Alsacia

De Biquipedia
Ir ta: navego, busca
Alsacia
Alsace
Elsass
Rechión de Francia
Flag of Alsace.svg Escudo
Bandera Escudo
Alsace region locator map.svg
Mapa de situación en Francia
Entidat
 • Estato
 • Capital
Rechión
Flag of France.svg Francia
Estrasburgo
President Philippe Richert
(UMP) (dende 2010)
Subdivisions
 • Districtos
 • Cantons
 • Comunas

13
75
903
Departamentos Baixo Rin
Alto Rin
Superficie
 • Total

8.280 km²
Población
 • Censo (1999)
 • Estim. (2004)
 • Densidat (2004)
Posición 14ª
1.734.145 hab.
1.793.000 hab.
217 hab/km²
http://www.region-alsace.fr/

Alsacia (en francés Alsace; en alemán y alsaciano Elsass) ye una rechión de Francia. Muga con Alemanya, Suiza y as rechions francesas de Lorena y o Franco Condau. Ye dividita en dos departamentos: o Baixo Rin a o norte, con a ciudat d'Estrasburgo, y l'Alto Rin a o sud.

Historia[editar | editar código]

Alsacia ye un territorio que en a Edat Meya teneba una población chermanica descendients d'a stamne d'os alamans. A monarquía francesa de tiempos de l'Antigo Rechimen se planteyó o problema d'as mugas de Francia en o contexto d'a luita contra os Habsburgo d'Austria y Espanya, decidindo una expansión territorial pa impedir intervencions foranas en Francia.

En 1648 os tractatos de Westfalia posan fin a la guerra d'as trenta anyatas. Francia obtién a reconoixencia d'a suya sobiranía en tres bispatos ocupatos dende 1552 y bells territorios d'Alsacia.

As guerras contra os Habsburgo, Holanda y Anglaterra ocupan unas 30 anyatas d'o reinato de Loís IX (1661-1715). O resultato ye l'anexión de part d'os Países Baixos enantes espanyols, d'o Franco Condato (1678) y d'o resto d'Alsacia, con Estrasburgo.

En a Guerra Franco-Prusiana Francia fue derrotata y o 10 de mayo de 1871 Francia cede a Alemanya Alsacia (de fueras de Belfort), y una part de Lorena, con Metz.

Dimpués d'a rendición d'Alemanya en a Primera Guerra Mundial as rechions chermanicas d'Alsacia y Lorena tornan a Francia sin consultar-lo a la población local, en gran part chermanofona.

Dimpués de l'armisticio de Francia con Alemanya o 22 de chunio de 1940 Alsacia y Lorena tornan a Alemanya, pero con a derrota d'Alemanya a la fin d'esta guerra, Alsacia queda en Francia ya de pa cutio.

Baixo o periodo de pertenencia a Francia o proceso d'afrancesamiento ha ito avanzando, disminuindo o porcentache de parlants d'o idioma chermanico y aumentando o porcentache de parlants d'o francés standard, como s'ha desvenito en o Rosellón y atros territorios anexionatos historicament con una luenga diferent a lo francés. Tamién s'ha fomentato o secesionismo lingüistico, existindo a denominación d' "alsacián" pa l'alemán d'Alsacia, de chos a pretensión que ye un idioma diferent como en o caso d'o valencián en Espanya.


Rechions y departamentos d'ultramar de Francia Bandera de Francia
Rechions:

Alsacia | Aquitania | Alta Normandía | Auvernia | Baixa Normandía | Borgonya | Bretanya | Campanya-Ardenas | Centro | Corcega | Franco Condato | Isla de Francia | Lemosín | Lenguadoc-Rosellón | Lorena | Meyodía-Pireneus | Norte-Paso de Calais | Países d'a Loira | Picardía | Poitou-Charentes | Provenza-Alpes-Costa Azul | Roine-Alpes

Departamentos d'Ultramar: Guadalupe | Guayana Francesa | Martinica | A Reunión | Mayotte