Aquitania

De Biquipedia
Ir ta: navego, busca
Aquitania
Aquitaine
Aquitània
Akitania
Rechión de Francia
Flag of Aquitaine.svg Escudo
Bandera Escudo
Aquitaine region locator map.svg
Mapa de situación en Francia
Entidat
 • Estato
 • Capital
Rechión
Flag of France.svg Francia
Bordeus
President Alain Rousset
(dende 1998)
Subdivisions
 • Districtos
 • Cantons
 • Comunas

18
235
2.296
Departamentos Dordonya (24)
Gironda (33)
Landes (40)
Òlt y Garona (47)
Pireneus Atlanticos (64)
Superficie
 • Total

41.309 km²
Población
 • Censo (2007)
 • Estim. (2004)
 • Densidat (2007)
Posición 6ª
3.150.890 hab.
3.049.000 hab.
76,28 hab/km²
http://www.aquitaine.fr/
Iste articlo ye sobre a rechión francesa d'Aquitania, ta la provincia romana se veiga Galia Aquitania.

Aquitania (en occitán: Aquitània [akiˈtanjɔ]; en vasco Akitania; en francés Aquitaine) ye o nombre dato entre a historia a diversas partis d'o sudueste de l'actual Francia. Actualment corresponde con una rechión francesa formata por cinco departamentos, 18 districtos, 235 cantons y 2.296 comunas.

A suya población ye de 3.150.890 habitants (2007) en una superficie de 41.309 km², con una densidat de población de 76,28 hab/km².

A capital d'a rechión ye a ciudat de Bordeus, y o president d'o Consello Rechional d'Aquitania ye, dende 1998, o politico socialista Alain Rousset

Etimolochía[editar | editar código]

Actualment, a teoría mas estendillata sobre a etimolochía d'Aquitania diz que l'orichen ye a parola en latín aqua (augua en aragonés, y que o suyo nombre sería asinas o país d'as auguas, en razón d'a suya abundancia en recursos hidrolochicos, encara que tamién se relaciona con o nombre d'a ciudat d'Aquæ, que ye l'actual Dacs, en o departamento d'as Landas.

Sindembargo, cal parar cuenta que o toponimo ye prou amanato a o nombre d'os suyos antigos pobladors antes que no i plegasen os romans, que yeran ditos auscitans, d'a ciudat eponima d'Aush, en l'actual departamento d'o Gers. Antiparte, en ixe nombre ye present a misma radiz que en unatro pueblo prerromán que se trobaba a o sud d'os Perinés, os actuals vascos (eusk- en vasco) y mesmo de l'actual ciudat aragonesa de Uesca, estando asinas posible una relación de parentesco entre ixos tres pueblos. No se conoix exactament o sentito u significato d'a radiz eusk- u ausc- (que antiparte ye tamién present en o nombre d'a Gascunya, l'antiga Wasconia medieval.

Historia[editar | editar código]

Aquitania prerromana[editar | editar código]

En os sieglos II y I aC a rechión entre a Garona y os Pireneus yera habitata por una serie de pueblos preindoeuropeus ditos aquitans, que heban asimilato parte d'a cultura d'os Campos d'Urnas y entre os que s'iban establindo poblacions galas (pueblos celtas).

Quan Pompeyo tornó ta Roma dimpués d'una guerra civil en Hispania fundó en a muga entre Aquitania y a Gallia Narbonensis a ciudat de Lugdunum Convenarum, en l'actual Saint Bertrand de Comencha, seguntes o modelo d'oppidum y dunum galo. Mientres a conquiesta romana d'a Galia por Chulio César, se deciba asinas a lo territorio a lo sud d'a Garona, habitato por un pueblo de chinetz que o mesmo Chulio César consideraba ibers. O mesmo toponimo puede derivar d'a parabra latina ta chinet: "equites".

Aquitania romana[editar | editar código]

Se veiga l'articlo prencipal sobre a provincia romana d'Aquitania
Aquitania, como provincia romana feita con o territorio d'os aquitans ixamplato con territorios d'a Galia Celtica.

O lugartenient de César, Licinio Graso, conquerió Aquitania. Augusto la chusmetió definitivament dimpués de diferents campanyas entre o 37 aC y o 27 aC. En a organización administrativa d'Augusto as mugas d'Aquitania se levoron ta lo Loira y os monts Cevennes, metendo-ie Berry y as rechions altas d'o Macizo Central. As ciudatz importants yeran Avaricum (Bourges), Limonum (Piteus), Burdigala (Bordeus) y Elusa (Eusa). A más gran parte d'o territorio correspondeba a os territorios d'os galos y no pas d'os aquitans orichinals.

En os zaguers sieglos de dominio román apareixen chitos de rebelión contra l'autoridat romana, os bagaudas, que nunca no estioron acotolatos de tot. O movimiento bagauda plegó ta o norte d'Hispania dende Aquitania. O emperador Dioclecián reorganizó l'administración y dividió Aquitania en tres partis: Aquitania Prima (oriental), Aquitania Secunda (occidental) y Novempopulania. A zaguera correspondeba con l'Aquitania prerromana. As capitals d'as tres partes estioron Bourges, Bordeus y Eusa (Ausch).

Aquitania en a caita de l'imperio román[editar | editar código]

En l'Altera Edat Meya o territorio que se deciba Aquitania yera lo que correspondeba a Aquitania Prima y Aquitania Secunda, sin Novempopulania. Novempopulania yera en poder d'a población menos romanizata, ditos bagaudas y que con o tiempo tamién serán conoixitos chenericament como vascons. O territorio que se dirá Aquitania incluirá a ciudat de Tolosa. Ista Aquitania estió en primerías entregata a los visigodos, que plegoron en o 418; os francos de Clodoveu I en 508 derrotoron a os visigodos y els empentoron ta Hispania.

Aquitania Merovinchia[editar | editar código]

Bells bretons aliatos d'os francos s'establioron en a zona d'o río Garona. Dimpués d'a muerte de Clodoveu (511) o reino franco se dividió en quatre partz seguntes o costumbre franco: Neustria, Austrasia, Borgonya y Aquitania. Aquitania yera a menos chermanizata d'as quatre.

O sud de Galia, una zona muito romanizata, teneba amás poca influencia franca, fueras d'a cuenca d'a Roina. Os territorios entre a Loira y os Pireneus yeran una especie de protectorato melitar franco. Os merovinchios no teneban soque una autoridat nominal sobre Aquitania. Os patricios galorromans autoctonos, alavez duques como Eudes, Hunaud y Waïfre, son qui dirichen Aquitania de verdat. Os vascons d'a Novempopulania tampoco no yeran chusmesos a garra autoridat franca, pero os merovinchios creyoron a entidat dita Ducato de Wasconia en 601-602; Wasconia será l'orichen d'o toponimo actual Gascunya.

Aquitania carolinchia[editar | editar código]

A invasión musulmana d'Hispania plegó ta Aquitania. O franco Carlos Martel los venció en Piteus, en l'anyo 732. Esta victoria permetió a os francos de chusmeter a vasallache l'Aquitania, pero respetando l'autoridat d'os duques locals. O emperador Carlos Magno creyó o Reino d'Aquitania ta o suyo fillo Loís lo Piadoso.

Con Carlos Magno s'introducioron poblacions francas ta ocupar puestos en l'administración a lo costato d'os duques locals d'orichen galorromán. Deportó a bells aquitans de Wasconia ta Borgonya y establió en cuenta d'ellos a burgundios y francos. En o 806 se fixoron as mugas d'o futuro reino d'Aquitania: a Loira, o corso baixo d'o Roine, a Mediterrania y os Pireneus.

Os reis carolinchios que gobernoron Aquitania estioron Pepín I, Pepín II, Carlos lo Nino y Loís lo Tartamudo. Quan Loís lo Tartamudo fue coronato, en l'anyo 877, o rei d'os francos renunció a mantener a ficción d'un reino d'Aquitania semiindependient porque de feito yera trestallato en muitos prencipatos más poderosos que a suya monarquía: os condatos de Piteus, la Marche, Santoigne, Perigord, Lemosín, Auvernia, Quercy, Tolosa y o ducato de Gascunya.

O nombre d'Aquitania cayó en desuso, estando sustituito por atros como "Gascunya" (a lo sud d'a Garona), "Guyena" (a lo norte d'a Garona).

Aquitania como rechión en a Francia moderna[editar | editar código]

Recientment s'ha adoptato decir Aquitania a una rechión d'a Republica Francesa que albarca parti de Gascunya y tot o País Vasco francés. Comprende os departamentos de Dordonya, Gironda, Landas, Lot y Garona. A ciudat más important ye Bordeus.

Vinclos externos[editar | editar código]


Rechions y departamentos d'ultramar de Francia Bandera de Francia
Rechions:

Alsacia | Aquitania | Alta Normandía | Auvernia | Baixa Normandía | Borgonya | Bretanya | Campanya-Ardenas | Centro | Corcega | Franco Condato | Isla de Francia | Lemosín | Lenguadoc-Rosellón | Lorena | Meyodía-Pireneus | Norte-Paso de Calais | Países d'a Loira | Picardía | Poitou-Charentes | Provenza-Alpes-Costa Azul | Roine-Alpes

Departamentos d'Ultramar: Guadalupe | Guayana Francesa | Martinica | A Reunión | Mayotte


A bandera occitana As divisions administrativas d'Occitania A bandera panoccitana

En Espanya:

A Val d'Arán en a provincia de Leida, Catalunya

En Italia:

A Guardia Piemontesa en Calabria · partis de Liguria amán d'a muga francesa · Vals Occitanas de Piemont

En Francia:

Rechions : Aquitania · Auvernia · Lenguadoc-Rosellón · Lemosín · Meyodía-Pireneus · Poitou-Charentes · Provenza-Alpes-Costa Azul · Roine-Alpes · Centro

Departamentos : Alier (03) · Alpes d'Alta Provenza (04) · Altos Alpes (05) · Alpes Maritimos (06) Ardescha (07) · Arièja (09) · Aude (11) · Avairon (12) · Bocas d'o Roine (13) · Cantal (15) · Charanta (16) · Char (18) · Corresa (19) · Cruesa (23) · Dordonya (24) · Droma (26) · Erau (34) · Gardon (30) · Alta Garona (31) · Gers (32) · Gironda (33) · Indre (36) · Isèra (38) · Landas (40) · Loira (42) · Alta Loira (43) · Losera (48) · Òlt (46) · Òlt y Garona (47) · Puèi Domat (63) · Pireneus Atlanticos (64) · Altos Pireneus (65) · Pireneus Orientals (66) · Tarn (81) · Tarn y Garona (82) · Var (83) · Vauclusa (84) · Viena (86) · Alta Viena (87)

Antigas provincias : Biarn · Borbonés · Delfinato · Condato de Foix · Gascunya · Guyena · Lenguadoc · Lemosín · Condato de Niza · Auvernia · Provenza · Condato Venaissin

Mónegue