Gaibiel

Gaibiel
Municipio d'o País Valencián
Entidat  • Estau  • Comunidat  • Provincia  • Comarca	Municipio  Espanya  País Valencián Castellón Alto Palancia
Superficie	18,1 km²
Población  • Total	186 hab. (2013)
Altaria  • Meyana	517 m.
Distancia  • 54,1 km	enta Castellón de la Plana
Alcalde	Vicente Pelayo Calvete
Codigo postal	12415
Chentilicio	Gaibielanos, gaibielanas
Coordenadas	39°55’32’’N 0°29’44’’U
Gaibiel Gaibiel en Comunidat Valenciana
Web oficial

Gaibiel ye un municipio de la provincia de Castellón, situau en la comarca de l'Alto Palancia. La suya población ye de 186 habitants, en una superficie de 18,1 km² con una densidat de 10,28 hab/km².

Cheografía

Gaibiel ye en la sierra d'Espadán y destacan altarias como la Costalata (713 m), Aceitenegro (709 m) y la Ajedrea (649 m). Bi ha muitas fuents como la Vall, los Canyos u el Vicario, y lo río Regajo, afluent de lo río Palancia que pasa a piet de Gaibiel y que desemboca en un entibo d'este zaguer río.

Historia

Lo lugar fue reconquiesto en 1237 en tiempos de Chaime I, y lo lugar será poblato por moriscos dica lur expulsión a primers de lo sieglo XVII. Lo 28 d'agosto de 1237 Chaime I dona l'alquería de Gaibiel a Don Pero Garcés de Roda. Dimpués en lo sieglo XIV pasó a perteneixer a Don Ferrán López d'Heredia. La familia López d'Heredia teneban la propiedat de Santa Croch, y por ixo en muitos documentos medievals se fa referencia a la baronía de Santa Croch y Gaibiel.

En lo sieglo XVII dimpués de la expulsión de los moriscos se dió Carta de población a los nuevos habitants.

Toponimia

En 1256 s'escribiba Gayvuel:

Fidelibus suis alcaidis et universis hominibus de Altura, de Gayvuel, de Almonezir, de Almedixar, de Castronovo, de Azuveba, de Pellinos, de Sova, de Sot, de Arguenas, de Gatava, de Marinas et de Serras, tam presentibus quam futuris. Salutem et gratiam

.

En toponimia menor bi ha bell toponimo precastellán (en aragonés u en mozarabe): Las Clochas, La Mangueta, El Rabosero, Costalata y río Regajo. La Costalata ye pareixiu a unatro toponimo Costalada de Chistau, pero que puede tener una etimolochía en COSTA LATA, "cuesta ampla". L'hidronimo río Regajo puede estar una castellanización de regallo u regacho.

Puestos d'intrés

• Castiello de Gaibiel.

Bibliografía

• (es) Juan Manuel Berges Sánchez: Los López de Heredia señores de la Baronía de Santa Croche y Gaibiel. Rehalda, nº 6 anyo 2007.

Vinclos externos

• www.gaibiel.com.