Aush

Aush Auch
Localidat de Francia
Anvista d'Aush.
Estato  • País	Francia Occitania
• Rechión	Meyodía-Pireneus
• Departam.	Gers (prefectura)
• Destrito	Destrito d'Aush (capital)
• Cantón	capital de 4 cantons
Mancomunidat	Mancomunidat du Grand Auch
Alcalde	Franck Montaugé (Parti Socialiste Français)  (2008-2014)
Superficie	72,48 km²
Población  • Total  • Densidat	(2008) 23.155 hab. 301 hab./km²
Altaria  • Meyana  • Maxima  • Minima	166 m 281 m 115 m
Codigo INSEE Codigo postal	32013 32000
Coordenatas	43°38’47’’N 0°35’ 7’’E
Situación en Francia

Aush (Aush en occitán, Auch en francés y oficialment) ye una comuna occitana en o departamento francés de Gers (en ye a suya capital), rechión de Meyodía-Pireneus, destrito d'Aush (tamién en ye a capital), capital de quatre cantons: Aush Noreste, Aush Norueste, Aush Sudeste-Sheishan y Aush Sudueste.

A suya población ye de 23.155 habitants (2008) en una superficie de 72,48 km², con una densidat de población de 72,48 hab/km².

Toponimia

O toponimo occitán Aush se remonta a lo etnonimo ausci (habitadors aquitans d'a ciudat y redolata). A l'egual que en atras ciudatz de Galia que yeran as capitals de comunidatz galo-romanas que correspondeban a diferents pueblos galos se perdió l'antigo nombre (n'este caso Elimberrum), sustituito por o nombre d'o pueblo que bi residiba, en ablativo-locativo.

Existe una hipotesi que relaciona o etnonimo d'os ausci con a radiz d'o etnonimo d'os vascos eusk, hipotesi refirmata por a identificación d'o proto-vasco reconstruito con o idioma aquitán.

Demografía

Datos de población
(Fuent: INSEE)

1962 1968 1975 1982 1990 1999 2008 2008 - - 18.918 21.462 23.185 23.258 23.136 21.838 - 23.155 - - Ta os censos dende 1962 dica 1999, a población legal corresponde a la población sin duplicidatz seguntes define l'INSEE.

Historia

Aush estió una d'as 12 civitates d'a Novempopulania. Quan a capital de Novempopulania Eusa fue destruita por os vandalos, Aush la sustituyó como capital d'o territorio. Aush esdevinió a seu d'una archidiocesi catolica, con churisdicción por tota Gascunya, y por bells sieglos (entre l'anyo 714 y l'anyo 1091) en zonas d'o norte d'Espanya, (Navarra, Alto Aragón occidental). A diocesi d'Aush duró dica a Revolución Francesa. Os arcebispes metropolitans d'Aush reclamaban o títol de Primatos d'Aquitania, Novempopulania y Reino de Navarra.

Administración

Alcaldes

Lista d'alcaldes

Lechislatura	Nombre	Partito politico
1977–1983	Jean Laborde	Parti Socialiste Français
1983–1989	Jean Laborde	Parti Socialiste Français
1989–1995	Jean Laborde	Parti Socialiste Français
1995–2001	Claude Desbons	Parti Socialiste Français
2001–2008	Claude Bétaille	Parti Socialiste Français
2008–2014	Franck Montaugé	Parti Socialiste Français

Molimentos

• Seu de Santa María d'Aush, d'os sieglos XV-XVII.
• Torre d'Armanhac.
• Museu d'os Jacobins d'Aush.

Localidatz achirmanatas

• Calatayú (Comunidat de Calatayú, Aragón).
• Memmingen (Alemanya).
• Cangues d'Onís (Prencipato d'Asturias).

Vinclos externos

• Se veigan as imáchens de Commons sobre Aush.
• (fr) Pachina web oficial municipal d'Aush.