Las Sampolas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Las Sampolas Las Ampolas
Envista de Las Sampolas dende la versant sud de la sierra de Mayabona.
Situación
Situación	Puertomingalbo (Teruel)
Latitut
Lonchitut
Vértiz cheodesico	59218
Cheografía
Cordelera	Sistema Iberico
Sierra	Sierra de Mayabona
Macizo
Altaria	1.723 m
Alpinismo
Primera puyada
Ruta mas fácil	Dende Puertomingalbo
Mapa

Las Sampolas u la Sampola ye una montanya de 1.723 metros d'altaria de la sierra de Mayabona situada en lo termin municipal de Puertomingalbo (Teruel). En un cerro suyo a 1.705 m bi ha un vértiz cheodesico.

Toponimia

L'oronimo Sampola deriva de l'apelliu catalán Sampol (Sant Pol), documentau en Puertomingalbo ya en 1313 (Domingo Sanpol), miembro d'un linache de comerciants de trigo, ganau y lana. Este apellliu ye actualment común en Mallorca, a on que ha orichinau los toponimos Sant Pol de Mar y Son Sampola (Andratx).

En 1479 ya existiba l'oronimo en forma singular (Juan Domene de la Sampola), y entre los sieglos XVI y XIX coexistiban las formas singular y plural La Sampola / Las Sampolas, predominando dende lo sieglo XIX la forma plural con falsa segmentación Las Ampolas dende un rechistro escrito culto.

La cima y cadagún de los cerros tienen un nombre d'acuerdo con la finca a on que son (Las Sampolas de Chimo, Las Sampolas de Valero, Las Sampolas de Marcelino, Las Sampolas de Casimiro, Las Sampolas de Carlos, Las Sampolas de Silverio, Las Sampolas de Guillermo, ecetra). La mes alta ye Las Sampolas de Chimo con 1.723 m. Lo cerro mes baixo ye lo cabezo de las Sampolas de Guillermo (1.654 m). Lo cerro a 1.705 m fegura en los mapas topograficos nacionals como alto de las Ampolas dende l'anyo 2006 pero no ye un microtoponimo tradicional, como tampoco no en ye sierra de las Ampolas, que apareixe lo mapa topografico d'este mesmo anyo.

Bibliografía

• (es) José Castillo Gil: La toponimia oral de las elevaciones macizas de Puertomingalvo (Gúdar-Javalambre, Aragón) y su rotulación con genéricos postizos a partir del siglo XX. Publicau en Onomàstica. Anuari de la Societat d Onomàstica, nº 2, 2016.
• (es) Javier Solsona Benages: Estudio toponímico del término municipal de Puertomingalvo (Teruel). Universitat Jaume I, 2001.

Vinclos externos

• (es) Fuella de lo vértiz cheodesico.

• Datos: Q65394910