Ir al contenido

Aceret

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Aceret
Acered
Municipio d'Aragón
Bandera Escudo d'armas
Entidat
 • País
 • Provincia
 • Comarca
Municipio
 Aragón
 Zaragoza
Campo de Daroca
Partiu chudicial Daroca
Superficie 30,40 km²
Población
 • Total

131 hab. (2025)
Altaria
 • Meyana

835 m.
Distancia
 • 110 km

enta Zaragoza
Alcalde Conrado Sicilia García
Codigo postal 50347
Parroquial
 • Diocesi
 • Arcipestrau
 • Parroquia

Tarazona
Calatayú
Ntra. Sra. de l'Asumpción
Coordenadas
Aceret ubicada en Aragón
Aceret
Aceret
Aceret en Aragón

Aceret (Acered en castellano y oficialment) ye un municipio de la provincia de Zaragoza, situau en la comarca de lo Campo de Daroca. Fa parte de lo partiu chudicial de Daroca.

La suya población ye de 165 habitants (2018), en una superficie de 30,40 km² y una densidat de población de 6,51 hab/km².

Cheografía

[editar | modificar o codigo]

Ye situau sobre materials cuaternarios cerca de lo barranco Aceret, a 110 metros d'altaria sobre lo livel d'a mar y a una distancia de 110 km de la ciudat de Zaragoza, la capital de la suya provincia y d'Aragón.

Lo suyo termin municipal muga con Atea, con Cubel, con Abanto, con Castellón d'Alfarba, con Alfarba, con Fuents de Xiloca y con Montón.

Lo toponimo Aceret s'ha quiesto interpretar a partir de l'arabe "camín" u a partir de lo latín ACERE[1] ("acirón").

De tener un orichen latino y romanz, la terminación -et no representaría un diminutivo aragonés -et como pareixe, y representaría lo sufixo -et(o), indicador de formacions vechetals u puesto con abundancia d'una especie vechetal en aragonés y en atras luengas romances. D'esta traza, lo toponimo aceret ye prou transparent en aragonés pa que s'explique dende lo latín ACERETUM, "aceral" d'alcuerdo con la fonetica aragonesa y mozarabe. La especie d'acirón que habría orichinau lo toponimo sería Acer monspessulanum.

S'escribe Azerero u Azret en Rationes decimarum Hispaniae (1279-80):[2]

Item a Dominico, diacono, pro eccl. de Azerero.
Item a vicario de Azret.

Figura en lo Fogache de 1495 como Azert, y existiba l'apelliu d'Azert.

Entre los microtoponimos con component mozarabe se troba El Picocho y Panderuel. Entre los que tienen component en aragonés se troban estepar, Las Cabezadas, La Cantera, Espligar, cerro d'el Estepar, Herreñales, La Lastra, alto de la Lastra, Las Ombrihuelas (con protesi velar), El Pedugo, Las Pedrizas, El Plano, Los Planos, Loma de Salgar, Fuente El Saz, Hoya del Salz, El Vergel, etcetera.

Aceret estió una aldeya de la seixma d'el río Ibdes, adintro de la Comunidat d'aldeyas de Calatayú. Fació part tamién de la sobrecullida de Calatayú. En 1711 encara teneba la categoría d'"aldeya", y prenió la categoría de "lugar" en 1785[3].

Demografía

[editar | modificar o codigo]
Evolución demografica
199219941996199719981999200020012002
- - - - 283 273 271 267 264
200320042005200620072008200920102011
245 236 223 210 204 189 169 160 198
201220132014201520162017201820192020
243 245 220 217 223 171 165 166 158
20212022202320242025202620272028-
140 138 - - - - - - -
1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

[editar | modificar o codigo]

Reparto de concellers

[editar | modificar o codigo]
Eleccions municipals
Partiu 1979 1983 1987 1991 1995 1999 2003 2007 2011
Partido Aragonés 4
Partido de los Socialistas de Aragón 1
Total 5
Lista d'alcaldes
Lechislatura Nombre Partiu politico
1979–1983 Manuel Lapuerta Pérez UCD
1983–1987 Sicicilia Garcia, Conrado PAR
1987–1991 Baquedano Tornos, Marcos PSOE
1991–1995 Lopez Santed, Miguel A. PSOE
1995–1999 Monreal Guerrero, Antonio PSOE
1999–2003 Fernandez Herrero, Emilio PP
2003–2007 Marcos Baquedano Tornos PSOE
2007–2011 Conrado Sicilia García Partido Aragonés
2011–2015 Conrado Sicilia García Partido Aragonés
2015–2019 Conrado Sicilia García Partido Aragonés
2019–2023
2023–2027 Conrado Sicilia Garcia [4] PP

Puestos d'intrés

[editar | modificar o codigo]
  • Ilesia de l'Asumpción d'a Virchen.
  • Ermita d'a Virchen de Semón.
  • Restas d'o castiello.

Referencias

[editar | modificar o codigo]

Vinclos externos

[editar | modificar o codigo]