Pterocles orientalis

*Pterocles orientalis*
Chorlas (Pterocles orientalis).
Denominacions populars
chorla / churla, churra, turra, culinegra, gorgota
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Aves
Orden:	Pterocliformes
Familia:	Pteroclidae
Chenero:	Pterocles
Especie:	P. orientalis
Descripción
*Pterocles orientalis* Linnaeus, 1758

A chorla^[1]^[2]^{[nota 1]} (nombre cientifico Pterocles orientalis (Linnaeus, 1758)^[3]) ye una especie d'au d'a orden d'os Pterocliformes y familia Pteroclidae que se reproduz en a peninsula Iberica, nord-ueste d'Africa, Islas Canarias, Turquía, Irán, Chipre, Israel, Cazaquistán, ueste de China y norte de Pakistán. Ye un migrant parcial, con aus d'Asia Central que se tresladan enta Pakistán y a lo norte d'a India d'hibierno.

Mide entre 33 y 39 cm de luengo y pesa entre 300 y 615 g.

Nombres

A denominación chorla^[2] ye estendillada por as provincias de Teruel y Zaragoza, rechistrada en puestos como a Perdiguera u Pina, a variant churla^[2] se rechistra en Albalat de l'Arcebispe.

En a provincia de Zaragoza se rechistra tamién culinegra^[2] y en Taust gorgota^[2], denominación común a atras especies d'iste chenero como Pterocles alchata. D'atra man ye documentau churra^[2] en puestos como Alcoleya de Cinca, Monzón, Ontinyena u Tabiernas y turra^[2] en provincia de Teruel y concreament en Uellos Negros.

↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
1 2 3 4 5 6 7 (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera, 2004, ISBN 978-84-8986-235-7, p.130.
↑ (en) https://www.iucnredlist.org/species/22693002/131876252