Barrachina

Barrachina
	Municipio d'Aragón
	; Trinquet de Barrachina.
Entidat; • País; • Provincia; • Comarca	Municipio; Aragón; Teruel; Xiloca (comarca)
Superficie	24,9 km²
Población; • Total	; 129 hab. (2016)
Altaria	1047 m.
Distancia; • 77 km	; enta Teruel
Codigo postal	44220
Chentilicio	Barrachineros
Ríos	Pancrudo
Coordenadas	40°53’49’’N 1° 8’20’’U
	; Barrachina Situación de Barrachina en Aragón

Barrachina ye un municipio de la provincia de Teruel (Aragón), situau en la comarca de Xiloca. La suya población ye de 148 habitants (2013), en una superficie de 24,9 km².

Cheografía[editar | modificar o codigo]

Barrachina ye situada en lo forcallo an que s'achunta l'arroyo de Nueros con lo río Pancrudo, en una zona an que la val s'ixampla y bi ha una ampla huerta.

Mugas[editar | modificar o codigo]

Lo suyo termin municipal muga con Torreciella, con Torre los Negros, con Cosa y con Calamocha.

Toponimia[editar | modificar o codigo]

Lo toponimo Barrachina se puet interpretar como un diminutivo toponimico de Barraca^[2]. La lei fonetica que fa que i haiga una africada ch debant de la i en este toponimo puet estar mozarabe, con ch debant de i. Manimenos en Ribagorza bi ha un microtoponimo Barrachina que replegan las Guías Prames.

La primera mención ye de 1132 y se menciona como una de las mugas de lo reino d'Alifonso I lo Batallero:

Regnante domino nostro Iesu Christo sine fine, et sub eo Adefonso Sancii regnante de Montson usque Bilforato et antigua Castella et usque Sancto Stephane de Gormaz et Monte Regale versus Barraçina et usque Castello Orta dicto, sex millibus distans a Tortosa et infra. Uenerauili episcopo Sancio Ossetano alumno, presidente prefate sedi in universo eius episcopatu

En la "Documentación medieval de la Cort de lo Chusticia de Ganaders de Zaragoza" se puet veyer escrito como Barragina.^[3]

Bi ha bells microtoponimos que pueden tener orichen u influencia aragonesa como lo mont Casetas, Cerro Barbacán, Cerro del Rendario y Molino de Bernal.

Luengas y parlas[editar | modificar o codigo]

Actualment en Barrachina, como en toda la comarca de Xiloca se charra lo castellán rechional d'Aragón, con substrato lingüistico provinient de l'aragonés que se charró en la Edat Meya en las comunidatz de la muga suroccidental de lo Reino d'Aragón. Lo lexico aragonés d'intrés etnografico de Barrachina se conoix relativament bien por figurar esta localidat en l'ALEANR con la sigla Te 104^[1]. La revista Xiloca tamién ha publicau estudios sobre vocabulario local y articlos de tematica medieval con apendices documentals que amuestran l'aragonés que s'escribiba en esta comarca en la baixa Edat Meya.

Administración[editar | modificar o codigo]

Reparto de concellers[editar | modificar o codigo]

Eleccions municipals
Partiu	1979	1983	1987	1991	1995	1999	2003	2007	2011
Partido Popular									4
Total									5

Alcaldes[editar | modificar o codigo]

Lista d'alcaldes
Lechislatura	Nombre	Partiu politico
1979–1983	Braulio José Ferreruela Gómez	UCD
1983–1987
1987–1991
1991–1995
1995–1999
1999–2003
2003–2007	Valentín Gómez	Partido Popular
2007–2011	Antonio Agustín Zabal Corbatón	Partido Popular
2011–2015	Antonio Agustín Zabal Corbatón	Partido Popular

Puestos d'intrés[editar | modificar o codigo]

Ilesia de l'Asumpción.
Ermita de Sant Ramón.
Trinquet.

Fiestas[editar | modificar o codigo]

19 de chinero, Sant Fabián y Sant Sabastián.
26 de chulio, Sant Chaime y Santa Ana.

Referencias[editar | modificar o codigo]

↑ ^1,0 ^1,1 (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando El Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.
↑ (es) Julián Miguel Ortega Ortega: Señores y aldeas en las tierras del Jiloca a principios del siglo XII, en Comarca del Jiloca, Zaragoza, Gobierno de Aragón, p 92.
↑ (es) Jose Antonio Fernández Otal: Documentación medieval de la Corte del Justicia de Ganaderos de Zaragoza: y, Ordinaciones de la Casa de Ganaderos de Zaragoza del año 1511, Número 21. Institución Fernando el Católico, 1995.

Veyer tamién[editar | modificar o codigo]

Lista de municipios de Teruel

Municipios d'a comarca de Xiloca

[ALEANRI-1] 1,0 ^1,1 (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando El Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.

[RECONQUIESTAXILOCA-2] (es) Julián Miguel Ortega Ortega: Señores y aldeas en las tierras del Jiloca a principios del siglo XII, en Comarca del Jiloca, Zaragoza, Gobierno de Aragón, p 92.

[3] (es) Jose Antonio Fernández Otal: Documentación medieval de la Corte del Justicia de Ganaderos de Zaragoza: y, Ordinaciones de la Casa de Ganaderos de Zaragoza del año 1511, Número 21. Institución Fernando el Católico, 1995.

[1]

[2]

[3]