Estepa (bioma)

De Biquipedia
Ir a la navegación Ir a la búsqueda
Iste articlo tracta sobre a estepa como bioma. Pa atros emplegos d'a parola estepa se veiga Estepa (desambigación).
Estepa en Cazaquistán.

A estepa (d'o francés <steppe, que la prene d'o ruso <степь, step) ye un bioma formau por una gran extensión de hierba a conseqüencia de tener precipitacions escasas y condicions climaticas extremas, que privan que se pueda fer garra atro tipo de comunidat vechetal. Pueden contener tamién arbustos de baixo porte, y en cheneral ye dominada por especies resistents.

Se sole trobar en rechions que sían luen d'a mar, con climas aridos u semiaridos y gran continentalidat que determina firmes diferencias de temperatura entre o verano y l'hibierno y mesmo entre o día y a nueit.

Tipos d'estepas[editar | editar código]

Estepas d'Asia[editar | editar código]

Estepas en o mundo: en color amariella, as estepas frías. En narancha, as estepas calurosas.

As estepas asiaticas son as que más extensión ocupan sobre o planeta. Son asociadas a un clima semiarido que se caracteriza por un verano caluroso y un hibierno muit frío y seco.

Debiu a las duras condicions climaticas, as estepas son habitadas por una variedat tansa d'especies animals, que incluye rabanyos d'herbivoros que se desplazan grans distancias, como os caballos. Tamién i ha una gran variedat de radedors y aus correderas. Entre os animals que son adaptaus a iste tipo de biomas se troban os siguients: alica d'estepa, antilop saiga, avutarda, caballo de Przewalski, gruda damisela, marmota bobac, a rata tabonera Spalax menor y a tartuga rusa (Testudo horsfieldii).

A vechetación ye de tipo xerofilo; ixo quiere dicir, plantas adaptadas a la manca d'augua, con venas profundas.

Estepa nordamericana[editar | editar código]

En America d'o Norte, as Grans Planas se prolargan dende o sud de Canadá dica o norte de Mexico, entre os estaus estatounitenses de Colorado, Kansas, Montana, Nebraska, Nuevo Mexico, Dakota d'o Norte, Oklahoma, Dakota d'o Sud, Wyoming y Texas. En ixas planas predomina un paisache d'estepa anque caracterizada por un clima menos severo que o d'as estepas asiaticas.

A fauna que habita las estepas nordamericanas se caracteriza por a presencia de radedors Cynomys, bisonts americans y uapitís. A vechetación se forma de grans praus an que la pastura creixe dica baixa altaria.

Estepa subtropical mediterrania[editar | editar código]

Paisache estepario de la Lomaza, en o Campo de Belchit.

En o sud d'Europa, en as rechions arredol d'a mar Mediterrania, tamién se troba tacas d'estepa en enclaus concretos que reciben cantidatz extraordinariament baixas de plevia y suportan altas temperaturas diurnas en verano. Son eixemplos d'iste tipo d'estepas as que se troba en a isla de Sicilia, en a provincia d'Almería u en a depresión de l'Ebro.

En Aragón existe bells espacios naturals protechitos asociaus a lo paisache estepario que sinyorea buena cosa d'a val de l'Ebro y a la suya fauna y flora endemicas. En o termino municipal de Belchit tenemos la Lomaza y a reserva de lo Planerón.

A pampa y a puna sudamericanas[editar | editar código]

En America d'o Sud existe tipos diferents de biotopos esteparios que s'estendillan muitos kilometros en paises como Paraguai, Archentina u Chile.

A pampa forma grans extensions de pradera en as latitutz calidas y frías que miran cara a l'Atlantico sud, que se torna estepa pura y ye poco poblada en buena cosa d'o territorio.

A puna en cambio ye un tipo d'estepa fría propia d'as grans altarias en a cordelera andina, caracterizada por unas condicions climaticas de tot extremas y variacions de temperatura que se troba entre as más importants d'o planeta. En a puna nortenya u de montanya, o factor climatico limitador no ye la manca d'augua, pus as extensions herbacias s'intercalan con ríos y lagunas d'orichen glacial, sino os fuertes vientos y as temperaturas baixismas que se i rechistra.

A puna limita tamién con o desierto d'Atacama en Chile, formando en ixes puntos una estepa calida y extremadament xerofila a on que habitan animals como a vicunya, o cóndor andino u as chinchillas.

Se veiga tamién[editar | editar código]

Vinclos externos[editar | editar código]