Mar Roya
De Biquipedia
A Mar Roya[1] u Mar Royo (en arabe Bahr el-Ahmar) ye un golfo de l'Ozián Indico situato entre Africa y Asia. Á lo sur, a Mar Royo se chunta con l'Ozián Indico por o estreito de Bab el-Mandeb y o golfo d'Adén. Á lo norte se troba a peninsula d'o Sinaí, o golfo d'Acaba y o canal de Suez (que premite a comunicazión con o Mar Mediterranio). A Mar Roya tien poco más de 1900 km de largaria, por un amplo masimo de 300 km y una fondura masima de 2500 m, con una fondura meyana de 500 m. A superfizie d'a Mar Roya ye de bels 450.000 km². Ye poblata por más de 1.000 espezies de inbertebratos, 200 espezies de corals y 300 espezies de tiburons.
As temperaturas d'a superfizie son relatibamén estables, entre 21 y 25°C. A bisibilidat ye prou buena dica os 200 m de fundo pero se pueden debantar ascape aireras fuertes y as corriens se tornan riesgosas.
A creyazión d'a Mar Roya se debe á la deseparazión d'Africa y a Peninsula Arabica (Asia). O mobimiento prenzipió fa bels trenta millons d'años y contina güe, o que esplica a esistenzia d'una autibidat bolcanica n'as partis más fundas d'iste mar.
Os países situatos á o canto d'a Mar Roya son Echipto, Sudán, Eritrea e Chibuti en o beral africano e Israel, Chordania, Arabia Saudí y Yemen en o beral asiatico.
Bellas ziudaz en costa d'a mar Roya son: Assab, Port Sudan, Port Safaga, Hurghada, Suéz, Sharm el-Sheikh, Eilat, Acaba, Dahad, Jedda y Al-Hudaidah.
[editar] Toponimia
Os griegos deziban a esta mar Eruthra Thalassa (a "Mar Roya") e los romans lo traduzioron como Mare Erythraeum. En aragonés meyebal bi ha referenzias a la "Mar Roya", por exemplo en o "Libro d'o Trasoro":
[editar] Referenzias
- ↑ Dawn E. Prince (ed.). The Aragonese version of Brunetto Latini's Libro del trasoro. Madison, 1995
