Bruselas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Bruselas Bruxelles Brussel Brüssel
Localidat de Belchica
Bruselas de nueiz con a torre d'a Casa d'a Ciudat.
Estau  • Rechión	Belchica Bruselas-Capital
Superficie	32,61 km²
Población  • Total  • Densidat	176545 hab. (2017) 5.169 hab/km²
Altaria  • Meyana	13 m.
Codigo postal	1000, 1040, 1050
Ríos	Senne
Coordenadas
Bruselas Bruselas en Belchica
Web oficial

Bruselas (Bruxelles en francés, Brussel en neerlandés, Brüssel en alemán) ye una ciudat de Belchica, que ye a suya capital; ye tamién a capital d'a rechión de Bruselas-Capital y, amás a mas, d'a Unión Europea y d'a OTAN. Como capital d'o Estau, Bruselas ye a siede d'o gubierno de Belchica y o Parlamento. Alberga tamién, o Castillo de Laeken, residencia d'o rei Felipe de Belchica y a familia real belga.

A ciudat de Bruselas tien una superficie de 32,61 km², una población de 168.576 habitants en 2013 y una densidat de población de 5169 hab/km² (2013).

Fa parte d'a Organización d'as Ciudaz d'o Patrimonio d'a Humanidat.

Toponimia

En o lexico comercial aragonés d'o sieglo XV s'escribiba Bruxeles (en Monzón), Bruxellyas (en Uesca) u Bruxellas.

Historia

A ciudat de Bruselas ya existiba en o sieglo VII, pero a suya importancia naixió con os contes de Lovaina, que en facioron a suya capital. Situata en a val d'o río Senne, afluent d'o río Escalda, estió un important centro comercial, dentrando en o sieglo XIII en o Ligallo Hanseatico.

Estió tamién a capital d'os territorios espanyols en os Países Baixos espanyols y Flandres, y tamién estió a capital d'os territorios d'os Países Baixos austriacos dimpués d'a Guerra de Succesión Espanyola. En 1815, dimpués d'o Congreso de Viena, s'encorporó a os neerlandeses, dica a independencia de Belchica en 1830, anyo en que se convertió en a capital d'o nuevo estato.

En a Primera Guerra Mundial, a ocuporon as tropas de l'Imperio Alemán y en a Segunda Guerra Mundial as tropas d'o Tercer Reich.

Con a creyación d'a Unión Europea en a segunda metat d'o sieglo XX, pasó a estar a capital d'ista institución.

Cultura

Cine

En a ciudat de Bruselas se celebra anualment o Festival de Cine Fantastico de Bruselas, que concede bels premios, en destacando lo Cuervo d'Oro y lo Cuervo d'Archent.

Esportes

Os esportes mas populars en Bruselas son os mesmos que o resto d'o país, o ciclismo, a natación, o fútbol y o tenis. A ciudat ye un caso rarizo entre as grans capitals europeas por que en l'actualidat no tien garra club de fútbol important a livel internacional.

Instalacions esportivas

A prencipal instalación esportiva d'a ciudat ye l'Estadio Rey Balduino, conoixiu popular y tradicionalment como Estadio de Heysel, a on dende a suya inaguración en l'anyo 1930 s'han feito muitos esdevimientos esportivos importants, y conoixiu mundialment por a trachedia de Heysel, en a que o 29 de mayo de 1985 morioron 39 personas y habió bels 600 ferius, a causa d'una avalancha d'aficionaus antis de principiar a final d'a Copa d'Europa que disputoron a Juventus y o Liverpool en a suya edición de 1985.

Competicions esportivas

Bruselas ha estau seu de muitos esdevenimientos esportivos importants internacionalment como o Campionato Mundial de Ciclismo en Pista en a suya edición de 1930, cualques finals d'a Liga de Campiones d'Europa, d'a desapareixita Recopa d'Europa y bels partius d'as Eurocopas de fútbol de 1972 y 2000 como ciudat siede.

Tamién organizó o Campionato Europeu de Campo a Traviesa en a suya edición de 2003 y l'anyo siguient, en 2004 o Campionato d'o Mundo de Campo a Traviesa, la cita mas important d'o campo a traviesa

En ciclismo cal destacar a Brussels Cycling Classic (conoixita como París-Bruselas dica 2012) y o desapareixito Gran Premio Eddy Merckx, en homenache a o gran ciclista belga Eddy Merckx.

Localidaz achirmanadas

Kinshasa, (Republica Democratica d'o Congo). Berlín, (Alemanya). Madrit, (Espanya). Akhisar, Turquía. Atlanta, Estaus Unius. Pequín, China. Mont-reyal, Canadá. Macau, Xina. Boltanya, Aragón, (Espanya).

Moscú, Rusia. Washington, DC, Estaus Unius. Kíev, Ucraína. Breda, Países Baixos. Praga, Republica Checa. Ljubljana, Eslovenia. Sofiya, Bulgaria. Tirana, Albania.

Vinclos externos

• Se veigan as imáchens de Commons sobre Bruselas.
• Pachina web municipal.
• Mapa interactivo de Bruselas.

• Datos: Q239
• Multimedia: Brussels (municipality) / Q239