Linache d'os Ximénez d'Urreya

De Biquipedia
Ir ta: navego, busca

Los Ximénez d'Urreya estioron de las familias nobles més importants y poderosas de lo Reino d'Aragón en la Edat Meya, y reconoixita por Carlos I d'Espanya en las Cortz de Monzón de 1528 como una d'as ueito casas "grans d'Aragón".

Lurs armas heráldicas estioron un escuto bandata de seis piezas d'azur y argent, tres de cada esmalt.

Miembros d'esta familia destacoron en la reconquiesta aragonesa y valenciana y en la chestión de las institucions que i habió en la Corona d'Aragón, y tamién ocuporon cargos en la hierarquía eclesiástica como lo bispe de Tarazona Miguel Ximénez de Urreya.

Este linache ye conoixito dende lo reinato de Remiro II d'Aragón con Rui Pérez d'Urreya. Teneban la sinyoría d'Urreya de Xalón, Lo Bayo, Biota

Fruito de la intervención en la reconquiesta valenciana Chaime I lis concedió la tinenza de l'Alcalatén. Tenioron tamién lo castiello de Peracens.

En la batalla d'Epila lo sinyor de Biota Chuan Ximénez d'Urreya estió qui mandaba las tropas de la Unión Aragonesa.

D'este linache desciende Lope d'Urreya, primer vizconte de Rueda de Xalón y sinyor d'Aranda y Epila. En 1488 Ferrando II d'Aragón dará lo tetulo de Contes d'Aranda a un miembro d'esta familia: Lope IV Ximénez d'Urreya,[1] qui ya yera vizconte de Rueda, sinyor d'Almonecir, Epila, Trasmoz, la Mata de Castelviejo, Saliellas de Xalón y Casanueva y que por l'adquisición de Lumpiac y Sunyén en 1482 s'aseguró o dominio quasi absoluto de la Ribera Baixa de lo río Exalón y las vals d'Aranda y Isuela.

La senyoría de Bervedel tamién perteneixió a un Urreya.

Lo zaguer miembro d'este linache estió lo celebre Conte d'Aranda Pedro Pablo Abarca de Boleya Ximenez d'Urreya.

Referencias[editar | editar código]

  1. (es) Navarro Espinach, Germán: La formación de los señoríos del Condado de Aranda publicau en El Condado de Aranda y la nobleza española en el Antiguo Régimen, 2009, ISBN 978-84-9911-042-4 , pachinas. 65-84 .
L'articlo 13.000 Iste ye l'articlo numero 13.000 de Biquipedia.


Casas nobles d'a tierra en Aragón
Alagón | Gurrea d'Aragón | Martínez de Luna | Ferrández de Luna | Ferrández d'Íxar | Ferrández d'Heredia | Ximénez d'Urreya | Castro