Balneario de las Vilas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Balneario de las Vilas
O balneario
Situación cheografica
Estato
País	Aragón
Comarca	Ribagorza
Situación	Las Vilas (Torlarribera)
Adreza	Calle Circurán Nº9. 22451 Las Vilas (Uesca)
Altaria	1.437 m
Servicios
Auguas	Bicarbonatatas, calcicas, oligometalicas y muit hipotonicas
Fuents
Ríos
Lacos	{{{lacos}}}
Ubierto	Dende o 16 de marzo dica o 5 de noviembre.
Servicios
Premios
Construcción
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Localización
Balneario de las Vilas Situación de Balneario de las Vilas en Aragón
Pachina web
Pachina web	Web oficial

O balneario de las Vilas ye balneario aragonés situato en o lugar de Las Vilas en o municipio de Torlarribera, en a comarca de Ribagorza. Se troba a una altaria de 1.437 m sobre o ran d'a mar a 80 km de distancia de Balbastro, 130 de Uesca y 200 de Zaragoza.

Situato a os piez d'o Turbón, que se debanta por dencima a una altaria de 2.492 m, o suyo clima ye xuto y agradable. Dende iste punto se pueden fer gambadas por o entorno perinenco y excursions a numeros puntos naturals y historicos que se troban prou amanatos a o balneario como a Seu de Roda de Isabana, o Monesterio d'Obarra, os as villas de Benás y Graus, a ciudat medieval d'Aínsa u a estación d'esquí de Sarllé asinas como os Parques Nacionals de Aiguëstortes y Ordesa.

Historia

Mientres tot o sieglo XIX as auguas d'o balneario nomás yeran conoixitas en a redolada, ya que dica 1908 os accesos ta o complexo yeran malos y l'aloxamiento prou incomodo. Por ixas envueltas acudiban mas que mas malautos de l'aparato urinario a tractar-se con as suyas auguas medicinals.

Ye ya en l'anyo 1931 cuan se prencipian a embotellas as auguas, dimpués d'haber-se feito os correspondients tractamientos hichienicos. En 1934 s'inauguran as instalacions de l'hotel, que en os primers anyos s'emplegó como refuchio ta ninos en a Guerra Civil y que dimpués tornó a emplegar-se ta a suya actividat inicial.

Auguas y tractamientos

As auguas, que salen d'o manantial d'a Virchen d'a Penya a 7 °C, tienen as propiedaz d'estar bicarbonatatas, calcicas, oligometalicas y muit hipotonicas. Istas auguas presentan una mineralización total de 0,354g/l, estando un 80% o bicarbonato de calcio

Iste tipo d'auguas s'emplegan en o tractamiento de malautías de rinyón y vías urinarias Aumenta a diuresis y a eliminación de l'acido urico, por o que son ideyals ta eliminar calculos y favoreixer a suya prevención. Se fan servir tamién ta curas antiestrés y ta as malautías hepato-biliars, en trestuques nutritivos y d'o metabolismo.

Se recomiendan amás en dieta pobres en sodio, t'amillorar y estimular as funcions dichestivas ya que incrementa as secrecions dichestivas y a gana. Tamién son buenas en caso d'anemias, problemas circulatorios y malautías reumaticas y respiratorias.

O tractamiento se gosa realizar por cura hidropínica u bebendo a mesma augua. Tamién se fan hidromasache y banyos de bombollas, chorros de presión, masaches subacuaticos, banyos de vapor, archilas, aerosols, masaches manuals, drenaches linfaticos, gravitoterapia y fisioterapia.

Servicios

L'hotel d'o balneario tiene 55 habitaciones, todas ellas con banyo, calefacción, televisión, telefono y acceso dreito a la zona de balneoterapia.

Amás atras instalacions d'o complexo incluyen as piscina termal cubierta, a piscina exterior en verano, un chimnasio, o restaurant, a cafetería, una botiga, un salón de chuegos y televisión, peluquería, capiella y loga de becicletas de montanya.

En iste mesmo balneario s'embotella l'augua mineral natural que leva o nombre de "Vilas del Turbón".

Vinclos externos

• (es) Web oficial
• (es) Balnearios de Aragón Vilas del Turbón.
• (es) Web oficial d'os Balnearios d'Aragón Vilas del Turbón.