Rubiuelos de Mora

Iste articlo tracta sobre Rubiuelos de Mora. Ta altros usos d'a parola «Mora» se veiga Mora (desambigación).

Rubiuelos de Mora
Municipio d'Aragón
Entidat  • País  • Provincia  • Comarca	Municipio Aragón  Teruel Gúdar-Chabalambre
Superficie	63,7 km²
Población  • Total	710 hab. (2006)
Altaria	929 m.
Distancia  • 55 km	enta Teruel
Codigo postal	44415
Coordenatas	40° 10’58’’N 0°39’ 0’’U
Rubiuelos de Mora Situación de Rubiuelos de Mora en Aragón

Rubiuelos de Mora u Rubielos de Mora (/ru.bi.'we.los/ u /ru.'bje.los/) ye un municipio de la provincia de Teruel, situato en la comarca de Gúdar-Chabalambre. La suya población ye de 710 habitants (2006), en una superficie de 63,7 km² y una densidat de 11,15 hab/km²

Cheografía

Ye situato en lo semontano sud de la Sierra de Gúdar.

Historia

Fue reconquiesto en 1203, la reconquiesta figura en las Cronicas de los Chudeces de Teruel:

• Anno Mª CC IIII. don Pedro de Armiellas. Fue preso Ruviellos que era de los Moros. Bersión A
• 1204. Don Pedro de Armiellas. En esti año fue preso Ruvielos qui era de moros. Bersión AHT, tardana
• Don Pere Armiellas. Fue presa Ruvihuelos. Bersón B.A.R
• Era Mª CCª XXXXII. Don Peydro de Armiellas. Fue presa Ruviellos. Bersión B.

Toponimia

Bi ha diferens hipotesis toponimicas. Una relaciona lo nombre con lo latín Rubus, barza, y existen escudos en los reportals con gravatos de barzas. Como bi ha terrenos royos en lo termino, o rodeno, ye más probable que se relacione con lo latín RUBEUS, royo.

Lo sufixo seguntes uns autors ye derivato d'o latín -ELLU, y seguntes atros de lo latín -OLU. En textos meyevals latins u romances podemos veyer Ruvihuelos, Ruvielos y Ruviellos, esta zaguera probablement con una ll que se leye l. En catalán la l cheminata ye frecuent en las terminazions -ila (goril·la) y -elo (xarel·lo). D'alcuerdo con lo Rubiuelos de lo Xiloca a forma Ruvielos ye derivata de Ruvihuelos y se remontaría a lo latín RUBEOLUM con sufixo -OLU.

• RUBEOLU > RUBIOLU > Ruvihuel, Ruvihuelos > Ruviel, Ruvielos.

En la versión B.A.R de las "Cronicas d'os Chudeces de Teruel" a més de la mención de la conquiesta de Ruvihuelos en 1203 trobamos la forma Ruvihuelos en relación a l'anyata chudicial 1270-1271:

Fizose el sol como sangre et desfizo en Conceio el castillo de Ruvihuelos.

En lo Libro de la colecta de la pecha de la comunidad de aldeas de Teruel (1360-1369) trobamos l'apellito Ruviuellos en Mosqueruela y Gúdar.

En lo fuero de Valencia apareixe como Ruviols y en atro texto catalán meyeval como Riuvellos. Agustín Ubieto Arteta lo documenta en 1203 como Rubiols.

L'apelativo de Mora ye cuaternato en la versión B d'as "Cronicas d'os Chudeces de Teruel" referito a l'anyata chudicial 1407-1408:

Fue judez Ximen Ortiz. Fue la quistion de Rubiellos de Mora entre los Xixones y los Bonfieles

En lo Fogache de 1495 s'escribe monoftongato Rubiolos talment variant intermeya de compromís entre Ruvihuelos y Ruvielos.

Un microtoponimo interesant ye un mas dito Nogueruelas.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón									4
Partido Aragonés									3
Total									7

Molimentos

• Casa de la Villa, edificio de lo sieglo XVI, protechito legalment dende 2001 con a suya declaración como Bien d'Intrés Cultural.

Fiestas

• Virchen de lo Carmen, 16 de chulio.
• Santa Cruz, 14 de setiembre.
• Virchen de lo Pilar, 12 d'octubre.

Vinclos externos

• Se veigan as imáchens de Commons sobre Rubiuelos de Mora.
• www.RubielosDeMora.net.