Cultura d'os Campos d'Urnas
De Biquipedia
La cultura de los Campos d'Urnas (1300 aC-750 aC) estió una cultura tardana de la Edat de Bronze de Zentroeuropa que s'estendilló dica Europa ozidental, incluindo la Bal de l'Ebro. Prene nombre de lo costumbre de cremar los muertos e meter lurs zenisas en urnas, que se apedecan en un campo. La cultura de los Campos d'Urnas ye chusto dimpués de la cultura de los Tumulos zentroeuropeya e chusto enantes de la cultura de Hallstätt, que ye ya de la primera Edat de Fierro.
Contenius |
[editar] Cronolochía
Se crei que en bellas zonas, como lo surueste d'Alemaña ya i eba Campos d'Urnas arredol l'año 1200 aC (prinzipio de l'Hallstätt A), pero la fase D de lo Bronze de Riegsee ya contién cremazions. Bi ha custions pendiens porque en ixas zonas de Zentroeuropa lo cambeyo dende lo Bronze meyo ta la cultura de los Campos d'Urnas ye una transizión progresiba. La cultura de los Campos d'Urnas abarca las fases Hallstätt A e B (Ha A u B) en lo sistema cronolochico de Paul Reinecke, pero no s'ha de confundir con la cultura de Hallstätt (Ha C e D) de la binient Edat de Fierro. Esto corresponde á las fases Montelius III-IV de la Edat de Bronze de lo Norte. Si la fase Bronze D de la cronolochía de Reinecke se incluye u no, depende de l'autor e rechión.
La cultura de los Campos d'Urnas se dibide en bellas sozfases (basato en Müller-Karpe sen.):
| Año enantes Cristo |
|
|---|---|
| Bz D | 1300-1200 |
| Ha A1 | 1200-1100 |
| Ha A2 | 1100-1000 |
| Ha B1 | 1000-800 |
| Ha B2 | 900-800 |
| Ha B3 | 800-750 |
[editar] Orichen
La cultura de los Campos d'Urnas se desembolicó dende la cultura de los Tumulos prezedent. La transizión ye gradual en zeramica como en los ritos funerarios. En bellas zonas d'Alemaña la cremazión e inumazión esistioron simultaniament (fazies Wölfersheim). Bellas tumbas tienen una combinazión de zeramica de la cultura de los Tumulos y espatas de la cultura de los Campos d'Urnas (Kressborn, Bodenseekreis) u zeramica inzisa de la cultura de los Tumulos chunto con los primeros tipos de zeramica de los Campos d'Urnas (Mengen). En lo Norte prenioron la cultura de los Campos d'Urnas només que en lo periodo HaA2.
En una paul de Ellmoosen (Kr. Bad Aibling, Alemaña) bi ha una representazión de tot l'interbalo temporal dende lo Bronze B dica lo periodo temprano de la Cultura de los Campos d'Urnas (Ha A). Esto demuestra una continazión considerable de lo ritual. En la Loira, Sena e lo Roine, bels bados contienen depositos que ban dende lo neolitico tardano enta lo periodo de los Campos d'Urnas.
Los orichens de lo ritual de cremazión se crei que son en los Balcans, on ye amplament estendillato en la zona este de la cultura de los Tumulos. Se prinzipia á beyer bellas cremazions en la cultura Proto-Lusaziana e en a cultura de Trzciniec
[editar] Distribuzión e grupos locals
La cultura d'os Campos d'Urnas yera en una gran aria dende l'ueste d'Ongría dica l'este de Franzia e dende los Alpes dica á man de la Mar de lo Norte. Los grupos locals, prenzipalment diferenziatos por la zeramica, son:
- Cultura de Knovíz, en l'ueste e norte de Bohemia, sur de Turinchia e noreste de Babiera.
- Cultura de Milavce, en lo sureste de Bohemia.
- Grupo de Velatice-Baierdorf, en Morabia e Austria.
- Grupo de Čaka, en l'ueste d'Eslobaquia.
- Grupo de lo noreste de Babiera, dibidito en grupo de baxa Babiera e grupo de l'Alto Palatinato.
- Grupo de Unstrut en Turinchia, una mezcla entre la cultura de Knovíz e la cultura de Campos d'Urnas de lo sur d'Alemaña.
- Cultura de los Campos d'Urnas de lo Sur d'Alemaña
- Grupo de lo Baxo Main e Suabo, en lo sur de Hesse e Baden-Wurtemberg, encluindo las fazies de Marburger, Hanauer, baxo Main e Friedberger.
- Grupo Renano-Suizo, en Renania-Palatinato, Suiza y este de Franzia (abrebiato RSFO en Franzia).
- Campos d'Urnas de lo Baxo Rin.
- Grupo de lo baxo Hesse.
- Grupo de Westphalia e Norte de los Países Baxos.
- Grupo de lo norueste en l'aria de lo delta que bi ha en los Países Baxos.
Á begatas la distribuzión d'artefautos que pertenexe á estos grupos amuestra mugas claras, podendo endicar esto bellas estruturas politicas como tribus. Los obchetos de metal son más estendillatos e lur distribuzión no conox las mesmas mugas que la zeramica. Se poderba haber desbenito que esistisen tallers d'artesans espezializatos que treballaban pa las elites sozials en unas arias més amplas.
[editar] Lugars e trazas d'apedecar los muertos
En lo periodo de los Tumulos yeran comuns las inumazions multiples baxo los ditos tumulos, á lo menos pa los libels baxos de la soziedat. En lo periodo de los Campos d'Urnas predomina la inumazión e l'apedecamiento en tumbas indibiduals, encara que bi ha bels tumulos.
En las fases tempranas de lo periodo de los Campos d'Urnas escababan tumbas con forma d'ome u antropomorfas, á begatas con un suelo de losas. N'ixas tumbas estendillaban as zenisas de lo muerto. Dimpués d'este periodo predominó apedecar las zenisas en urnas. Bels autors especulan que esta traza d'apedecar puet endicar un important cambeyo en las creyenzias relichiosas u mitos sobre la bida dimpués de la muerte.
La mida de los campos on apedecaban las urnas e han dato nombre á esta cultura ye bariable. En Babiera pueden contener mils d'apedecamientos, mientres que lo fosal de més gran de Baden-Württemberg, en Dautmergen, no tien que 30 tumbas.
Posaban á los muertos en una pira con ofrendas de minchar e las alfachas presonals. Las restos de güesos son més abundans que en la epoca romana, lo que indica que s'emplegaba menos fusta pa cremar.
Muitos campos d'urnas los albandonoron en lo cabo de la Edat de Bronze. En Zentroeuropa ,nomás que los campos d'Urnas de lo Baxo Rin encara s'emplegaban en la Edat de Fierro temprana (Ha C, á begatas mesmo D).
En la Bal de l'Ebro, los Campos d'Urnas encara teneban autibidat en la I Edat de Fierro.
