Primera Guerra Mundial

De Biquipedia
Ir ta: navego, busca
Articlo d'os 1000
Primera Guerra Mundial
[[]]
WWImontage.jpg
Imachens d'a I Guerra Mundial
Información cheneral
Calendata: 28 de chulio de 1914 - 11 de noviembre de 1918
Puesto: Europa, Africa e Asia
Resultato: Desaparición d'os Imperios Alemán, Austro-hongaro, Otomano e Ruso.
En conflicto
Potencias Centrals:
Austria-Hungary-flag-1869-1914-naval-1786-1869-merchant.svg Austria-Hongría,
Flag of Bulgaria.svg Bulgaria,
Flag of the German Empire.svg Imperio Alemán,
Ottoman flag.svg Imperio Otomano
Aliatos:
Flag of the United Kingdom.svg Imperio Britanico,
Flag of France.svg Francia,
Flag of the United Kingdom.svg Canadá,
Flag of Italy (1861-1946).svg Italia,
Flag of Russia.svg Imperio ruso,
US flag 48 stars.svg Estatos Unitos
Comandants
Austria-Hungary-flag-1869-1914-naval-1786-1869-merchant.svg Francisco Chusé I,
Austria-Hungary-flag-1869-1914-naval-1786-1869-merchant.svg Franz Conrad von Hötzendorf,
Flag of the German Empire.svg Guillén II d'Alemanya,
Flag of the German Empire.svg Erich von Falkenhayn,
Flag of the German Empire.svg Paul von Hindenburg,
Flag of the German Empire.svg Reinhard Scheer,
Flag of the German Empire.svg Erich Ludendorff,
Ottoman flag.svg Mehmed V,
Ottoman flag.svg İsmail Enver,
Ottoman flag.svg Mustafa Kemal Atatürk,
Flag of Bulgaria.svg Ferrando I de Bulgaria
Flag of Russia (bordered).svg Nicolau II de Rusia,
Flag of Russia (bordered).svg Alexéi Alexéievich Brusílov,
Flag of France.svg Georges Clemenceau,
Flag of France.svg Joseph Joffre,
Flag of France.svg Ferdinand Foch,
Flag of France.svg Robert Nivelle,
Flag of the United Kingdom.svg Herbert Henry Asquith,
Flag of the United Kingdom.svg Douglas Haig,
Flag of the United Kingdom.svg John Jellicoe,
Flag of Italy (1861-1946).svg Bítor Manuel III,
Flag of Italy (1861-1946).svg Luigi Cadorna,
Flag of Italy (1861-1946).svg Armando Diaz,
US flag 48 stars.svg Woodrow Wilson,
US flag 48 stars.svg John J. Pershing
Baixas
Soldatos
muertos:
4.386.000
feritos: 8.388.000
desapareixitos: 3.629.000
Soldados
muertos:
5.520.000
feritos: 12.831.000
desapareixitos: 4.121.000

A Primera Guerra Mundial estió un conflicto armato a escala mundial desarrollato entre 1914 y 1918. Orichinato en Europa, por a rivalidat entre as potencias imperialistas, se transformo en o primero en cubrir más d'a mitat d'o planeta. Estió en o suyo momento o conflicto más sangriento d'a historia. Antis d'a Segunda Guerra Mundial, ista Guerra gosaba decir-se Gran Guerra u Guerra d'as Guerras.

Encomienzamiento[editar | editar código]

O 28 de chunio de 1914 un terrorista serbio de Bosnia-Herzegovina fació un atentau en Sarajevo en o que murió prencipe hereu d'o Imperio Austro-hongaro. Austria-Hongría adrezó un ultimatum a Serbia, y li declaró a guerra o 27 de chuliol. O Imperio Ruso refirmó a Serbia y encomenzó a primera Guerra Mundial. Entre o 28 de chuliol y o 4 d'agosto entroron en guerra Austria-Hongría y Alemanya contra Serbia, Rusia, Francia y Gran Bretanya. O Imperio Otomán encomenzó a guerra contra Rusia o 29 d'octubre de 1914, con scenario entre os lagos Van y Urmia y a implicación d'as minorías etnicas locals (armenios, asirians y kurdos).

Frent Balcanico[editar | editar código]

Gnome-searchtool.svg
Ta más detalles, veyer l'articlo Frent Balcanico (Primera Guerra Mundial)veyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Gnome-searchtool.svg
Ta más detalles, veyer l'articlo Frent Macedoniánveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

En os Balcans os serbios no resistioron que a lo prencipio, y rebloron. En noviembre de 1914 os serbios ya no controlaban Belgrado, encara que en aviento de 1914 lo recobroron.

En octubre de 1915 os aliaus desembarcoron en Salonica y se creyó o Frent Macedonián. O 14 d'octubre de 1915 Bulgaria entró en guerra contra Serbia (li declaró a guerra o día 15 d'octubre), con a intinción d'anexionar-se a partida de Macedonia que Serbia heba ocupau en a Primera Guerra Balcanica y continó ocupando dimpués d'a Segunda Guerra Balcanica (actual Republica de Macedonia). Esto fa que os serbios ya no puedan defender-sen d'os austro-hongaros.

En aviento de 1915-chinero de 1916 o exercito serbio se retiró dica Corfú a traviés d'Albania. As tropas bulgaras ocuporon a parte serbia de Macedonia y fació frent a las tropas aliadas que heban desembarcau en Salonica o 15 d'octubre (o Frent Macedonián).

Dende chuliol de 1916 os serbios evacuaus en Corfú fuoron adrezaus enta o frent d'orient. O 27 de chunio de 1917 Grecia entró en guerra en o bando d'os aliaus.

O 28 d'agosto de 1916 Rumanía entró en a guerra en o bando d'os aliaus. Con Rumanía en o bando aliau, Bulgaria s'asocia a la contraofensiva d'as potencias centrals y ocupa Dobrucha d'o sud, que heba perdiu en a segunda Guerra Balcanica. En aviento os alemans prenen Bucarest.

O 29 de setiembre de 1918 se crebó o Frent Macedonián y Bulgaria firmó un armisticio. O 3 d'octubre Ferrando de Bulgaria abdicó en Boris III.

Frent d'Europa Oriental[editar | editar código]

Gnome-searchtool.svg
Ta más detalles, veyer l'articlo Frent d'Europa Oriental (Primera Guerra Mundial)veyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

En agosto de 1914 as tropas d'o Imperio Alemán aturoron l'abance d'os rusos. En setiembre os rusos ocuporon Galitzia.

En chuliol-agosto de 1915 bi habió una ofensiva austriaca y alemana contra Rusia. En chunio-agosto de 1916 bi habió una ofensiva rusa en Galitzia dirichida por Alexéi Brusílov, que representó a operación mes gran d'o exercito ruso en esta guerra, con gran numero de baixas.

O 27 d'agosto de 1916 Rumanía declaró a guerra a lo Imperio Austro-hongaro, entrando en guerra o 28 d'agosto en o bando d'os aliaus.

En Febrero-Marzo de 1917 esclató a Revolución rusa y en chuliol de 1917 fracasó a zaguera ofensiva rusa en o frent. O 6-8 de noviembre de 1917 esclató a Revolución d'Octubre en Rusia. Rumanía quedó sin d'aduya rusa y aislata y firmó en Focşani un armisticio o 9 d'aviento con as potencias centrals Alemanya y Austria-Hongría.

O 3 de marzo de 1918 a Rusia bolchevique firmó con as potencias centrals o tractato de Brest-Litovsk. Por o tractato de Brest-Litovsk o 3 de marzo de 1918 Rumanía se quedó de tot ya sin d'aduya rusa y as potencias centrals tornoron a atacar-la.

En abril de 1918 a Republica democratica de Moldavia proclamó a suya unión con Rumanía. O 7 de mayo se firmó o tractato de Bucarest entre Rumanía y as potencias centrals. Por o tractato de Bucarest d'o 7 de mayo de 1918 Rumanía habió de ceder Dobrucha d'o sud (quadrilatero de Silistra) y 170 lugars d'os Carpatos a Hongría. Vlaquia siguió ocupata y ha d'abastir de trigo y petrolio a Alemanya y Austria-Hongría.

Frent d'Orient Meyo[editar | editar código]

Gnome-searchtool.svg
Ta más detalles, veyer l'articlo Frent d'Orient Meyo (Primera Guerra Mundial)veyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Gnome-searchtool.svg
Ta más detalles, veyer l'articlo Campanya d'o Caucasveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

En noviembre de 1914 o Imperio Otomán entró en guerra en o bando d'Alemanya. En abril de 1915 os aliaus desembarcoron en os Dardanelos, encomenzando a Batalla de Gallipoli, pero no consiguioron res y a operación remató en chinero de 1916.

En abril de 1915 esclató una revuelta armenia en a rechión de Van. En chuliol de 1915 50.000 armenios plegoron t'Halepo sobrevivindo a las operacions de deportación y chenocidio d'o exercito otomán y os irregulars kurdos.

En 1916 os exercito ruso ocupó Erzurum, Trapesonda y Erzincán, y as poblacions musulmanas locals quedoron diezmadas por a guerra. En ixa zona as hostilidatz cesoron en a practica entre agosto de 1916 y fins de 1917.

En abril de 1917 as autoridatz rusas autorizoron a los refuchiaus armenios a tornar ta Anatolia Oriental. Bells 150.000 armenios se reinstaloron en a rechión de Van, a on podioron cullir una collita de trigo en verano.

En chinero de 1918 s'establió una asembleya constituyent (seim) de Transcaucasia, que contaba con 112 miembros, 33 d'ellos armenios. En a Transcaucasia d'ixa epoca hi heba profundas divisions os azerís, que yeran pro-otomans, os armenios anti-otomans y os cheochians quereban a paz.

Entre marzo y abril de 1918 os otomans pasoron a la ofensiva y ocuporon tot o terreno entre Van y Kars, producindo-se refluxo d'armenios ta o noreste. En abril, a Seim de Trascaucasia proclamó a independencia, mientres os otomans abanzaban y yeran ya a man de Yerevan.

En mayo Transcaucasia se disgregó con a proclamación d'a indepencia de Cheorchia. Os armenios podioron aturar a los otomans en a batalla de Sardarabad, pero en chunio habioron de firmar en Batum un tractato en o se cedeban a los otomans a zona d'o ferrocarril entre Alexandropol y Chulfa y se veyeban obligaus a autorizar a las tropas otomanas poder cruzar territorio armenio pa acceder a Azerbaichán.

En chunio de 1918 os otomans ocuporon Azerbaichán y en agosto planteyoron a qüestión de Karabakh. Una asembleya local, con mayoría armenia refusó a unión con Azerbaichán, pero habió de ceder. O 30 d'octubre de 1918 os otomans firmoron un armisticio con os britanicos en o puerto de Mudros (isla de Lemnos). Con l'armisticio de Mudros d'o 30 d'octubre de 1918 os otomans habioron de retirar-sen a las suyas mugas de 1914, mientres as fuerzas britanicas preneban posicions en Transcaucasia.

Frent Italián[editar | editar código]

Gnome-searchtool.svg
Ta más detalles, veyer l'articlo Frent Italián (Primera Guerra Mundial)veyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

En mayo de 1915 Italia entró en a guerra en o bando d'os aliaus. O 24-27 d'octubre de 1917 os italians fuoron derrotaus de tot en Caporetto.

Frent Occidental[editar | editar código]

Gnome-searchtool.svg
Ta más detalles, veyer l'articlo Frent Occidental (Primera Guerra Mundial)veyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O 4 d'agosto de 1914 o exercito alemán invadió Belchica y Luxemburgo ubrindo o frent occidental. Os alemans esconfioron a los franceses en as batallas de Lorena, Charleroi y Maubeuge y obtenioron dimpués o control de zonas industrials importants d'o este de Francia. Os britanicos intervinioron en o Frent Occidental refirmando a los franceses. En a primera batalla d'o Marne l'abance alemán fue aturau.

Plegó un inte que o frent s'estabilizó, estando scenario de grans batallas que quasi no lo modificoron como a batalla de Verdún u a batalla d'o Somme.

O 6 d'abril de 1917 EEUU entró en guerra, lo que refirmó a posición d'os franceses y britanicos. L'abance d'os aliaus en 1918 convenció a los comandants alemans que a derrota yera inevitable y o gobierno habió de negociar un armisticio.

Fin d'a guerra[editar | editar código]

L'8 de chinero de 1918 o president Woodrow Wilson proposió os "Catorce Puntos" pa creyar uns nuevos obchectivos belicos defendibles moralment que podesen servir de base pa negociacions de paz con os Imperios Centrals. O 3 de noviembre bi habió un armisticio con Austria-Hongría, l'armisticio de Villa Giusti, que fació que s'esboldreguás o Imperio Austro-hongaro. O gobierno rumán aguardó dica o 10 de noviembre pa continar as hostilidatz en o zaguer inte. L'11 de noviembre bi habió un armisticio con Alemanya. O 15 de noviembre os rumans invadioron Transilvania. O 28 de noviembre Bucovina, que heba estau una posesión austriaca, demandó a unión con Rumanía. O 1 d'aviento de 1918 os vlacos de Transilvania y d'Hongría se reunioron en Alba Iulia, se costituyoron en asembleya y esleyoron un Gran Consello nacional que o día 14 demandó a unión con Rumanía.

Consequencias[editar | editar código]

A Primera Guerra Mundial tenió consequencias en quantos ambitos. Bell historiador, como Eric Hobsbawm, considera que o final d'a guerra estió o prencipio real d'o sieglo XX por a reestructuración de l'orden politico que esdevenió.

Con a trencadura d'o sistema diplomatico europeu conoixito como Concierto europeu, as alianzas feitas por diferents estatos y os efectos d'a guerra, os estatos europeus creyoron que caleba establir una Sociedat de Nacions a on resolver os conflictos d'una forma pacifica y evitar as guerras y que a mas a mas amillorase as condicions de vita en o mundo.

Bibliografía[editar | editar código]

Se veiga tamién[editar | editar código]

Vinclos externos[editar | editar código]