Dragón

De Biquipedia
Ir ta: navego, busca
San Chorche y o dragón

O dragón (d'o latín draco, y iste d'o griego drakon, "gripia" u "serpient", y iste de δρακεῖν, infinitivo aorista activo de δέρκομαι,[1] puedo veyer clarament) ye un animal fantastico mui conoixito en Europa y Asia.

Basicament ye una gran serpient con dos garras, u a vegatas quatre, y con una parella d'alas. O suyo rostro, asinas como atras partis d'o cuerpo, gosan estar más relacionatas con tercers animals, como leons u bous. En totz os puestos se diz que os dragons pueden chitar fuego por a boca y son capables de cremar qualsiquier cosa.

Por un regular son salvaches y malignos. Matan as ramatas y os suyos amos. A sobén cusiran grans trasoros en solitario y tienen una gran sabiduría. Los esfensan mientres largos tiempos debito a la suya larga vida y a la capacitat de veyer incluso quan son durmindo ya que no tienen parpagos, igual que as serpients.

Dragons en Aragón y fuents aragonesas[editar | editar código]

Actual escudo d'a Comunidat Valenciana, con o casco de Pero IV

O dragón ye un animal muit relacionato con a mitolochía aragonesa y con o patrón d'Aragón, Sant Chorche.

Destaca a falordia d'o Dragón d'Uruel que viviba en a Penya Uruel, amán de Chaca. Se deciba que a mirata d'os dragons himpnotizaba a qui la uellaba, por ixo un caballero aragonés aproveito isto ta matar a lo dragón. Pulió lo suyo escudo, como un mirallo y puyó enta la espelunga a on viviba o dragón fendo que iste mira-se o escudo y s'himpnotiza-se con a suya propia uellata mientres o caballero l'amortaba.

Pero IV estió lo primer rei d'Aragón que emplegó lo simbolo d'o dragón alato en o suyo casco de combate. Se diz que os soldatos d'Aragón chilaban en as barallas Por San Chorche, D'Aragón!, por o qualo teneba probablement un doble sentito l'adopción d'o dragón como simbolo d'os reis d'Aragón, a relación con o suyo patron y o pareixito fonolochico con o nombre d'o país.

Más tardi os simbolo heraldico d'o dragón (o "drac alat" en catalán) en Valencia ý atros territorios d'a corona esdevinio un murciagalo por o suyo pareixito con "rat alat" (forma asimilable a "murciagalo" en catalán).

En o "Libro d'el Trasoro" dedican o capítol 141 a los dragons:

Dragon es la mas grant sirpient de todas e encara vna de las mas grandes bestias del mundo, que habitan en la Jndia e en Etiopia, en do ha todos tiempos grant uerano. E cuando ixe de su spelunca, el corre por el ayre asi fuertment e de grant fortaleza, que el ayre ne reluze cerca el asi como fuego ardient.
E ha vna cresta e bocha chica, do el forado abierto, por do el saque la lengua e su spiritu. Nj su fuerça no es pas en a boca mas en la coda, do el nueze, mas por el ferir que por el nafrar; assi ha tan grant fuerça en la coda, mas que otra bestia njnguna; como quier que ella sia grand e fuert, si el dragon la strinye de la coda suya, que jamas lescape sin morir; nj encara el elefante mjsmo le conujene morir, yes a saber, que entre ellos ha mortal odio, segunt que el maestro dira aca auant en el conto del elefant.

Referencias[editar | editar código]


 
Mitolochía aragonesa
 Dioses Anayet - Arafita - Balaitús - Bébrix - Culibillas - Gabardiella - Gabardón - Hercules - Gratal - Pyrene
 Chigants Aneto - Atland - Ciclope de l'aniello - Cherión - Chenios d'as nieus - Chigant de Muyed - Chuan Ralla - Fotronero - Guara - Home granizo d'o Turbón - Home granizo d'a Val d'Onsella - Rondán - Silván
 Sers Basaharau - Bilbiana - Belaín - Diaple - Diaplerons - Moras - Encantaria - Ensundiero - Fada - Filadera - Folletz - Furtaperas - Hebe - Lainas - Mamés - Mariuena - Martinico - Minairons - Home choto - Home granizo - Pastor de lupos - Peinadora - Sacamantecas - Unyazas
 Bruixas y bruixons Amaría d'Arbués - Catalina Aznar - Cristineta d'Alcoleya - Debinaire - Gracia Bielsa - Gracia de Valle - Glaudonetas - Martina Gen - Maut - Pedro Arruebo - Pedro de Ysabal - Tía Casca - Tía Galga - Tía Picolla - Urganda
 Animals Babieca - Buco - Caballo - Can - Craba - Dragón - Gato - Lacuerco - Liebre - Lupo - Onso - Sirpient
 Pantasmas Abad d'Alquezra - Almetas de Roldán - Berenguer de Bellvis - Celina - Cura de Benás - Doncella de Buera - Lumbretas - Guzpatas - Pantasma d'Asba - Pantasma d'a lungara - Pantasma de Sarinyena - Pantasma de Sant Chuan d'a Penya - Pantasmas de Sopeira - Pantasma d'a villa de Sos - Prió d'Urmella
 Elementos Almetas - Aniello machico - Brinzoner - Cardincha - Durendart - Esconchurador - Espantabruixas - O Libret - Religada
 Leyendas Árbol de Sobrarbe - Trachinero d'Espés - Barón Artal de Mur - Barón d'Escrich - Barón d'Espés - Campana de Uesca - Campana de Viliella - Cuento d'os cheposos - Fustero de Bara - Cazataire maldito - Ferrero de Serradui - Fortún de Vizcarra - Franceset de Castanesa - Fundación de Sant Chuan d'a Penya - Galino Galinás - Marieta - Palafox - Santo Gredal - Tío Apolinar - O toro y a estrela - La soterrada viva d'Alfambra - Viellas pervivients