Caudiel

Caudiel
Municipio d'o País Valencián
Anvista cheneral de Caudiel
Entidat  • Estato  • Comunidat  • Provincia  • Comarca	Municipio Espanya Comunidat Valenciana Castellón Alto Palancia
Superficie	62,4 km²
Población  • Total	673 hab. (2016)
Altaria	632 m.
Distancia  • 67 km	enta Castellón de la Plana
Codigo postal	12440
Coordenatas	39°51’ 0’’N 0°27’ 0’’U
Caudiel Situación de Caudiel en País Valencián

Caudiel ye un municipio de la provincia de Castellón, situau en la comarca de l'Alto Palancia. La suya población ye de 753 habitants (2013), en una superficie de 62,4 km² con una densidat de población de 12,07 hab/km².

Toponimia

La primera mención de Caudiel ye como Capdet en lo "Repartimiento".

Dominica de Alfambra et Sebastiano, fratribus, per hereditatem francham, unicuique V jovatas terre in termino alcherium que dicuntur Capdet et Alfadidínís, que sunt in termino de Xerica. Kalendas augusti.

D'estar esta la forma orichinal de lo toponimo, s'explicaría dende l'arabe al-qabdag, adaptación d'una forma mozarabe derivada de lo latín CAPUT AQUAE. La terminación -iel habría resultau d'un cambio de sufixo.

Mugas

Lo suyo termin municipal muga con Villanueva de la Reina, con Pina y con Sant Agostín.

Historia

Caudiel quedó quasi despoblau de musulmans quan la Peste Negra de mitat de lo sieglo XIV y beluns de los supervivients emigroron a Granada. Los pocos musulmans que quedoron fuoron forachitaus por Don Chuan Alfonso de Xerica, a l'igual que fació con los de toda la Senyoría de Xerica, pa trayer dimpués cristians viellos. Los cristians viellos que vinioron yeran sobre tot d'orichen aragonés. Don Chuan Alfonso de Xerica redactó un establimiento de población lo 29 de chunyo de 1364 y tres anyadas dimpués lo 30 d'agosto de 1367 dió carta puebla a los 66 pobladors. La "Carta Puebla de Caudiel" fue escrita en aragonés.