Montán

Montán
Municipio d'o País Valencián
Entidat  • Estau  • Comunidat  • Provincia  • Comarca	Municipio Espanya  País Valencián Castellón Alto Millars
Superficie	34,1 km²
Población  • Total	383 hab. (2016)
Altaria	580 m.
Distancia  • 73 km	enta Castellón de la Plana
Alcalde	Antonio Fornas Tuzon
Codigo postal	12447
Coordenadas	40° 2’ 7’’N 0°33’18’’U
Montán Situación Montán en Comunidat Valenciana
http://www.montan.es

Montán (Montant en catalán) ye un municipio de la provincia de Castellón, situau en la comarca de l'Alto Millars. La suya población ye de 365 habitants(2017), en una superficie de 34,1 km² con una densidat de población de 10,7 hab/km².

Toponimia

Lo toponimo Montán ye anterior a la reconquiesta y a Al-Andalus y se remonta a l'antroponimo latín MONTANUS, igual como Montán en Lugo, El Montán en Asturias, Villamontán de la Valduerna en Leyón, y Montant en Leida. En los textos medievals figura en relación a lo suyo castiello como Castielmontán (1236), Castell Muntan (1264), Castrimontan (1381), en textos latins, aragoneses, catalans y arabes. En "Historia de Xérica" de Francisco del Vayo y Monzón se puede leyer referencias como Castiel Montán, Castiell Montán y Castell Montán. Encara en un texto eclesiastico de 1667 s'escribe Castellmontant. La primera mención sin referencia a lo castiello ye de 1373 como «Monttan».

Mugas

Lo suyo termin municipal muga con los termins de Montanechos, Cirat, Torralba, Figueras, Caudiel y Fuent la Reina.

Historia

Amaneix en lo segundo Fuero de Daroca como una de las suyas mugas en una epoca quan Montán encara no yera reconquiesto, manimenos la Comunidat de Daroca nunca no plegó a conquerir-lo.

Ego, comes Raymundus Barcilonensis et princeps Aragone, concedo et otorgo istam cartam et istum forum et quidquid boni invenerint de his decem annis et do illis istos terminos de Villa Feliç ad Atea, a Cemballe, a Cubelo, a Cubellego, a Çafra, a Rodenas, a Sancta Maria, a Castiel Savib, a Demuz, a Serreilla, ad Alpuent, a la Cirab, a Tor Alba, a Montan, a Linares, a Rio de Martin, ad Vesa, a Fonte de Tosos, a Villa Nova, a Longares, a Consuelda, a Codo, a Miedes, istas prenominatas cum suis terminis.

Fue reconquiesto en 1239, fue atorgau a Pero Ximénez de Valtierra y pasó a depender de lo Reino de Valencia. Montán mantenió la población mudéchar u morisca dica la suya expulsión 1609. Fue repoblada por 28 familias procedents de Provenza. Los monches servitas que los acompanyaban fundoron lo Convento de Montán en 1612.

Luengas y parlas

Ta más detalles, veyer l'articlo Castellán churroveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Actualment en Montán y en la comarca de l'Alto Millars se charra castellán churro. La parla churra s'orichinó por castellanización de l'aragonés que se charró en la baixa Edat Meya en esta comarca, aragonés traito dende lo sieglo XIII por los repobladors cristians, que yeran d'orichen predominantement aragonés.

Demografía

Evolución demografica

1990	1992	1994	1996	1998	2000	2002	2004	2005	2006
389	361	352	346	340	347	338	330	370	380

Administración

Alcaldes

Lista d'alcaldes

Lechislatura	Nombre	Partiu politico
1979–1983	Antonio Fornás Tuzón	Alianza Popular
1983–1987	Antonio Fornás Tuzón	Partido Popular
1987–1991	Antonio Fornás Tuzón	Partido Popular
1991–1995	Antonio Fornás Tuzón	Partido Popular
1995–1999	Antonio Fornás Tuzón	Partido Popular
1999–2003	Antonio Fornás Tuzón	Partido Popular
2003–2007	Antonio Fornás Tuzón	Partido Popular
2007–2011	Antonio Fornás Tuzón	Partido Popular
2011–2015	Antonio Fornás Tuzón	Partido Popular

Vinclos externos

• Se veigan as imáchens de Commons sobre Montán.
• Pachina web municipal.
• Asociación Cultural Conde de Vallterra de Montán.