Muerte

De Biquipedia
Ir ta: navego, busca
Articlo d'os 1000

A muerte ye a fin permanent d'as funcions biolochicas que definen un ser vivo. Se refiere tanto a la terminación en si como lo estato posterior de l'antigo organismo. L'autentica naturaleza d'o que viene dimpués d'a muerte ha estato dende fa milenios una preocupación central d'as tradicions relichiosas y filosoficas de tot o mundo. Muitas relichions tienen fe u creyen en una mena de más allá u bien en a reencarnación. Ta muitos, o efecto d'a muerte fisica sobre qualsiquier posible mente u alma contina estando una pregunta ubierta. Ta la sciencia contemporania, la muerte d'un organismo ye final.

Quasi sin garra excepción (se veiga hydra), os animals mueren a sobén de viellera. Bells fenomens que intervienen y que a ormino pueden causar una muerte prematura incluyen a malnutrición, a predación, a malautía, os accidents que provocan traumatismos terminals u, en circunstancias estremas, una grieu perturbación d'un ecosistema. As actividatz humanas voluntarias que prevocan a muerte incluyen o suicidio, l'homicidio y a guerra. Cada día mueren alto u baixo 150.000 presonas en tot o mundo.[1] A muerte en o mundo natural tamién se puet producir como resultato indreito de l'actividat humana: una causa creixient d'estinción d'especies en tiempos recients ha estato a destrucción de sistemas ecolochicos como consecuencia d'a expansión d'a tecnolochía industrial.[2]

L'obchectibo principal d'a sciencia medica ha estato prolargar y evitar a muerte. En iste contexto, a muerte ye vista más como un proceso que un escaicimiento; condicions que d'antis más yeran consideratas indicadoras de muerte son actualment reversibles.[3] Quan se traza una linia divisora entre a vida y a muerte, cal parar cuenta en atros factors amás d'a presencia u ausencia de signos vitals. Por un regular, a muerte clinica no ye ni necesaria ni suficient ta determinar a muerte legal. Un pacient con un corazón y polmons funcionals que tienga muerte cerebral se puet declarar legalment muerto sin que s'haiga producito a muerte clinica.

Referencias[editar | editar código]

  1. (en) Aubrey de Grey: "Life Span Extension Research and Public Debate: Societal Considerations". Studies in Ethics, Law, and Technology 1, Article 5, 2007. DOI 10.2202/1941-6008.1011
  2. (en) Human Activities Cause of Current Extinction Crisis
  3. (en) David Crippen: "Brain Failure and Brain Death". ACS Surgery Online, Critical Care