Letons

De Biquipedia
Ir ta: navego, busca
Letons
Latvieši
Miss Latvia 08 Ina Avlasevika.jpgVasks11.jpgVaira Vīķe-Freiberga.jpg
Ina Avlasevika · Pēteris Vasks. · Vīķe-Freiberga
Población total
1.700.000
Rechions con comunidatz importants
Flag of Latvia.svg Letonia 1.320.600
Flag of the United Kingdom.svg Reino Unito 30.000 - 200.000
Flag of the United States.svg Estatos Unitos 87.564
Flag of Russia.svg Rusia 28.520
Flag of Canada.svg Canadá 27.870
Flag of Brazil.svg Brasil 25.000
Idiomas
Letón
Relichión
Cristianismo

Os letons habitan Letonia y zonas mugants d'Estonia, Rusia y Lituania y son uns 1.700.000 individuos, con una diaspora en Europa Occidental y America que se remonta a las dos guerras mundials y una diaspora en Siberia que se remonta a lo periodo sovietico. Parlan una luenga indoeuropea d'a branca balta y son cristians luterans.

Relichión[editar | editar código]

O 68 % d'os letons son cristians luterans. Os catolicos son o 26 % y quasi totz son latgallians, un grupo etnorrelichioso diferent que habita a parte oriental de Letonia en a muga con Rusia, Belarrusia y Lituania y que pertenexió a la Unión Polaco-Lituana.

Luenga[editar | editar código]

O letón ye chunto con o lituán una d'as dos luengas indoeuropeas baltas supervivients. Ye dividito en tres dialectos: o central, l'oriental y o noroccidental. A literatura popular letona comparte con a literatura popular lituana a tradición de cantas folcloricas ditas dainas. O dialecto latgallián ye de transición entre o letón y o lituano y ye intelichible por os dos. O latgalliano conoixe un uso como luenga escrita, pero os que lo charran gosan escribir en letón.

Historia[editar | editar código]

A diferencia d'os lituans estioron sozmesos a los Caballers Teutons y tienen muita influencia alemana común con os estons.

mapa d'os pueblos balticos enta l'anyo 1200, a branca balta occidental ye senyalata en verde, a oriental en marrón

Os antipasaus d'os letons emigroron dende l'este empentatos por os eslavos orientals. Os letons prenen o nombre d'os latgallians (latgalli), qui orichinalment viviban en o noreste d'a Letonia actual y absorbioron a los selons, a los zemgalians y a los curs, que yeran d'a branca balta, y a los livos locals. Como muestra que os pueblos baltos orientals inicialment ocupaban tierras més a l'este, huei eslavizatas tenemos o feito que os letons encara denominan krievs a los rusos, y bi heba una antiga etnia eslava oriental dita "krivicians", que conoixioron os viquingos. Existe a teoría que diz que os krivicians empentoron a los letons enta l'ueste fendo-los emigrar ta l'actual Letonia.

Os letons y livos fuoron convertitos a lo cristianismo por os Caballers Portaespatas, dimpués part d'os Caballers Teutons en a primera metat d'o sieglo XIII. Letonia fue dividita entre o bispato de Riga, a ciudat independient de Riga y a Orden Teutonica. Letonia fue chermanizata, a población nativa fue redueita a la servitut baixo una nobleza terratenient alemana, as ciudatz estioron focos de población alemana, y se formó una burguesía alemana. A unión de Riga a la Ligallo Hanseatico trayó prosperidat a Letonia.

En 1629 Polonia y Suecia se repartioron Letonia: a part a lo norte d'o Dvina (Vidrem) pasó a depender de Suecia, o sudueste (Latgale) pasó a la unión Polaco-Lituana, y Curlandia esdevinió un ducato autonomo baixo sobiranía polaca. Dende a Guerra d'o Norte en 1721 Vidrem fue anexionato a Rusia, camín que siguió Latgale en 1771 con o primer reparto de Polonia y Curlandia en o tercer reparto.

Baixo o zar Alexandre I lis fue concedita a libertat personal a los siervos letons, que habioron d'esperar dica o reinato d'Alexandre II pa que lis concedesen o dreito a la propiedat d'a tierra. Se produció una industrialización y urbanización, s'extendilló l'amostranza y renaixió a luenga y literatura letonas. O nacionalismo letón se desembolicó como respuesta a la rusificación forzata d'os tiempos d'Alexandre III y Nicolau II.

En 1905 se formuló por primera vegata a desichencia d'un estato letón independient, que fue proclamato en 1917. Letonia recibió aduya estranchera pa mantener a independencia debant d'a Unión Sovietica. Por o Pacto Ribbentrop-Molotov Letonia fue obligata a fer part d'a Unión Sovietica. En a primera anyata d'ocupación sovietica 35000 letons fuoron arrestatos y deportatos a Gulags, por ixo muitos letons recibioron a las tropas d'o Tercer Reich como salvadors y colaboron activament con ellos. En as Waffen-SS i habió dos divisions letonas. Quan os alemans fuoron vencitos os letons continoron a resistencia con os suyos meyos y fuoron derrotatos. 65.000 letons fuyoron enta occident, os sovieticos arrestoron y deportoron ta gulags a 105.000 letons. Muitos habitants de Riga fuoron sustituitos por rusos.

Baixo o periodo sovietico que siguió a la segunda Guerra Mundial i habió una politica d'industrialización y rusificación, con plegata masiva de rusos y menors cantidatz de belarrusos y ucraineses. En a decada d'os ueitanta os letons no yeran que o 60 % d'a población y os rusos un 40%.

En 1991 Letonia proclamó a suya independencia, con o problema d'una gran minoría rusa reticent. Os rusos que vinioron en o periodo sovietico y os suyos descendients son obligatos a fer cursos de cultura y luenga letonas pa poder acceder a determinatos dreitos como a compra de tierras.