Guyena

Guyena Guiana Guyenne
Comarca d'Occitania
Dolmen en Quercy
Capital	Bordeus
Entidat  •País  •Departamento	Comarca  Occitania Gironda Dordonya Lot-et-Garonne Lot Aveyron
A Guyena en un mapa d'Europa en o sieglo XIII

Guyena (en occitán Guiana [giˈanɔ, ˈgjanɔ], en francés Guyenne [gɥijɛn]) ye una antigua provincia d'o sudueste francés. A suya capital yera Bordeus y se trobaba a lo noreste de Gascunya. O termin se refirió dimpués a lo conchunto d'as posesions francesas d'o Rei d'Anglaterra dezaga o Tratau de París en 1259. Yera formata por Lemosín, Périgord, Quercy, Rouergue, Agenais, una parti de Saintonge y de Gascuña.

Etimolochía

O nombre en aragonés y en castellán, Guyena, provién d'o francés Guyenne, que ye l'adaptación de l'occitán Guiana. Ista palabra tien o suyo orichen en Aquitania, que en os sieglos XII-XIII esdevenió Aguiana en gascón, que esdebenió luego Guiana por a perduga d'a letra a d'o prencipio d'a palabra. Sindembargo, tamién se diz que a palabra tien o suyo orichen en a traza de prenunciar d'os angleses d'o toponimo Aquitania mientres o suyo dominio d'ista rechión.