La Puebla de Valverde

Este articlo tracta sobre La Puebla de Valverde. Ta atros emplegos de lo toponimo Puebla u Valverde, veyer Puebla (desambigación) u Valverde (desambigación).

La Puebla de Valverde
Municipio d'Aragón
Entidat  • País  • Provincia  • Comarca	Municipio Aragón  Teruel Gúdar-Chabalambre
Superficie	295 km²
Población  • Total	476 hab. (2006)
Altaria	1185 m.
Distancia  • 23 km	enta Teruel
Codigo postal	44450
Coordenatas	40°13’ 1’’N 0°55’ 1’’U
La Puebla de Valverde Situación de La Puebla de Valverde en Aragón

La Puebla de Valberde ye un municipio de la provincia de Teruel, situato en la comarca de Gúdar-Chabalambre. La suya población ye de 476 habitants (2006), en una superficie de 295 km² y una densidat de población de 1,16 hab/km².

Cheografía

Ye situato en lo semontano de la Sierra de Camarena, que fa part de la Sierra de Chabalambre, a la dreita de lo río Millars. Comprende lo vico de Mislata a 13,9 km. Bi ha selvas d'acirons d' Acer monspessulanum (acerals) catalogatas como selvas singulars.

Mugas

Lo suyo extenso termin municipal muga con Valbona, Sarrión, Manzanera, Torrillas, Arcos de las Salinas, Camarena de la Sierra, Cubla, Teruel y Formich Susano.

Toponimia

En los textos escritos en aragonés de las comunidatz aragonesas se puede trobar como La Puebla de Sancta Maria de Valverde:

Que como ella haya un heredamiento el qual es clamado el Puerto Cansadon, termino de la Puebla de Sancta Maria de Val Verde, aldea de Teruel, el qual caye al vent del boalage et deffesa del conceio de la dita aldea, assin que si su ganado con el qual laura el dicho heredamiento hoviese a ir al boalaie de la dicha aldea le tornaria a grant danyo et confusion el menoscabo d'ela e de su ganado et encara...

Tamién en los textos meyevals escritos en Valencia adrezatos a aragoneses, como uno de 1390:

segunt que al notario dius scripto consta e es cierto et notorio, en el dito nombre procuratorio sobredito, saviament et de mi cierta scientia, fago, constituezco e encara substituezco e ordeno cierto et leal procurador e síndico de las ditas aldeas et mío, a vos, Martín Domínguez, vezino de la Puebla de Sancta María de Valverde, aldea de la dita ciudat, absent, bien assí como si fuéssedes present, specialment que vos en voz, vez, e nombre de las ditas aldeas et mío, e por aquellas podades presentar una letra real del señor rey de Aragón al muy honorable et discreto don Ramón de Soler, conseller del dito señor Rey,...

Bi ha microtoponimos intresants como Barranco de la Cederilla, con aceral, que puet aduyar a interpretar lo toponimo Cedriellas.

En las actas de las Cortz de Teruel de 1428 alternan las formas La Puebla de Vallverde y La Puebla de Vallverd.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Popular									5
Partido de los Socialistas de Aragón									1
Partido Aragonés									1
Total									7

Fiestas

• Patronals, segundo domingo de setiembre.
• Veraneantes, en agosto.
• Santa Barbara, primer domingo de mayo.

Vinclos externos

• www.LaPueblaDeValverde.com