Burgundios

De Biquipedia
Ir ta: navego, busca
Mapa d'o segundo Reino Burgundio

Os burgundios estioron un pueblo chermanico que en o periodo d'as primeras invasions barbaras rematoron creyando un reino en l'aria d'os Alpes Occidentals y os suyos semontanos. A suya cristianización estió arriana, pero dimpués de rematar a suya emigración se facioron catolicos. O territorio d'os burgundios fue anexionato en a suya mayor part por os francos, que rematoron por asimilar a los burgundios en o periodo merovinchio.

Antes d'establir-sen en os Alpes Occidentals os burgundios heban vivito en a provincia de Chermania Superior, con un foedus pactato en l'anyo 413. Manimenos prebaban d'estendillar-sen por Belchica y Chermania Inferior, razón por a que Aecio lis ninvió a los hunnos en l'anyo 436, y n'exterminoron a familia reyal. Esto inspiró o contexto historico d'a versión d'a leyenda de Sigfrido que se troba en l'Aniello d'os Nibelungos.

Os burgundios han deixato muita sinyal toponimico en a o Chura, a Suiza Francesa y Val de Saona. En Borgonya y Savoya a toponimia d'orichen burgundio ye escasa, encara que o macrotoponimo Borgonya se remonte a Burgundia.

Mencions en fuents aragonesas[editar | editar código]

En os libros y traduccions de Chuan Ferrández d'Heredia os burgundios son mencionatos como Burgunyones u Burgunyons, que corresponde en realidat a lo etnonimo medieval d'os habitants de Borgonya. Eixemplos de mencions en trobamos en "Historia Romana" y en a "Cronica de los Conquiridors":

Valentinián oprimé la gent de los Saxons, la qual habitava en ribera et en poludes de la mar occeano (fué gent terrible de la virtut et sagería, la qual gastava los encontradas Romanas), et más de .LXXX.M. Burgunyóns Armals, los quales se assentaron en ribera de Reno fluvio, los quales aprés poco de tiempo fueron factos christianos. Entretanto Valent en Bretanya antes que esvesís tiranía fué oprimido. Et Valentinián en el .VI. anyo del su Imperio, con los Sarmats corriesen por Pannonia et la gastasen, aparellando batalla contra ellos, dementre /f. 67v/ envés Brigacion ciudat de los Squados respusiés a una legación, en el anyo de la suya hedat .LV. por sobsa efusión de sangre los quales los Griegos claman apoplexía, perdida la paraula más en todo su seso, murió.
En tiempo del emperador Theodosio menor fillo de Arcadio el qual començo a imperar apres dela muert de Honorio, tio suyo, el anyo de nuestro Senyor CCCCXXV, la gent delos Vnos, pueblo muyt cruel, sallio delas lontanas partidas de Scithia con lur rey Subataro, et conuinieron sobre aquellos Burgunyones destruyendo et matando aquellos sin ninguna misericordia et derrobando todas lures cosas. Et los Burgunyones no eran ahun christianos, mas depues se bautizaron todos et tomaron la fe de Ihesu Christo por que los ayudasse contra los Huncnos. Pues seyendo ya christianos los Burgunyones, los Huncnos fueron otra vegada sobre ellos et los començaron a destruyr como de primero; la ora ellos todos de comun voluntat se recomendaron a Ihesu Christo et corrieron sobre los Huncnos et vincieron los et mataron lur rey Subataro con bien X m delos enemigos et persiguieron los otros qui fuyen et los fuera echaron de sus terminos. Pues muerto el rey Subataro, los Huncnos constituyeron reyes suyos Atilla et Blenda, qui eran hermanos et eran fillos del rey Magdulco, hermano del dicho Subataro.
Ecio patricio con los Romanos et con lures ayudas, son a saber el dicho Theodorico rey de los Istregodos, ayudauan ahun alos Romanos los Burgunyones et los Francos et los Saxones et los Bretones, et metieron en medio a san Gibilindo del qual se sospechauan.