Brasil
De Biquipedia
| República Federativa do Brasil | |||||
|
|||||
| Lema nazional: Ordem e Progresso (Portugués; Orden y Progreso) |
|||||
| Inno nazional: Hino Nacional Brasileiro | |||||
 |
|||||
| Capital • Poblazión • Cordenadas |
Brasilia 2.557.158 15°45′S 47°57′W |
||||
| Mayor ziudat | São Paulo | ||||
| Idiomas ofizials | Portugués | ||||
| Forma de gubierno
President
|
Republica federal Luiz Inácio Lula da Silva |
||||
| Independenzia Declarata Reconoxita |
de Portugal 7 de setiembre de 1822 29 d'agosto de 1825 |
||||
| Superfizie • Total • % augua Mugas |
Posizión 5º 8.514.876 km² 0,65% 120,3 |
||||
| Poblazión • Total (2004) • Densidat |
Posizión 5º 184.101.109 22 ab./km² |
||||
| PIB (PPA) • Total (2008) • PIB per capita |
Posizión 9º $1,981 trillons $10,325 |
||||
| Moneda | Real | ||||
| Chentilizio | |||||
| Zona oraria | UTC -2 á -5 | ||||
| Dominio d'Internet | .br | ||||
| Codigo telefonico | ++ 55 |
||||
| Prefixo radiofonico | |||||
| Codigo ISO | |||||
| Miembro de: OEA, ONU, Mercosur, CSN, ALADI, SELA, CPLP | |||||
A República Federativa do Brasil ye o país más gran de Suramerica y o zinqueno más gran d'o mundo en cuanto á amplaria territorial. A suya poblazión ye de 184.101.109 abitants en una superfizie de 8.514.876 km² (o 47% d'a superfizie d'America d'o Sur), con una densidat de poblazión de 22 ab/km². Encara que Brasil ye o zinqueno país más poblato d'o mundo, ye uno d'os países con menor densidat de poblazión, en estar semidesertica a mayor parte d'o país.
Brasil tien zonas mugans con toz menos dos d'os países suramericáns, Chile y Ecuador. Muga: á lo norte con Benezuela, Colombia, Guyana, Surinam y Guayana Franzesa; á lo sur con Archentina, Uruguai y Paraguai; á l'este con l'Ozián Atlantico; y á l'ueste con Bolibia y Perú.
A capital nazional ye Brasilia, que sustituyó a Río de Janeiro en 1960. Politicament, Brasil ye una Republica, estando l'autual president d'o país Luiz Inácio Lula da Silva. Brasil declaró a suya independenzia de Portugal o 7 de setiembre de 1822 formando o Imperio de Brasil, y Portugal reconoxió ista declarazión d'independenzia o 29 d'agosto de 1825.
En estar una antiga colonia portuguesa, Brasil ye o unico país d'America d'o sur á on se i charra o portugués, encara que tamién se charran luengas indichenas, muitas en situazión de periglo. A relichión d'a mayor parte d'os brasileños ye o Cristianismo catolico (ye o país con mayor porzentache d'abitants catolicos d'o mundo), encara que tamién bi ha una important presenzia d'a Ilesia Ebanchelica.
A ziudat brasileña con mayor nomero d'abitants ye São Paulo, con más de 10 millons; Rio de Janeiro, con más de 6 millons; Salvador, Belo Horizonte y Fortaleza, con más de 2 millons; y Recife, Curitiba, Belém, Porto Alegre, Manaus y Goiânia, totas con más d'1 millón d'abitants.
A mitad norte d'o país ye formata por a cuenca idrografica d'o río Amazonas, encara que a parte sur de Brasil fa parte d'a cuenca idrografica d'o Río d'a Plata, con os ríos Paraguai, Paraná y Uruguai. Antiparte, una parte d'as suyas auguas flubials desauguan en l'Ozián Atlantico, que ye a muga oriental de Brasil. A mayor altaria de Brasil ye o Pico da Neblina, con 2.993 metros d'altaria denzima d'o ran d'a mar.
[editar] Organizazión politico-almenistratiba
Artículo prenzipal: Organizazión politico-almenistratiba de Brasil
O territorio de Brasil ye dibidiu en 26 estaus y un Destrito Federal.
| UF | Sigla | Capital | Rechión | |
|---|---|---|---|---|
| 1 |  Acre |
AC | Rio Branco | Norte |
| 2 |  Alagoas |
AL | Maceió | Nordeste |
| 3 |  Amapá |
AP | Macapá | Norte |
| 4 |  Amazonas |
AM | Manaus | Norte |
| 5 |  Bahia |
BA | Salvador | Nordeste |
| 6 |  Ceará |
CE | Fortaleza | Nordeste |
| 7 |  Espírito Santo |
ES | Vitória | Sudeste |
| 8 |  Goiás |
GO | Goiânia | Zentro-Ueste |
| 9 |  Maranhão |
MA | São Luís | Nordeste |
| 10 |  Mato Grosso |
MT | Cuiabá | Zentro-Ueste |
| 11 |  Mato Grosso do Sul |
MS | Campo Grande | Zentro-Ueste |
| 12 |  Minas Gerais |
MG | Belo Horizonte | Sudeste |
| 13 |  Pará |
PA | Belém | Norte |
| 14 |  Paraíba |
PB | João Pessoa | Nordeste |
| 15 |  Paraná |
PR | Curitiba | Sur |
| 16 |  Pernambuco |
PE | Recife | Nordeste |
| 17 |  Piauí |
PI | Teresina | Nordeste |
| 18 |  Rio de Janeiro |
RJ | Rio de Janeiro | Sudeste |
| 19 |  Rio Grande do Norte |
RN | Natal | Nordeste |
| 20 |  Rio Grande do Sul |
RS | Porto Alegre | Sur |
| 21 |  Rondônia |
RO | Porto Velho | Norte |
| 22 |  Roraima |
RR | Boa Vista | Norte |
| 23 |  Santa Catarina |
SC | Florianópolis | Sur |
| 24 |  São Paulo |
SP | São Paulo | Sudeste |
| 25 |  Sergipe |
SE | Aracaju | Nordeste |
| 26 |  Tocantins |
TO | Palmas | Norte |
| 27 |  Destrito Federal |
DF | Brasília | Zentro-Ueste |
[editar] Prenzipals rechions metropolitanas
As prenzipals arias metropolitanas de Brasil son:
| Rechión Metropolitana | Poblazión en 2007 | |||
|---|---|---|---|---|
| São Paulo | 20.500.000 | |||
| Rio de Janeiro | 11.350.000 | |||
| Belo Horizonte | 5.000.000 | |||
| Porto Alegre | 4.200.000 | |||
| Recife | 3.600.000 | |||
| Brasilia | 3.500.000 | |||
| Fortaleza | 3.450.000 | |||
| Salvador | 3.350.000 | |||
| Curitiba | 3.250.000 | |||
| Campinas | 2.650.000 | |||
| Belém | 2.100.000 | |||
| Goiânia | 2.030.000 | |||
| As rechións metropolitanas con más de 2.000.000 d'abitants IBGE. | ||||
| Países d'America d'o Sur |
|---|
| Archentina | Benezuela | Bolibia | Brasil | Chile | Colombia | Ecuador | Guyana | Paraguai | Perú | Surinam | Uruguai |
| Dependenzias: Aruba | Antillas Neerlandesas | Cheorchias d'o Sur | Guayana Franzesa | Islas Malbinas | Sandwich d'o Sur |
