -con formazión de gametos haploides e zigotos diploides (zirclo bital haplo-diploide)-, que son diferenziables d'altros sers bibos heterotrofos per a suya sensibilidat e capazidat de mobimiento boluntario.

Anque que no ye de plen una carauteristica que agrupe á toz os animals, s'ha de tener en cuenta que muitos d'os organismos dintro d'este grupo son los que han desembolicato més e millor a capazidat suya ta lo mobimiento. Bi ha, pero, animals estaticos como os poriferos (esponchas) que tienen nomás mobimiento ziliar á dintro d'os suyos conductos zentrals meyante zelulas que desplazan l'augua, sin que l'animal entier pueda fer garra mobimiento propiament dito.

Con bien pocas exzepzions, as més entaltables d'entre os propios porifera, os animals tienen cuerpos prou bien diferenziatos con texitos deseparatos. Ixes encluyen, asinas, os musclos que se contrayen ta controlar o mobimiento, e un sistema nerbioso que nimbía e prozesa siñals. También gosan tener una cambra dichestiba interna, con una u dos ubriduras enta l'esterior. Ye la presenzia d'estas tres carauteristicas lo que fa que os animals que las tienen sigan cuaternatos como «metazous» u «eumetazous», estando ixe segundo termín lo més endicato mientres que lo primer no sería si que una espresión á sobent confusa ta designar á toz os animals de manera cheneral.

Toz os animals tienen zelulas eucariotas embolicadas d'una matriz extrazelular carauteristica composada de colacheno e glicoproteínas elasticas. Ixa matriz puet manifestar-se en dibersas formas, como per exemplo cuan ye calzificada en os güesos u closcas d'os moluscos.

Mientres d'o suyo desarrollo embrionario, forman de regular una carcasa relatibament flexible á dintro d'a cual as zelulas pueden mober-se de forma relatibament libre e reorganizar-se, fendo posibles altras estruturas posteriors més complexas. Tot ixo contrasta con altros organismos multizelulars como plantas e fongos, á on as zelulas obtienen o suyo puesto dende os prenzipios meyante la formazión de parez zelulars que esperimentan una creiximiento progresibo.