Lutra lutra

Este articlo trata sobre la loira, mamifero carnivoro acuatico. Ta altros emplegos d'a parola loira se veiga Loira (desambigación).

*Lutra lutra*
Una loira
Denominacions populars
loira / luria, lluria, ludia, aloira, nuria, noria, noira, lutria, llutria, cocho d'aigua
Estau de conservación
Vulnerable (IUCN)
Clasificación cientifica
Reino:	Animalia
Filo:	Chordata
Clase:	Mammalia
Orden:	Carnivora
Familia:	Mustelidae
Subfamilia:	Lutrinae
Chenero:	Lutra
Especie:	L. lutra
Descripción
*Lutra lutra* Linnaeus, 1758
Distribución cheografica
Distribución de Lutra lutra.

A loira^[1]^[2]^[3]^[1]^{[nota 1]} u luria^[1]^{[nota 2]} (nombre cientifico Lutra lutra (L., 1758)) ye un mamifero carnivoro d'a familia d'os mustelidos, habitant d'os corsos d'augua. En Aragón yera un animal que frecuentaba totas as rechions dende os Pireneus dica la tierra baixa, pero que actualment se troba redueita en os corsos d'alta montanya de bella sierra interior y d'os Pireneus.

Se'n considera un animal indicador d'o buen estau d'os cursos d'augua, perque enradiga l'alimentación suya en peixes, anfibios y crustacios que no se troban en as auguas contaminadas. Per esta razón, y perque las suyas piels son muit apreciadas, a especie minguó lo suyo numero dende la segunda metat d'o sieglo XX en o nuestro país. Actualment, bella población se troba en as cuencas d'os ríos Millars, Guadalaviar, Guadalop, Matarranya, Algars, Aragón, Cinqueta, Bellós, Arazas, Cinca, Esera, Isabana, Noguera Ribagorzana, Xalón y Piedra, y ha estato reintrodueita en Ebro.

Este animal se caracteriza per a suya mida gran (d'entre 62 ta 70 cm de cuerpo, mes bels 35 – 40 cm. d'a coda, plegando dica pesar 11 Kg.), as partes blancas en a gorga y as membranas d'entre os suyos didos. O pelache ye curto y pardo, distinguindo-se d'os suyos parients os nurions (Mustela lutreola) per a suya mida mes gran, o pelo mes claret, y la suya maniera de nadar con només que la capeza fuera de l'augua, mientres que os nurions be mantienen parte d'a esquena tamién.

As piels de loira ya se nombran en aragonés medieval en textos comercials de primers d'o sieglo XV provinients de Uesca.

Luedrias tintas paga el vendedor de correduras II II dineros por docena et el comprador otros^[4]

Zoonimia

En muitas localidaz de l'Alto Aragón como Ansó, Bielsa, Buerba, Broto, Chistén, Echo, Fago, Lasieso, Puyarruego, Sallent de Galligo, Torla y Vallivió dicen loira^[5], pero bi n'ha variants. En Buerba existe tamién aloira^[5]

Se troba luria^[5] en Alcoleya de Cinca, Benás, Campo, Casp, Chalamera, Estadilla, Fonz, Muel, Osera, la Poblla de Roda y Santa Llestra y a suya variant palatalizada lluria^[5] en Alcoleya de Cinca, Calvera y Caixigar.

En Isabana se rechistra a forma lutra^[5] mientres que ludria^[5] ye a forma tipica en a provincia de Teruel, existindo tamién a variant ludia^[5]. En Grist se documentan as formas luitra^[5], a palatalizada lluitra^[5] y lutria^[5], ista zaguera tamién rechistrada en Echo.

En l'Aínsa, Campo, Muro de Bellós y Pozán de Vero dicen nuria^[5]^[6], con as variants noria^[5] y neutra^[5] en Rodellar y noira^[5] en Bailo, Pandicosa y a val de Tena.

Tamién se conoixe como cocho d'aigua^[5] en Capella.

Imáchens

Loira d'os Pireneus, en Francia.
Loira europea alzata.

Notas

↑ Con as variants noira, aloira y noria.
↑ Con a variant palatalizada lluria y as variants, nuria, ludia, lutria y llutria.

Referencias

1 2 3 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
↑ (an) Silbia Garcés Lardiés, Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.35
↑ (an) Rafel Vidaller Tricas: Lesico do mundo natural en o sieglo XV, Luenga & Fablas 12-13, 2008-2009, Consello d'a Fabla Aragonesa, ISSN 1137-8328, pp. 227-236
↑ (es) María Isabel Falcón Pérez: Comercio y comerciantes en Huesca a principios del siglo XV Aragón en la Edad Media, ISSN 0213-2486, Nº 9, 1991 , pp. 243-268
1 2 3 4 5 6 7 8 9 10 11 12 13 14 15 (an) VIDALLER TRICAS, Rafel: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera, Zaragoza 2004. ISBN 978-84-8986-235-7.
↑ (an) MASCARAY SIN, Bievenido: Benas, Trallo y fuellas. Poemas en aragonés ribagorzano de Campo. Consello d'a Fabla Aragonesa, 1984, p 119

Vinclos externos

Se veigan as imáchens de Commons sobre loiras.

Datos: Q29995
Multimedia: Lutra lutra / Q29995
Especies: Lutra lutra

[4] Con as variants noira, aloira y noria.

[5] Con a variant palatalizada lluria y as variants, nuria, ludia, lutria y llutria.

[DACC-1] 1 2 3 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[2] (an) Silbia Garcés Lardiés, Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.35

[3] (an) Rafel Vidaller Tricas: Lesico do mundo natural en o sieglo XV, Luenga & Fablas 12-13, 2008-2009, Consello d'a Fabla Aragonesa, ISSN 1137-8328, pp. 227-236

[6] (es) María Isabel Falcón Pérez: Comercio y comerciantes en Huesca a principios del siglo XV Aragón en la Edad Media, ISSN 0213-2486, Nº 9, 1991 , pp. 243-268

[VIDALLER-7] 1 2 3 4 5 6 7 8 9 10 11 12 13 14 15 (an) VIDALLER TRICAS, Rafel: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera, Zaragoza 2004. ISBN 978-84-8986-235-7.

[VENASTRALLOCAMPO-8] (an) MASCARAY SIN, Bievenido: Benas, Trallo y fuellas. Poemas en aragonés ribagorzano de Campo. Consello d'a Fabla Aragonesa, 1984, p 119

[1]

[2]

[3]

[nota 1]

[nota 2]

[4]

[5]

[6]