Peduco

De Biquipedia
Ir a la navegación Ir a la búsqueda
Dreita: Pastor d'o Perineu con apargatas y peducos

Un peduco (u por un regular en a forma plural, peducos, d'o latín *pedūcu), ye o nombre que recibe un tipo de calcetín curto feito de lana u de punto, utilizau por a chent, como pieza d'abrigo ta no tener fredo en os pietz en o leito u adintro de casa.

Peducos de ninón[editar | editar código]

Peducos de ninón

Actualment, tamién s'usa o termín ta un tipo de calcero sin de suela ta os ninons, en forma de boteta, que se teixiba a man en punto y que feba parti d'o ixovar reuníu mientres o periodo d'o embarazo.[1]

O feito de que no aparezcan referencias literarias, -con o significau de "peducos de ninón"- anteriors a la segunda metat d'o sieglo XIX, fan suposar que iste uso, d'o termín peduco, siga relativament recient.[2] Dillá de l'analisi lingüistico y ya en o plan etnografico-historico, a propia indumentaria d'os ninons, totalment faixaus mientres os primers meses, fan poco probable pensar en a existencia d'ista pieza de calcero infantil antis d'o devandito periodo (meyaus d'o sieglo XIX), quan a vestimenta d'os ninons desenvolica una variedat reforzada por diversos cambeos tecnolochicos y socials.[3]

Atros usos[editar | editar código]

Iste termín s'emplega asinas mesmo ta o calcero antiseptico d'un solo uso emplegau en os equipos quirurchicos y en os controls de seguridat en aeropuertos. Por extensión puet emplegar-se ta denominar calzaus d'os animals de companyía y, en o contexto esportivo, como un calcetín especial de ciclismo.[4]

Referencias[editar | editar código]

  1. (es) Gran enciclopedia punto y costura: ganchillo, bordado y trabajos manuales. Sarpe, 1979, Madrid, ISBN 8472911128
  2. (es) Patuco en el CVC. 13 de chunio de 2015. Biblioteca Virtual Miguel de Cervantes
  3. (es) La evolución de la ropa infantil. 13 de chunio de 2015
  4. (en) Intervención en la atención sociosanitaria en instituciones. Octubre de 2008. Editorial Vértice, ISBN 978-84-92598-81-6. Pach. 174

Vinclos externos[editar | editar código]