Castelserás

De Biquipedia
Ir a la navegación Ir a la búsqueda
Castelserás
Municipio d'Aragón
Escudo d'armas
Sta. Bárbara. Castelserás. Teruel. (15003672670).jpg
Santa Bárbara
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Baixo Aragón (comarca)
Superficie 31,16 km²
Población
 • Total

818 hab. (2002)
Altaria 382 m.
Distancia
 • 186,6 km

enta Teruel
Codigo postal 44630
Coordenatas 40°58’58’’N 0° 7’58’’U
Castelserás en Aragón
Castelserás
Castelserás
Situación de Castelserás en Aragón

Castelserás (Castellseràs en catalán) ye una localidat d'a provincia de Teruel, situata en a comarca d'o Baixo Aragón. A suya población ye de 818 habitants (2004), en una superficie de 31,16 km² con una densidat de 26,25 hab./km²

Cheografía[editar | editar código]

Ye situato en o semontano d'as primeras sierras d'o Sistema Iberico, en a marguin dreita d'o río Guadalop, a mán d'on desemboca o río Mezquín.

Comprende o despoblato conoixito como Castelserás Viejo (en o sieglo XIII Borgalmofada u Borgalmohada), en a marguin cucha d'o río y auguas entalto.

Mugas[editar | editar código]

O suyo termin municipal muga con Torrociella d'Alcanyiz, con un cantón d'o termin de La Codonyera, con La Torre de Viliella, con Calanda y con Alcanyiz.

Alcanyiz
Calanda Rose des vents2.png Torrociella d'Alcanyiz
La Torre de Viliella La Codonyera

Toponimia[editar | editar código]

O nombre ye de dificil interpretación, pareixe d'orichen catalán, como dició Coromines. Coromines creye que l'orichen d'este toponimo representa o mesmo problema que l'orichen de toponimos catalanes pareixitos, y los relaciona con l'antroponimo chermanico Särio u Sarhari. No creye que bi haiga relación con o toponimo Castilserás de Ciudad Real, que él considera derivato d'o castellán sera que fa referencia a os transportes de mineral dende Almadén.

En Catalunya existen Castellserà, Comen-seràs y Torre-serona. Totz estos toponimos son de l'aria de proveniencia d'os catalans que repobloron as cuencas d'o río Matarranya y Guadalop.

Seguntes o latinista Agustín Ventura Conejero, Castelserás significaría Castiello de SERANUS y SERANVS ye un antroponimo que se testimonia en as inscripcions latinas de La Iglesuela. Castelserás se remontaría a un Seranis que indicaría pertenencia. El s'apoya que en Galicia bi ha muitos toponimos que acaban en -as con orichen en -anis, y que mientres que en Gúdar-Chabalambre bi hay un Toranes en l'Alto Palancia bi ha un Toràs:

  • Seranis > Seranes > Serans > Serás.
  • Turanis > Toranes > Torans > Torás.

A radiz castel pareixe catalana, y en muitos casos en ye, manimenos se troba más que más quan en un compuesto ye atona, de la mesma manera que pui; asinas Castel y Pui pareixen formas abreviatas de Castiel(lo) y Pueyo.

A hipotesi toponimica popular que relaciona l'orichen d'o toponimo con o recorrido de César por Espanya (explicandolo como Castrum Caesar, Castrum Zeras), no pareixe buena.

Ya en a Carta Puebla de Calanda veyemos escrito Castelseràs. En un texto de 1272 apareixe como Castiel Sazas:

De Compositione de Calanda, et de Alferit, et de la defesa, et de Borgalmohada, que nadie dicunt Castiel Sazas, facto inter fratres Calatravae et camerarium Cesaraugustae.

En o fogache de 1405 ordenato en as Cortz de Maella de 1404 s'escribiba Castielseras.

En un texto d'o sieglo XV de l'archivo ducal de Frías, relatibo a los Calatravos, fegura como Castilserás.

Parla[editar | editar código]

Como en tot o Baixo Aragón en sentito amplo bi ha muitos aragonesismos. Se conserva o deminutivo aragonés -et, con a prenunciación é, sin t. Bi ha muitas palabras que rematan en -án, representando a perdida freqüent d'a -o final en l'aragonés medieval de tierra plana y en l'actual belsetán y chistabín. Existe muito adstrato catalán. O lexico de Castelserás se replegó en as anyadas 1990 y fue publicato en numero 5 d'a revista Ruxiada.

Historia[editar | editar código]

En 1273, a Orden de Calatrava forachitó d'o lugar a la población musulmana que i viviba, ta establir l'actual Castelserás.[1]

Administración[editar | editar código]

Reparto de concellers[editar | editar código]

Eleccions municipals
Partito 1979 1983 1987 1991 1995 1999 2003 2007 2011
Partido Popular 3
Partido de los Socialistas de Aragón 3
Partido Aragonés 1
Total 7

Alcaldes[editar | editar código]

Lista d'alcaldes
Lechislatura Nombre Partito politico
19791983 Jacinto Montañés Ceperuelo [2] UCD
19831987
19871991
19911995
19951999
19992003
20032007
20072011
20112015 Ángela Montañés Serrano Partido Popular

Fiestas[editar | editar código]

Existe un baile tradicional con nombre catalán el rodat.

Presonaches naixitos de Castelserás[editar | editar código]

Categoría principal: Naixitos de Castelserás.

Vinclos externos[editar | editar código]

Referencias[editar | editar código]

  1. (es) Historia de Aragón, dirichita por Eloy Fernández Clemente, La Esfera de los Libros, Madrit, 1ª edizión, ISBN 978-84-9734-722-8, pachina 266.
  2. (es) Treinta aniversario de las primeras elecciones municipales de la democracia.


 
Municipios d'a comarca d'o Baixo Aragón
Auguaviva | Alcanyiz | Alcorisa | Val d'Algorfa | Belmont de Sant Chusé | Berche | Calanda | La Canyada de Beric | Castelserás | La Codonyera | La Chinebrosa | Foz Calanda | Lo Mas de las Matas | La Mata de los Olmos | Las Parras de Castellot | Seno | Torrociella d'Alcanyiz | La Torre de Viliella | Los Olmos | La Cerollera