Melanocorypha calandra

*Melanocorypha calandra*
Calandra común (Melanocorypha calandra)
Denominacions populars
calandra reyal, calandra de collar, aloda collana / aloda de collar, collana, collano / cullano, chireta, corvata, corvatón
Estau de conservación
Seguro (IUCN)
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Aves
Orden:	Passeriformes
Familia:	Alaudidae
Chenero:	Melanocorypha
Especie:	M. calandra
Descripción
*Melanocorypha calandra* Linnaeus, 1766
Distribución cheografica
Distribución.

A calandra reyal^[1] u calandra de collar^[1] (nombre cientifico Melanocorypha calandra (L., 1766)) ye una especie d'au paseriforme d'a familia Alaudidae propia d'espacios ubiertos, como campos, praus y estepas, que se puede trobar en os países mediterranios y Orient Proximo.

Descripción

Ye un paixaro de costumbres prou terrestres, que se gosa desplazar caminando por tierra, anque ye bien capable de volar. Mesura entre 25 y 27 cm de largaria y pesa arredol de 80 gramos, por o que ye una alaudida graniza, de mida comparable con un tordo.

O plumache ye marrón, pardo por alto y subtilment mas claro por debaixo. Tiene dos tacas negras en o cuello que pueden recordar a un collar. No tiene dimorfismo sexual aparent.

As calandras reyals cantan con muita finura, y lo fan tanto as fembras como os masclos. Pueden imitar o canto d'atras aus.

Alimentación

Como todas as Alaudidae, a calandra reyal ye un paixaro granivoro que s'alimenta de cerials y simients principalment. Tamién mincha una gran variedat d'invertebraus, como insectos, arainas, miriapodos y cucos.

Nombres

Recibe diferents nombres en toda a cheografía aragonesa. Asinas en a provincia de Zaragoza se rechistra calandra reyal^[2] y en provincia de Teruel y localidaz como Pina calandra de collar^[2].

Se diz aloda collana^[1]^[2]^{[nota 1]} en a Perdiguera, collana en Salas Altas y collano^[3]^{[nota 2]} en Alquezra. En Estadilla se documenta chireta^[1]^[2], en Cinco Villas corvata^[1]^[4] y en Monzón corvatón^[1]^[2].

Imáchens

Ilustración

Se veiga tamién

Notas

↑ Con a variant aloda de collar.
↑ Con a variant cullano.

Referencias

1 2 3 4 5 6 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
1 2 3 4 5 (an) Libro de as matas y os animals; Dizionario aragonés d'espezies animals y bechetals. Rafel Vidaller Tricas. Ediciones La Val de Onsera. ISBN 978-84-8986-235-7. 2004.
↑ (es) Chesús de Mostolay: EL SOMONTANÉS Diccionario de voces y expresiones, Albama Literaria, 2022, ISBN 978-84-09-41341-6, p.199
↑ (es) Javier Blasco Zumeta: Guía de Aves de las Cinco Villas; Ed ADEFO (Asociación para el desarrollo y fomento de las Cinco Villas), Exeya d'os Caballers, 2009, ISBN 978-84-8321-971-3.

Vinclos externos

Se veigan as imáchens de Commons sobre Melanocorypha calandra.
Wikispecies tiene un articlo sobre Melanocorypha calandra.

Datos: Q470853
Multimedia: Melanocorypha calandra / Q470853
Especies: Melanocorypha calandra

[3] Con a variant aloda de collar.

[5] Con a variant cullano.

[DACC-1] 1 2 3 4 5 6 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[Vidaller-2] 1 2 3 4 5 (an) Libro de as matas y os animals; Dizionario aragonés d'espezies animals y bechetals. Rafel Vidaller Tricas. Ediciones La Val de Onsera. ISBN 978-84-8986-235-7. 2004.

[4] (es) Chesús de Mostolay: EL SOMONTANÉS Diccionario de voces y expresiones, Albama Literaria, 2022, ISBN 978-84-09-41341-6, p.199

[6] (es) Javier Blasco Zumeta: Guía de Aves de las Cinco Villas; Ed ADEFO (Asociación para el desarrollo y fomento de las Cinco Villas), Exeya d'os Caballers, 2009, ISBN 978-84-8321-971-3.

[1]

[2]

[nota 1]

[3]

[nota 2]

[4]