Felinae

De Biquipedia
Ir a la navegación Ir a la búsqueda
Iste articlo tracta sobre o concepto zoolochico d'os felins. Pa atros emplegos d'a parola felino, se veiga Felino (desambigación).
Felinae
Felinae diversity.jpg
Diferents especies de felins
Denominacions populars
Felins
Clasificación scientifica
Dominio:
Eukaryota
Reino:
Animalia
Filo:
Chordata
Clase:
Mammalia
Orden:
Carnivora
Suborden:
Feliformia
Familia:
Felidae
Subfamilia:
Felinae
Descripción
Felinae
G. Fischer, 1817

En Zoolochía, os felins (scientificament Felinae, en latín) son estrictament una subfamilia de a familia d'os felidos con caracteristicas anatomicas comuns y que constituyen un linache filetico verdatero, deseparada de l'atra gran subfamilia de Felidae que ye a d'os panterins, bien luego, ya en es inicios de a evolución d'a familia.

Caracteristicas[editar | editar código]

Os Felinae u felins tienen caracteristicas comuns que son diferenciaderas con respecto a os suyos parients lontanos, os panterins.

A cabeza sole estar menos robusta que en aquells, con formas más arronchadetas y mandibulas y arcos zigomaticos menos pronunciaus, que corresponden tamién con una menor masa muscular relativa sobre o cranio.

A piel despullada y humeda que forma la trunfa d'o naso comienza una miqueta enantes que o perfil d'o mueso remate y pase a estar vertical, de forma que os felins tienen un poquet de piel despullada tamién por alto, en o final d'o mueso, mientres que os panterins nomás en tienen a on que o naso ye vertical, quedando sin parte humeda en l'horizontal.

Unatra caracteristica fundamental ye que larinche de totz os Felinae ye totalment osificada, de forma que garra especie no puede gramar como sí que lo fan os panterins. As vocalizacions d'os felins, por contra, son más suaus y van dende o miulido d'os gatos dica sons parellanos a un escanyutido agudo (caso d'o guepardo), pasando por toda una gama de turrulidos.

A mida más chicorrona no ye manimenos una caracteristica diferenciadera d'os felins, anque a mayoría d'especies sían efectivament más menudas que as de panterins, porque en existe lo menos dos eixemplos de dimensions parellanas a las d'aquells: Acinonyx jubatus, o guepardo, y Puma concolor, o puma, son felins verdaders (y no pas panterins) y tienen una mida gran y un peso que brinca fácilment d'os 45 kg.

Clasificación[editar | editar código]

Otocolobus manul, o gato manul, un felino d'Asia central.
Leopardus pardalis, l'ocelot, un d'os felins más conoixius d'America d'o Sud y Central.
Lynx lynx, o cerval europeu, especie en unatro tiempo común que arribaba dica o Pirineu.
Leptailurus serval, o serval, un felino salvache d'Africa.

Se veiga tamién[editar | editar código]

Vinclos externos[editar | editar código]