Río Loira

De Biquipedia
Ir ta: navego, busca
Iste articlo ye sobre o río Loira; t'atros usos, se veiga Loira (desambigación).
Loira
Puent sobre o río Loira, en Blois
Puent sobre o río Loira, en Blois.
Administración
Estatos Flag of France.svg Francia
Territorios Flag of Occitania.svg Occitania
Flag of France.svg Francia
Flag of Brittany (Gwenn ha du).svg Bretanya
Cheografía
Longaria 1.013 km
Altaria d'o naixedero 1.408 m
Naixedero Macizo Central
Desembocadura Golfo de Vizcaya
Hidrolochía
Superficie d'a cuenca 117.000 km²
Cabal meyano 850 m³/s
Mapa
O curso d'o río Loira
O curso d'o río Loira.


O río Loira (Léger en occitán, Liger en bretón y Loire en francés) ye un río que tien o suyo naixedero en o Macizo Central, en Occitania, a 1.408 metros d'altaria sobre o ran d'a mar, ta dimpués dentrar en o suyo camín enta o norte en territorio francés y dirichir-se dimpués enta l'ueste, dica a suya desembocadura en o golfo de Vizcaya (Ocián Atlantico) en territorio de Bretanya. Con una longaria de 1.408 km, drena una cuenca hidrolochica d'una superficie de 117.000 km² con un cabal meyano de 850 m³/s.

Mientres o suyo recorrito, trescruza importants ciudatz, como Orléans, Tours, Angers, Nantes u Saint-Nazaire (en ista zaguera se troba a suya desembocadura). Trescruza y da o suyo nombre a seis departamentos de Francia: Loira, Alta Loira, Loira Atlantica, Indre y Loira, Maine y Loira y Saona y Loira. Os suyos principals afluyents son o río Alier, o río Char, o río Indre, o río Vinhana o o río Sèvre Nantaise.

A val d'o Loira (en o suyo trampo central) fue declarata por a UNESCO como Patrimonio d'a Humanidat, y se caracteriza por as suyas vinyas y tamién por os suyos castiellos, os conoixitos como castiellos d'o Loira.

Rio Loira at Saint-Nazaire


Vinclos externos[editar | editar código]