Villafermosa (Castellón)

Pa atros emplegos de lo toponimo Villafermosa se veiga Villafermosa (desambigación).

Villafermosa
Municipio d'o País Valencián
Entidat  • Estau  • Comunidat  • Provincia  • Comarca	Municipio  Espanya  País Valencián Castellón Alto Millars
Superficie	108,9 km²
Población  • Total	476 hab. (2013)
Altaria  • Meyana	755 m.
Distancia  • 58 km	enta Castellón de la Plana
Alcalde	Luis Rubio Catalan
Codigo postal	12124
Coordenadas	40°12’ 10’’N 0°25’ 5’’U
Villafermosa Villafermosa en Comunidat Valenciana
Web oficial

Villafermosa (Villahermosa del Río en castellán, Vilafermosa en catalán) ye un municipio de la provincia de Castellón, situau en la comarca de l'Alto Millars. La suya población ye de 476 habitants, en una superficie de 108,9 km² con una densidat de 4,37 hab/km².

Cheografía

Ye situau a l'ueste de Penyagolosa, quasi a lo suyo piet y en la val de lo río Linars, a la ezquierda d'este río, pero a gran altaria respecto a la ribera.

Mugas

Lo suyo termin municipal muga con Puertomingalvo, con Vistabella, con Castiello de Villamalefa, con Zucaina y con Cortes d'Arenoso.

Historia

Fue reconquiesto en 1242. Yera d'a senyoría de Abu Zait, zaguer gobernador almuade de Valencia retirau n'esta zona montanyosa dimpués de ser destronau y tamién dimpués de la reconquiesta de Valencia. En 1234 Abu Zait concede carta de población a Villafermosa seguntes lo fuero de Daroca. Se repobló con aragoneses. Fue incorporau a la Corona y en lo sieglo XV esdevinió la seu de lo Ducau de Villafermosa

Toponimia

Lo filologo Abelardo Herrero Alonso crei que l'antigo nombre de Villafermosa estió Villa Malefa:

encuentra también un émulo en el castellonense VILLA MALEFA, documentado en 1208 como "Villa Maleha", en 1316 como "Villa malefe" (genitivo "de Villamalefa"), y en 1236 como "Villa malea", y que corresponde al nombre antiguo de la actual Villahermosa del Río. Se trata de un curioso caso de calco semántico, pues -MALEFA deriva del árabe maliha "hermosa". Parece como si el topónimo, en un afán inmenso de pervivir, reivindicara los fueros de su significado antiguo y lograse que un significado ("villa hermosa") cristalizase en nombre: VILLAHERMOSA.

En los primers textos medievals que fan referencia a este lugar, en latín, s'escribe Villaformosa. Lo nombre Villafermosa lo trobamos en lo testamento de Blasco II d'Alagón, en 1275:

Et mando meis spondalariis quod faciant taliter de Villafermosa et d'Espadiella, quod non sit periculum anime mee

Y en un texto de 1315:

Sig+no de mí, Pedro Martínez de Montiel, notario público de Villafermosa, que esta carta scribí.

Fillos ilustres

• José Pradas Gallén.