Río Cinqueta

De Biquipedia
Ir a la navegación Ir a la búsqueda
Este articlo trata sobre el río Cinqueta. Pa atros emplegos de Cinqueta se veiga Cinqueta (desambigación).
Cinqueta
111.Cinqueta per Saravillo.JPG
El Cinqueta dentro de l'estrecho de Sant Martín, a par de Saravillo.
Administración
Estatos {{{estatos}}}
Territorios Flag of Aragon.svg Val de Chistau, Sobrarbe, Aragón
Cheografía
Longaria 24,215 km
Altaria d'o naixedero {{{altaria}}} m
Naixedero Confluencia d'el Cinqueta de la Pez y el Cinqueta d'Anyes Cruces.
Desembocadura Río Cinca, en Salinas
Superficie d'a cuenca {{{cuenca}}} km²
Cabal meyano {{{cabal}}} m³/s


Start hand.svg Esta fuella ye escrita en chistabín.

El río Cinqueta ye un río d'el Pireneu afluent de la Cinca per la izquierda, principal curso d'augua de la val de Chistau, en Sobrarbe (Uesca).

Naixe n'el sector alto de Viadors quan s'achunta el río Cinqueta de la Pez con el río Cinqueta d'Anyes Cruces, amán d'el santuario de la Virgen Blanca, n'el termin municipal de Chistén. Dimpués esnaviesa pe'ls tres lugars d'esta val (Chistén, Sant Chuan de Plan y Plan) y abandona la val principal per la Inclusa y va ta Salinas de Sin, aon desemboca en a Cinca.

El Cinqueta de la Pez[editar | editar código]

l'Articlo principal d'este alpartau ye Río Cinqueta de la Pez.

El Cinqueta de la Pez ye un d'es dos ríos que forman el Cinqueta en a Virgen Blanca. Naixe en a val de Taberners, entre la Culfreda y la punta de la Pez, amán d'el puerto de la Pez, y ye alimentau pe'ls barrancos y l'ibón de Vachimala per la man izquierda, y pe'l barranco de la Madera per la dreta.

La suya cuenca se diz val de Taberners ye deseparada per la montanya de Vachimala contra la val vecina, que ye la val d'Anyes Cruces. En a plana de Viadors, an i hai un cámping y l'Hespital de Chistén, amás de la ermita de la Virgen Blanca, se troba con el Cinqueta d'Anyes Cruces.

El Cinqueta d'Anyes Cruces[editar | editar código]

l'Articlo prencipal d'este alpartau ye Río Cinqueta d'Anyes Cruces.

El Cinqueta d'Anyes Cruces naixe en a cul d'Anyes Cruces, en a val d'este mesmo nombre. Ye a la man cuentra de la Vachimala que la val de Taberners.

Recibe l'augua de l'ibón Royo y la valleta d'el puerto de Chistau per la izquierda, que conduce ta la val de Benás pe'l canto norte de la Lardana. Tamién recibe l'augua d'el deschelo que blinca de la chelera de Lardana, n'el paco d'esta montanya, pe'l barranco de las Mardaneras.

Ya quasi en Viadors, antes d'achuntar-se con el Cinqueta de la Pez, recibe l'augua de l'ibón d'es Leners y de l'ibón d'es Millars a traviés d'el barranco de la Ribereta. El cubilar de Puyarrueso ye a'l costau d'este río.

Se veiga tamién[editar | editar código]

Enlaces externos[editar | editar código]


Ríos d'a cuenca hidrografica d'a Cinca
Marguin izquierda Barrosa · Cinqueta · Irués · Nata · Usía · O Salinar · Esera
Marguin dreita Yaga · Bellós · Ara · Susía · Vero · Alcanadre