Idioma persa

Persa فارسی / Fārsī
Atras denominacions:
Parlato en:	Irán, Afganistán, Tachiquistán
Rechión:	Orient Meyo
Parladors:	~61.7 millons
Posición:	{{{rank}}} (Ethnologue 1996)
Filiación chenetica:	luengas indo-europeas  indo-iranio   iranio    Occidental     Occidental meridional      persa
Estatus oficial
Oficial en:	Irán
Luenga propia de:	{{{propia}}}
Reconoixito en:	{{{reconoixito}}}
Regulato por:	Academia d'a luenga y literatura persa Academia de Sciencias d'Afganistán.
Codigos
ISO 639-1	fa
ISO 639-2	per (B), fas (T)
ISO 639-3	fas
SIL
Extensión d'o persa

O persa ye una luenga indo-europea parlata en Irán, Afganistán, Tachiquistán, Uzbekistán, Bahrein, Iraq, Azerbaichán, Armenia, Cheorchia, o sud de Rusia y países vicins. Ye una luenga indoeuropea d'a branca irania con una tradición historica luenga que se remonta a lo Imperio Aquemenida, unas quantas fases lingüisticas (persa antigo, persa meyo u pahlavi, persa clasico y persa contemporanio), y diferents formas standard actuals (persa en Irán, dari en Afganistán, y tachico en Asia Central)

En as luengas europeas occidentals bi ha parabras persas trasmesas por l'arabe como aixedrez, azul, narancha, espinayes y alfaz.

Historia

O persa antigo s'escribiba en tiempos d'o Imperio Aquemenida, o persa meyo u pahlavi s'escribiba en tiempos d'o Imperio Sasanida. Entre meyo a luenga d'a cort d'a dinastía Arsacida en tiempos d'o Imperio Parto estió o parto, tamién iranián pero d'atra branca adintro d'as luengas iranianas.

Dende a conquiesta islamica, o persa s'encomenzó a escribir con alfabeto arabe y esdevinió a principal luenga en Corastén y Transoxiana, a on naixió o persa clasico. O primer gran escritor en persa clasico estió Firdusi, un poeta epico Corastení de fins d'o sieglo X y principios d'o sieglo XI. O persa clasico esdevinió una luenga de cultura y que mantenió o suyo prestichio entre os selchuzidas, otomans, grans mogols y khans uzbecos, que teneban clases dirichents d'orichen turquico. O turco otomán teneba muitas parolas ampradas d'o persa clasico que en tiempos de Kemal fuoron sustituitas por parolas d'orichen turquico.

Dende a capital Teherán se fue oficializando en Irán china chana l'uso d'o persa contemporanio con a prensa y l'amostranza. O estandard persa que ye cooficial en Afganistán ye conoixito como dari y se considera mes puro y arcaizant. Dende os anyos 1930 se facioron importants campanyas d'alfabetización en Tachiquistán prenendo l'alfabeto cirilico, en parti por motivos lingüisticos (l'alfabeto cirilico, como l'alfabeto latín y o griego, son más adaptatos a las luengas indoeuropeas, con más variedat de vocals que as semiticas), y en parti por motivos politicos. En ixa epoca la luenga principió a decir-se tachico.