Val d'Almonecir

Este articlo ye sobre Val d'Almonecir, un municipio de la provincia d'Castellón. Pa atros usos d' Almonecir, veyer Almonecir (desambigación).

Val d'Almonecir
Municipio d'o País Valencián
Envista de Val d'Almonecir.
Entidat  • Estau  • Comunidat  • Provincia  • Comarca	Municipio Espanya  País Valencián Castellón Alto Palancia
Superficie	21,1 km²
Población  • Total	263 hab.
Altaria	441 m.
Distancia  • 62 km	enta Castellón de la Plana
Codigo postal	12414

Val d'Almonecir (Vall de Almonacid en castellán, La Vall d'Almonesir en catalán) ye un municipio de la provincia de Castellón, situau en la comarca de l'Alto Palancia. La suya población ye de 263 habitants, en una superficie de 21,1 km² con una densidat de población de 12,46 hab/km².

Historia

Se dió la primera Carta de población en 1582, pero estioron los sinyors de la familia Ximénez d'Urreya qui concedioron una segunda Carta de población en 1610, repoblando lo lugar con aragoneses.

Toponimia

Almonecir provién de lo latín MONASTIR ("monesterio"), pero la traviés de l'arabe, cambiando lo grupo -st- por -z-.

En 1256, quan Chaime I d'Aragón ordena a los alcaitz y habitadors de la comarca que deixen pasturar a los bestiars de Segorb en lurs termins, s'escribe Almonezir.

Fidelibus suis alcaidis et universis hominibus de Altura, de Gayvuel, de Almonezir, de Almedixar, de Castronovo, de Azuveba, de Pellinos, de Sova, de Sot, de Arguenas, de Gatava, de Marinas et de Serras, tam presentibus quam futuris. Salutem et gratiam.

En un texto de 1319 en idioma aragonés, en lo que Pero Churdán d'Arenoso y la Marquesa Llopiz de Rada ceden a lo suyo fillo Gonzalvo part de la senyoría d'Arenoso s'escribe Val de Almonezir:

Los quales sobreditos castieyllos son en el reyno de Valencia, et afruentan con Ruvielos e con Noveruelas, et con san Agustín, aldea de Teruel, e con Pina, et con Castielmontán, et con Pavías, et con Matet, et con Val de Almonazir, et con Jinquer, et con Zuera, et con Ansara, et con Arrayna, et con Luzena, et con Chodos, et con Vistabeylla, et con el Puerto de Vengalmón, et con Castielvispal, et Zuara.

En toponimia menor clama l'atención un caso de diftongación en -ia- en lo sufixo -iello: Fuente de las Balsiallas.

Luengas y parlas

En la val d'Almonecir se charra lo castellán churro, con aragonesismos: esclafar, barral, ansa, pansa, mangrana, molla, rosigar, cal, no cal, plegar, replegar, suco, pescatero, embolicar, teda, tedero, remugar, estraudes.

La palabra pelitaina (Parietaria) ye local pero d'orichen aragonés (conservación de la xorda intervocalica y con terminación -aina.

Bi ha casos de conservación de lo chenero femenin en sustantivos acabaus en -or: la calor, la sudor, la color, la claror, la negror.

Vinclos externos

• lexico de la Val d'Almonecir.