Río Mezquín

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Mezquín Mesquí

Administración
Estaus
Territorios	Aragón
Cheografía
Longaria	km
Altaria d'o naixedero	m
Naixedero	Belmont
Desembocadura	río Guadalop
Superficie d'a cuenca	km²
Cabal meyano	m³/s
Mapa

Lo río Mezquín ye un afluent de lo río Guadalop por la suya marguin dreita que se reculle en Castelserás. Naixe por la unión d'uns barrancos que baixan enta Belmont dende una zona de contacto entre materials mesozoicos de la Serra dels Puntals (continación enta l'este de la Sierra de la Chinebrosa), y materials cenozoicos de lo semontano iberico.

Traviesa en dirección sudeste-norueste lo termin municipal de Belmont y fa de muga entre los termins de La Torre de Viliella y La Codonyera primero, y entre Castelserás y Torrociella d'Alcanyiz dimpués.

Part de la ribera y lo cauz d'este río fan part de lo Puesto d'Intrés Comunitario Río Mezquín y Oscuros^[1], a on que bi ha una foz dita Barranc Fondo escarvada en almendrons cenozoicos.

En lo cabalto de la suya compleganza se charra catalán (parlas de lo Guadalop-Mezquín), en lo cabaixo se charra lo castellano rechional d'Aragón, con un important substrato lingüistico aragonés^[2] y adstrato catalán.

Toponimia

Lo hidronimo Mezquín se documenta en textos baixomedievals escritos en latín, por eixemplo en un texto de lo 29 de chinero de 1243 en lo que lo comandador calatravo d'Alcanyiz feba una concordia con la ilesia alcanyizana sobre decimas y termins^[3]:

...et domo Dominici Arabot erit et ferit ad rivum de Mezquin, et sicut volvitur rivus de Mezquin in sursum, usque ad barranchus quod dividit terminum de Belmont et defesam fratrum,...

S'interpreta a partir de l'algarabía Miskîn^[4].

Referencias

↑ (es) Eduardo Viñuales Cobos, Fernando Zorrilla Alcaine: Red Natural de Aragón. Bajo Aragón nº 15. Prames, 2007, pp 34-35, pp 98-99.
↑ (es) QUINTANA i FONT, Artur et al. (2004), El Aragonés residual del bajo valle del Mezquín (2ª Ed.); Ayuntamiento de Torrecilla de Alcañiz. Torrociella d'Alcanyiz. ISBN 84-606-3647-X
↑ (es) Jaime Caruana Gómez de Barreda La Orden de Calatrava en Alcañiz Revista Teruel, chulio-aviento de 1952, nº 8. p 158
↑ (es) Agustín Ventura Conejero: Toponimia de la provincia de Teruel. Revista Teruel, 48, 1972, p 240.

Bibliografía

(es) Eduardo Viñuales Cobos, Fernando Zorrilla Alcaine: Red Natural de Aragón. Bajo Aragón nº 15. Prames, 2007.

Afluents d'o río Guadalop

Marguin izquierda	La Val \| Campos \| Calanda
Marguin dreita	Bordón \| Alcherez \| Mezquín \| Rambla de Malburgo

Datos: Q20617774
Multimedia: Rio Mezquín / Q20617774

[REDNATURALGUADALOP-1] (es) Eduardo Viñuales Cobos, Fernando Zorrilla Alcaine: Red Natural de Aragón. Bajo Aragón nº 15. Prames, 2007, pp 34-35, pp 98-99.

[QUINTANAMezquin-2] (es) QUINTANA i FONT, Artur et al. (2004), El Aragonés residual del bajo valle del Mezquín (2ª Ed.); Ayuntamiento de Torrecilla de Alcañiz. Torrociella d'Alcanyiz. ISBN 84-606-3647-X

[3] (es) Jaime Caruana Gómez de Barreda La Orden de Calatrava en Alcañiz Revista Teruel, chulio-aviento de 1952, nº 8. p 158

[4] (es) Agustín Ventura Conejero: Toponimia de la provincia de Teruel. Revista Teruel, 48, 1972, p 240.

[1]

[2]

[3]

[4]