Nogueruelas

Nogueruelas
Municipio d'Aragón
Entidat  • País  • Provincia  • Comarca	Municipio Aragón  Teruel Gúdar-Chabalambre
Superficie	99,5 km²
Población  • Total	264 hab. (2008)
Altaria	1.146 m.
Distancia  • 62 km	enta Teruel
Codigo postal	44412
Coordenatas	40°13’58’’N 0°37’58’’U
Nogueruelas Situación de Nogueruelas en Aragón

Nogueruelas (prenunciato en aragonés /no.guer.'we.las/ y en castellán /no.gue.'rue.las/) ye un municipio aragonés d'a provincia de Teruel, situato en a comarca de Gúdar-Chabalambre.

A suya población ye de 264 habitants (2008), en una superficie de 99,5 km² y una densidat de 2,65 hab/km².

Cheografía

Nogueruelas Ye situato a lo piet d'a Sierra de Nogueruelas, que fa parte de Gúdar, a 1.146 metros dencima d'o ran d'a mar y a una distancia de 62 km de Teruel, a capital d'a suya provincia.

Mugas

O suyo termin muga con Fuents de Rubielos, Rubiuelos de Mora, Mora de Rubielos, Alcalá de la Selva y Linars de Mora.

Etimolochía

O suyo nombre vien de l'aragonés noguera, Juglans regia. S'escribiba a vegatas en aragonés meyeval como Noguerhuelas, como en un texto de 1416:

por causa e razón de las bandosidades antiquadas en los lugares de Ruvihuelos, Ffuentes e Noguerhuelas en tiempos pasados se haya demostrado por experiencia clarament los ditos lugares seyer benidos contra a total perdimiento

A h indica a tipica pronunciación d'una g d'apoyo a lo diftongo -ue- dezaga de r en aragonés (Esquirgüelo, Cirgüello, que s'escriben en a grafía actual como "Esquiruelo" y "Ciruello"). En textos meyevals de Calatayú bi ha un microtoponimo dito Nogueruelas que s'escribe igualment con h.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón									4
Partido Aragonés									1
Total									5

Fiestas

• 3 de mayo: A Santa Cruz.
• 16 d'agosto: Sant Roque.