Retascón

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Retascón
Municipio d'Aragón
Bandera Escudo d'armas
Entidat
 • País
 • Provincia
 • Comarca
Municipio
 Aragón
 Zaragoza
Campo de Daroca
Partiu chudicial Daroca
Superficie 25.2 km²
Población
 • Total

71 hab. (2013)
Altaria
 • Meyana

800 m.
Distancia
 • 77 km

enta Zaragoza
Alcalde Armando Monge Salvador
Codigo postal 50367
Parroquial
 • Archidiocesi
 • Arcipestrau

Zaragoza
Daroca
Coordenadas
Retascón ubicada en Aragón
Retascón
Retascón
Retascón en Aragón

Retascón ye un municipio aragonés de la provincia de Zaragoza, situato en la comarca de lo Campo de Daroca.[1] La suya población ye de 94 habitants (2006), en una superficie 25,2 km²

Toponimia[editar | modificar o codigo]

Lo toponimo Retascón presenta la radiz tasca, lo sufixo -ón (tascón ye documentau en l'aragonés de Sobrepuerto y d'Ansó), y lo prefixo re-, que refuerza lo signicau intrinseco d'un vocable.

Encara que se remonte a la palabra tasca, no ye claro lo suyo significau, porque en aragonés esta palabra presenta diferents significaus que chiran arredol de "hierba", "pastura", "prau", "torrueco con hierba" y "mescla de tierra y hierba que se puet fer servir como material de construcción de cabanas u cequias", y porque esta palabra existe tamién en atras luengas iberorromanicas con atros significaus. Dende lo galaicoportugués tasca, (que significa inicialment "casa en una zona de pastura") amaneixió un significau pareixiu a "tabierna" que ampró lo castellano cheneralizando-se con él. En caso de remontar-se a l'aragonés tasca de los repobladors medievals tendríanos dos explicacions: Una se referiría a torruecos grans de tierra y atra a grans extensions de hierba densa y baixa en lo cabalto de lo barranco, que representa un paso natural u puerto pa puyar a la plataforma estructural y ir a atras localidaz.

Dende l'inte que tascón significa en aragonés de Sobrepuerto "troz de tierra y céspet pa reparar una cequia u pa contener-la" u en ansotano "torrueco de gran mida con hierba", y tenendo en cuenta que Retascón ye en un barranco que creba la vertient d'una plataforma estructural con muita pendient, ye posible que lo toponimo se relacione con masas de tierra grans producto de los movimientos de ladera u de la erosión en cheneral. En benasqués existe la palabra tascón con lo significau de "falca" u "estaca" pa fixar cualquecosa, en continuidat cheografica con lo catalán tascó y sin probable relación con este toponimo.

Cheografía[editar | modificar o codigo]

Retascón ye en un racón que han esgarrapau uns barrancos en una plataforma estructural de materials terciarios por la suya versant ueste baixando ta Daroca.

Mugas[editar | modificar o codigo]

Lo suyo termin muga con Villarroya, Nombrevilla, Daroca, Manchons, Langa, Torralbiella y Mainar.

Demografía[editar | modificar o codigo]


Evolución demografica
1992 1994 1996 1997 1998 1999 2000 2001 2002
- - - - 79 77 78 81 88

2003 2004 2005 2006 2007 2008 2009 2010 2011
95 99 95 94 95 89 84 79 76

2012 2013 2014 2015 2016 2017 2018 2019 2020
70 70 75 79 76 73 74 67 62

2021 2022 2023 2024 2025 2026 2027 2028 -
65 60 - - - - - - -

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración[editar | modificar o codigo]

Reparto de concellers[editar | modificar o codigo]

Eleccions municipals
Partiu 1979 1983 1987 1991 1995 1999 2003 2007 2011
Partido Aragonés 1
Total 1

Alcaldes[editar | modificar o codigo]

Lista d'alcaldes
Lechislatura Nombre Partiu politico
19791983 Eloy Monge Salvador UCD
19831987 Esteban Esteban, Andres AP/PDP/UL
19871991 Maicas Esteban, Mames PAR
19911995 Maicas Esteban, Mames PAR
19951999 Maicas Esteban, Mames PAR
19992003 Corthay Ferran, Gisela Paloma PAR
20032007 Alfredo Zaldívar Tris PSOE
20072011
20112015
20152019 Armando Monge Salvador PAR
20192023
20232027

Fiestas[editar | modificar o codigo]

Sant Bertolomeu, tercera semana d'agosto.

Referencias[editar | modificar o codigo]