Fotografía
De Biquipedia
A fotografía ye a tecnica de grabar imachens fixas sobre una superfizie de material sensible á la luz basando-se en o prenzipio d'a cambra escura. En a cambra escura se consigue proyeutar una imachen cautata por un lente u un conchuntos de lentes sobre una superfizie, de forma que a imachen queda reduzita de grandaria e puet beyerse correutament. Ta almadazenar ista imachen as maquinas fotograficas emplegaban dica fa bels años as peliculas sensibles, mientres que en l'autualidat s'emplega tamién sensors dichitals.
A parabra fotografía prozede d'o griego e senifica "debuxar con a luz" (de photos = luz, e graphis = debuxo).
A fotografía puede estar clasificata baxo a más ampla denominazión de tratamiento de imachens, e por isto, ha embelecato á zentificos e artistas dende os suyos empezipiallos. Os zentificos, sobre tot, han aprofeitato a suya capazidat ta plasmar con prezisión toda mena de zercunstanzias e estudios, como los estudios sobre locomozión umana e animal d'Eadweard Muybridge (1887). Os artistas tamién han estato seduzitos por istos aspeutos pero han tratato siempre d'ir por más bariatos camíns que a simpla representazión foto-mecanica d'a reyalidat.
Contenius |
[editar] Tecnolochía e tecnica en a fotografía
- A maquina fotográfica
- Fotografía quimica
- Fotografía dichital
- Composizión fotográfica
- Iluminazión en fotografía
- Fotografía en blanco e negro
- Fotografía en color
- Rebelato d'a fotografía en blanco e negro
- Rebelato d'a fotografía en color
- Acutancia
[editar] Aplicazións zentificas d'a fotografía
A fotografía ha establito dende os suyos empezipiallos un meyo de gran utilidat en a rechira zentifica. Grazias á lo suyo emplego á ran zentifico se tien a posibilidat de rechistrar fenomens que no pueden estar alufratos dreitament, como por exemplo aquers que se desembolican en tiempos mui breus (fotografía ultrarrapeda) u mui pandos (fotografía de baxa belozidat), aquers que acayezen á escala microscopica, aquers que afeutan a rechions mui grans d'a Tierra u d'o espazio (fotografía aeria, orbital, astronomica), aquers atrabatas á radiazions no bisibles á lo güello umán, ezetra.
Entre as más importans aplicazions d'a fotografía en o campo zentifico destacan a fotografía ultrarrapeda e estroboscopica, a fotografía estereoscopica, a fotografía infrarroya e ultrabioleta, a fotografía aeria e orbital u a fotografía astronomica.
[editar] Fotografía como arte
Cuan os conoximientos en optica estieron pro enantaus, os pintors escubrioron a maniera de proyeutar una imachen sobre una binza de paper con azeite. Lo que lis premitiba prener notas á fote con a esbentaxa d'una chirata d'a imachen e una reduzión de grandaria.
Isto consona con a fuga d'o reyalismo en a pintura.
Mas tardi s'escubrioron tecnicas emplegando clara de güego que feban fesable lograr que a imachen por si mesma se quedara grabada en o paper. Ista tecnica se'n estió perfeuzionando grazias á la replega d'o fenomén quimico embrecato e a una contina prebatina con materials alternatibos. Luego estió fesable tener una caxa con un paper fotosensible zaboyato d'a luz, un cañon con o que enfocar-la, e un tancador ta fer pasar a luz o tiempo pro ta que percutiera á la binza.
A fotografía como arte, zenzia e esperenzia umana fuoron eboluzionado en paralelo mientres iste tiempo. En cuanto estió fesable fer d'a cambra un dispositibo móbil fázil de manullar aparixió a posibilidá d'influyir en o espeutador por meyo d'a posizión d'a cambra e a suya enfiladura, lo que premitíba tresladar a sozchetibidat d'o fotografo a la fotografía, antimás d'ir construyendo un luengache artistico.
O luengache artistico fotografico empezipió con o erenzio d'a pintura, sin dembargo enampló á fote o suyo lesico grazias a la fazilidat de fer enfiladuras estrimeras (picatos, contrapicatos,...) a cautura d'o mobimiento con largos tiempos de tancador, e a dezisión de l'inte. A presión sobre o fotografo ta siñalar a suya sozchetibidat en a fotografía forxó un luengache plen de sotilezas pero que s'entiende perfeutament, mui dreito ta cualsiquier alufrador.
Güe en diya la fotografía ye prauticata por millons de presonas en tot o mundo armatos con güenas maquinas fotograficas. Preferiendo-se autualment as maquinas con una güena optica e muitas ozions que adiban flesibilidat, fren a las maquinas enfiladas á lo gastador, á on a optica e o tancador ye manullada por a eleutronica restando á lo feito de fer una foto gran parti d'a suya imprebisibilidat. L'aparizión d'as maquinas dichitals, maquinas mistas con bidio, e a fotografía en redoladas de reyalidat birtual complican, enriquexendo, o esdebenidero d'iste arte.
[editar] Istoria d'a Fotografía
En as pachinas adedicatas á la istoria d'a Fotografía se reyaliza una estudio detallato que albarca dende os suyos empezipiallos dica o mesmo sieglo XXI e que encluye o estudio d'os diferents ebentos, presonaches e cheners fotograficos que han influyito en o desembolique d'istos dos sieglos d'a istoria d'a fotografía.
[editar] Dreitos de Autor
O Dreito de Autor considera á las imachens fotograficas á los fins de tutelar as imachens de presonas u d'aspeutos, alazez u feitos d'a bida natural u sozial otenitas por meyo de l'emplego d'un prozedimiento fotografico u enanto analogo.
Corresponde á lo fotografo, eszeuto en bellas custions relatibas a los retratos fotograficos, o dreito esclusibo de reproduzión, espardidura e benda. Sin dembargo, si a obra ha estato otenita en a bastida d'achuste de logamento de serbizios u de treballo, tal dreito esclusibo corresponde á lo responsable d'o mandalexo autual. A durazión d'os dreitos sobre a fotografía biene determinato por a normatiba legal d'aplicazión.
O Dreito tamién proteche a pribazidat d'o sucheto fotografico. De feito, ye premitida a espardidura de fotografías sin o premiso d'o sucheto nomás en os casos de presonaches publicos. En a resta d'os suposatos, o fotografo tetular d'a obra debe otener o premiso d'o sucheto á la publicazión e esposizión publica.
[editar] Cheners fotograficos
- Fotografía artistica
- Periodismo fotografico
- Fotografía d'ambista
- Fotografía industrial
- Fotografía de biaches
- Fotografía d'afizionaus
- Fotografía archeolochica
- O retrato fotografico
- Fotografía de defuntos
- L'espullato fotografico
- O pictorialismo
- Os reyalismos fotograficos
- As banguardias e a fotografía
- Fotografía academicista
- Fotografía de guerra
- Fotografía decumental
- A Fotografía e l'Arte Contemporanio
- L'abstrauzión fotografica
- Zaguers tendenzias fotograficas
- Atros emplegos d'a fotografía
[editar] A Fotografía por países
- Fotografía española
- Fotografía ispanoamericana
- Fotografía asiatica
- Fotografía en a Europa de l'Este
- Fotografía africana
- Fotografía en Oceanía
[editar] Beyer tamién
[editar] Enrastres esternos
- (es) Informazión sobre fotografía e maquinas dichitals.
- (es) Comunidat de fotografía de biaches.
- (es) Libros de referenzia de como fer fotos.
- (es) Sonimagfoto.
