El Portichuelo d'Orich

El Portichuelo d'Orich
Despoblau d'Aragón
Entidat  • País  • Provincia  • Comarca  • Municipio	Despoblau Aragón  Teruel Xiloca Cucalón
Población  • Total	0 hab.
Coordenadas	41° 5’ 10’’N 1°13’ 1’’U
El Portichuelo d'Orich Situación d'El Portichuelo d'Orich en Aragón

El Portichuelo d'Orich estió una aldeya de la Comunidat de Daroca y que perteneixió a la Sexma de Trassierra.

Historia

Los habitants d'el Portichuelo d'Orich pagoron colacions chunto con los habitants de Fuent Buena a la ilesia de Sant Miguel de Daroca encara lo sieglo XVII.

Toponimia

Ha recibiu diferents denominacions en diferents textos, sin diminutivo -uelo, con diminutivo u simplament con diminutivo pero sin l'apelativo d'Orich.

La primera mención ye de 1205, quan lo bispe Remón de Castrocol adchudicó las decimas y primicias de las aldeyas de Daroca a diferents ilesias d'esta ciudat. Lo bispe adchudicó las decimas d'el Portichuelo d'Orich y d'atra aldeya dita tamién "puerto" a la Ilesia de Sant Miguel de Daroca:

Clerici et ecclesia Sancti Michaelis habent Poyo, Santet, Mezquita, Valdesantmartin, San Martin, Ambosportos, Odon, Blancas, Torreziella.

S'escribe latinizau como Portus de Orrich en Rationes decimarum Hispaniae (1279-80), mamimenos tamién lo mencionan como El Puerto:

Item a rectore de Portus de Orrich.

Item pro primitia de El Puerto.

S'escribe Portixuelo en lo "Libro de la manifestación de lo morabetín de las aldeyas de la ciudat de Daroca" de 1373.

En 1399 se mencionaba como Portuxello de Orich en lo texto de venda de la pardina de Camaras:

que es clamado Camaras, sitiado en el Regno de Aragón, los términos del qual afrenta de la una parte con término lugar clamado el Collado per [Estevan] e con término de Badenas de la otra parte, con término del Portuxello de Orich, aldeas de la dicha ciudat de Darocha.

En un texto de 1560 mencionan Puerto Oriche en un texto a on los habitadors de Cucalón deciban las defesas que teneban:

et la otra defesa llamada la pardina del Puerto Oriche, principia el primer mojón junto al Corral de Olalla çerca de la senda que van de Lagueruela a Vádenas

En l'anyo 1798 encara ye mencionau Puerto Eliche por Ignacio de Asso, y qualques habitadors de Cucalón identifican lo microtoponimo Puerto Oriche en la partida de Loma Plana u La Plana.

Bibliografía

• (es) Mercedes Rubio: Despoblados y pardinas medievales en la Comarca del Jiloca. Xiloca: revista del Centro de Estudios del Jiloca, ISSN 0214-1175, Nº. 41, 2013 , pp 11–38.

Lugars desapareixitos de lo municipio de Cucalón
El Portichuelo d'Orich