Villar d'el Salz

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre Villar d'el Salz lo lugar de la comarca de Xiloca, pa veyer lo lugar homonino de lo termin de Cella vaiga a l'articlo Villar d'el Salz (Comunidat de Teruel).

Villar d'el Salz
Municipio d'Aragón
Entidat  • País  • Provincia  • Comarca	Municipio  Aragón  Teruel Xiloca
Partiu chudicial	Teruel
Superficie	38,69 km²
Población  • Total  • Densidat	59 hab. (2013) 1,52 hab/km²
Altaria  • Meyana	1.219 m.
Distancia  • 62 km	enta Teruel
Codigo postal	44311
Parroquial  • Diocesi  • Arcipestrau  • Parroquia	Teruel y Albarracín Albarracín Asumpción de Ntra. Sra.
Coordenadas	40°40’55’’N 1°29’59’’U
Villar d'el Salz Villar d'el Salz en Aragón
Web oficial

Villar d'el Salz ye un municipio aragonés de la provincia de Teruel (Aragón), situau en la comarca de Xiloca y partiu chudicial de Teruel.

La suya población ye de 59 habitants, en una superficie de 38,69 km² y una densidat de población de 1,52 hab/km².

Cheografía

Villar d'el Salz ye situau en la Sierra Menera, a 1.219 metros d'altaria dencima de lo livel d'a mar, a una distancia de 62 km de la ciudat de Teruel, la capital de la suya provincia y de lo suyo partiu chudicial.

Mugas

Lo suyo termin municipal muga con Uellos Negros, con Villafranca, con Peracens, con Rodenas y con Tordesilos.

Toponimia

Agustín Ventura Conejero considera que los toponimos Villar y Villa son de tiempos de la reconquiesta. Julián Miguel Ortega Ortega opina lo mesmo y afirma que un villar yera un puesto poblau por labradors, chico y establiu sobre las enrunas d'antigas alquerías.

No ye claro l'orichen de la segunda part de lo nombre, pero puet tener relación con Peracens, que entre las muitas variants toponimicas antigas suyas se deciba Piedra Salz. En un texto arabe, lo Muqtabis V de Ibn Hayyan, se cita un puesto dito Mahal·la Xalix en 935, que yera en lo districto de los Banu Razín, cerca de la Fortaleza de Cella y en lo camín dende Cordoba ta Zaragoza. Ente Mahal·la Xalix puet tener relación tanto con Villar del Salz como con lo Castiello de Peracens u con Almofalla. La palabra latina SALIX, SALICIS, ye relacionada con as sargueras (chenero SALIX), y con la sal.

La primera mención segura de Villar d'el Salz posterior a la reconquiesta ye de 1211. Actualment los habitadors dicen Villar del Saz.

Luengas y parlas

Actualment en Villar d'el Salz, como en toda la comarca de Xiloca se charra lo castellano rechional d'Aragón, con substrato lingüistico provinient de l'aragonés que se charró en la Edat Meya en las comunidatz de la muga suroccidental de lo Reino d'Aragón. Lo lexico aragonés d'intrés etnografico de Villar d'el Salz se conoix relativament bien por figurar esta localidat en l'ALEANR con la sigla Te 303. La revista Xiloca tamién ha publicau estudios sobre vocabulario local y articlos de tematica medieval con apendices documentals que amuestran l'aragonés que s'escribiba en esta comarca en la baixa Edat Meya.

Lo lexico aragonés d'esta localidat se replegó en lo numero 10 de la revista Ruxiada. Claman l'atención palabras como: avellanera, acotolar, agora, asinas, camamilla, camín, carasol, casa lugar, cocollo, cuasi, de seguida, desembolicar, desfarfollar, flama, palometas, poyato, sabuco, tamién.

Historia

En o sieglo XV perteneixeba a la Comunidat de Daroca.

Demografía

Evolución demografica

1992 1994 1996 1997 1998 1999 2000 2001 2002 - - - - 112 106 101 101 95

2003 2004 2005 2006 2007 2008 2009 2010 2011 108 104 98 95 93 88 85 83 80

2012 2013 2014 2015 2016 2017 2018 2019 2020 79 73 75 74 70 59 60 55 61

2021 2022 2023 2024 2025 2026 2027 2028 - 66 63 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Popular									2
Partido Aragonés									1
Total									3

Alcaldes

Lista d'alcaldes

Lechislatura	Nombre	Partiu politico
1979–1983	Valeriano García Martínez	Independient
1983–1987	Alfonso López Pérez
1987–1991	Angel Pérez Martínez
1991–1995	Valeriano García Martínez
1995–1999	Pio Domingo Hernández	Partido Popular
1999–2003	María Ascensión Borao Isarria
2003–2007
2007–2011
2011–2015
2015–2019	Marcos López Latasa
2019–2023	Jesús Latasa Royo	PAR
2023–2027	Jesús Latasa Royo	PAR

Puestos d'intrés

• Ilesia de l'Asumpción.

Fiestas

• Pascua de Pentecosta.

Se veiga tamién

• Lista de municipios de Teruel

• Datos: Q1651446
• Multimedia: Villar del Salz / Q1651446