Sudán

جمهورية السودان Yumhūriyyat as-Sūdān
(En detalle) (En detalle)
Lema nacional: A victoria ye nuestra (arabe al-Nadir Nila)
Himno nacional: Nahnu Djundulla Djundulwatan
Capital	Khartum
Mayor ciudat	Omdurmán
Idiomas oficials	Arabe
Forma de gubierno President	Republica presidencialista Omar Hasan Hajmad al-Bashir
Independencia • Calendata	d'o Reino Unito 1 de chinero de 1956
Superficie  • Total	Posición 16º 1.886.068 km²
Población  • Total (2008)  • Densidat  • Densidat	Posición 40º 30.894.000 16,4 ab./km² 16,4 hab/km²
PIB (PPA)  • Total ([[]])  • PIB per capita	Posición º
Moneda	Libra sudanesa
Chentilicio	Sudanés/a
Zona horaria	UTC+2
Dominio d'Internet	.sd
Codigo telefonico	+249
Prefixo radiofonico
Codigo ISO	736 / SDN / SD
Miembro de: LA, UA, ONU

Sudán (en arabe السودان, as-Sūdān) ye un país africán, situato en a parti nororiental d'o continent. Muga con Echipto a o norte, con Eritrea y Etiopia a l'este, con Sudán d'o Sud a o sud, con a Republica Centroafricana a o sudueste, con o Chad a l'ueste y con Libia a o norueste. A o noreste tien costa en a mar Roya. A suya capital ye Khartum.

A suya población ye de 30.894.000 habitants (2008) en una superficie de 1.886.068 km², con una densidat de población de 16,4 hab/km².

Politicament, Sudán ye una Republica presidencialista, estando l'actual President d'o país Omar Hasan Hajmad al-Bashir. Sudán fa parte d'a Liga Arabe, d'a Unión Africana y d'a ONU.

Sudán ye o país d'una d'as civilizacions prencipals continas mas antiga d'o mundo, con asentamientos historicos y urbans que se remontan a l'anyo 3000 aC. Os sudaneses tienen una luenga historia que s'estendilla dende l'antigüidat, que s'entrellaza con a historia d'Echipto, con o que estió unito politicament en diversos periodos. Dimpués d'independizar-se d'o Reino Unito en 1956, Sudán sufrió una guerra civil que duró 17 anyos y que fue seguita por conflictos etnicos, relichiosos y economicos entre os sudaneses d'o norte (con radices arabes y núbias) y os niloticos cristians y animistas de Sudán d'o Sud. Asinas se plegó a una segunda guerra civil en 1983, y debito a os continos conflictos politicos y melitars, Sudán fue chusmeso por un golpe d'estato sin muertos feito por o coronel Omar al-Bashir en 1989, que de contino se proclamó President de Sudán.

Alavez, Sudán experimentó un gran creiximiento economico, implementando reformas macroeconomicas y rematando a la fin a guerra civil con l'adopción d'una nueva constitución l'anyo 2005, que dió a os grupos rebeldes d'o sud una autonomía limitata que finalment condució a la suya independencia en 2011, dimpués d'un referendum por a independencia. Estando rico en recursos naturals entre os que destaca o petrolio, a economía de Sudán ye actualment una d'as economías con o creiximiento mas rapido d'o mundo. A Republica Popular de China y Rusia son os socios comercials mas grans de Sudán.