Pireneu axial
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O Pireneu axial ye a part més antiga d'os Pireneus y ye constituito por un nuclio paleozoico plegau en a orochenia herzinica, y a suya extensión en o centro d'os Pirineus va dende Navarra dica o Cap de Creus, correspondendo a las cabeleras d'as vals de Tena, Ara, Bielsa, Benás, Barrabés y Aura. A l'este d'o Cap de Creus contina baixo o livel d'a mar. En l'Alto Aragón as altarias més grans corresponden a lo Pireneu axial: Aneto, Tuca Lardana, Moros y Comachibosa.
O suyo plegamiento se desvinió entre Westfaliense y o Estefaniense, formando-sen napas tectonicas, intruindo magmas que orichinoron grans plutons de rocas granitoides, y producindo-se un metamorfismo intermedio de baixa presión. Os materials d'edat Estefaniense y Permico se depositoron en etapas de fracturación post-orochenicas, destacando as molasas, acompanyadas en bels puestos por rocas volcanicas (andesitas).
Litolochía[editar | modificar o codigo]
Bi ha rocas sedimentarias como calsineras y piedras d'arena, rocas plutonicas, (destacando as rocas graniticas que constituyen grans batolitos como os de La Maladeta y Pandicosa), y rocas metamorficas (destacando as rocas formadas por metamorfismo de contacto como márbols, losetas tacadas, quarcitas, y cornianas).
As rocas sedimentarias paleozoicas cubren discordantment o Precambrico, y se dividen en dos conchuntos: paleozoico inferior y paleozoico superior. Os materials paleozoicos inferiors corresponden a lo Cambrico, Ordovicico y Siluriano, son de naturaleza detritica y depositaus a gran fondura, interpretando-sen como turbiditas en bels casos. Os materials paleozoicos superiors corresponden a lo Devonián y Carbonifero y presentan rocas sedimentarias de menor fondura y con mayor variedat (calsineras arrecifals, series paralicas y series lacunars).
Cheolochía estructural[editar | modificar o codigo]
Bi ha estructuras formadas en a orochenia herzinica difícils d'estudiar por haber-se-ie superposau a orochenia alpina.
Lista de macizos, sierras y monts d'o Pireneu axial[editar | modificar o codigo]
.png)
- Macizo de Cinco Villas.[1]
- Macizo de Quinto Real.[1]
- Macizo d'Oroz-Betelu.[1]
- Macizo d'Anayet.[1][1][2]
- Macizo de Comachibosa u de Vinyamala.[1]
- Macizo de Pico Moros u de Balaitús.[1][2]
- Macizo de Pandicosa.[1][2]
- Sierra de Sandaruelo.[1]
- Sierra de Marqués.[1]
- Sierra de Liena.[1]
- Sierra Pelada.[1]
- Sierra de Picaruela.
- Macizo de Pocetz.[1][2]
- Macizo de la Maladeta.[1][2]
- Macizo de Perdiguero.[2]
- Sierra d'Espals.[1]
- Sierra de Peranera.[1]
- Sierra de Sant Martí.[1]
- Sierra de Corronco.[1]
- Sierra de Ruisou.[1]
- Montseny de Pallars.[1]
- Macizo de Boí.[1]
- Serrat d'Arros.[1]
- Sierra d'Arenyo.[1]
- Macizo de Beret.[1]
- Macizo de l'Orri.[1]
- Macizo de Bosost.[1]
- Macizo de Puig Pedrós-Port Negre.[1]
- Macizo de Puigmal-Costabona.[1]
- Puig d'els Bufadors.[1]
- Sierra de Roda.[1]
- Sierra d'Estella.[1]
- Baga d'en Ferrant.[1]
- Sierra de Balmeta.[1]
- Sierra de Gisbert.[1]
- Sierra de l'Albera.[1]
Referencias[editar | modificar o codigo]
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 1,17 1,18 1,19 1,20 1,21 1,22 1,23 1,24 1,25 1,26 1,27 1,28 1,29 1,30 1,31 1,32 1,33 1,34 1,35 1,36 1,37 1,38 1,39 1,40 1,41 1,42 1,43 1,44 1,45 1,46 1,47 1,48 1,49 1,50 1,51 1,52 1,53 1,54 (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995, pp 273-282.
- ↑ 2,0 2,1 2,2 2,3 2,4 2,5 (es) Antonio Higueras Arnal (coordinador): Geografía de Aragón Tomo I. Editorial Guara. pp. 25-27.
Bibliografía[editar | modificar o codigo]
- (es) Ánchel Belmonte Ribas: Guía geológica del Pirineo, Editorial Pirineo, 2003.