Turdus viscivorus

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Turdus viscivorus
Charlo (Turdus viscivorus)
Denominacions populars
Charlo, charro, charra, torda charra, charro pardo, chorda, chordo, tordo gayubero
Estau de conservación
Seguro (IUCN)
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Aves
Orden:	Passeriformes
Familia:	Turdidae
Chenero:	Turdus
Especie:	T. viscivorus
Descripción
Turdus viscivorus LINNAEUS, 1758
Distribución cheografica
Verde = Resident. Amariello = Estival. Azul = Invernant.

O charlo u charro (nombre cientifico: Turdus viscivorus (L., 1758)), nombres que coexisten con griba en aragonés ribagorzano, ye un au paseriforme d'a familia Turdidae y o chenero Turdus.

Ye reconoixible por a suya mida (ye la especie mas gran d'o chenero Turdus en Europa), as alas y o dorso grisos, y por a suya canción, pareixida anque mas monotona que a d'una merla. En Espanya se considera especie cinechetica.

Descripción

O charlo ye una torda graniza, de 26 cm de largaria y d'entre 100 y 125 gramos de peso. Tiene o dorso, a cabeza y a parte superior d'as alas de color grisa, y o papo y a tripa blancas picudas con marrón u griso. As alas son blancas por debaixo, y cuan vola se le vei a tripa blanca dende o suelo.

Habitat

O charlo vive y fa o niedo en zonas forestals a on que as selvetas y corroldes d'arbols s'intercalen con espacios ubiertos, os cuals prefiere pa alimentar-se. Fa niedo en una forca entre dos ramas, siempre alto en os árbols.

Se'n troba a sobén en huertas y espacios humanizaus. Manimenos, ye un paixaro timido y siempre presto a fuyir, por o que anque sía un animal numeroso costa de viyer-lo.

Pasa mas tiempo que atras especies de tordas en o suelo, de forma parella a como lo fa una merla, y pareix que cuan se desplaza por tierra lo fa de forma mas erguida.

Alimentación

Como todas as especies Turdus, o charlo ye omnivoro con preferencia por os invertebraus, como insectos, cucos y larvas. Devoran os limacos y os caragols, por o que gosa estar una especie bien buena pa los hortals que frecuenta.

Cuan os insectos faltan, mincha fruitos y bayas. O suyo apelativo cientifico viscivorus («devorador de visca») fa referencia a la frecuencia con que mincha lulos d'ixa planta epifita, mas que mas en l'hibierno. A simient d'a visca amenista que la dichieran y la caguen pa poder naixer, por o que as tordas que fan isto fan parte necesaria d'o suyo ciclo reproductivo.

Comportamiento

Ye una especie fura con atros paixaros, y poco sociable con os d'a suya mesma especie. De regular va solo, anque en l'agüerro y l'hibierno se'n puede trobar que vaigan chuntos, en pantilla, a mirar-se l'alimento.

Se veiga tamién

• Torda.
• Merla.
• Turdus merula.

Vinclos externos

• Se veigan as imáchens de Commons sobre Turdus viscivorus.
• Wikispecies tiene un articlo sobre Turdus viscivorus.

• Datos: Q178942
• Multimedia: Turdus viscivorus / Q178942
• Especies: Turdus viscivorus