Lo Pueyo (Xiloca)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Lo Pueyo El Poyo del Cid | |
| Lugar d'Aragón | |
| Entidat • País • Provincia • Comarca • Municipio |
Lugar Aragón.svg){kind=small} TeruelXiloca Calamocha |
| Partiu chudicial | Calamocha |
| Población • Total |
212 hab. (2013) |
| Altaria • Meyana |
911 m. |
| Distancia • 67 km |
enta Teruel |
| Codigo postal | 44392 |
| Chentilicio | Poyeros |
| Parroquial • Diocesi • Arcipestrau • Parroquia |
Teruel y Albarracín Calamocha Sant Chuan Baptista |
| Coordenadas | |
Lo Pueyo (El Poyo del Cid en castellano) ye un lugar de la provincia de Teruel (Aragón), situau en lo termin municipal de Calamocha. La suya población ye de 212 habitants (2013).
Cheografía
[editar | modificar o codigo]Ye en la costera d'un pueyo dito actualment Cerro de San Esteban, en la ribera ezquierda de lo río Xiloca, entre Calamocha y Fuents Claras a piet de lo mont Valdellosa (Sierra de Valdellosa).
Historia
[editar | modificar o codigo]Seguntes Ubieto Arteta, que omite la mención en lo texto de Remón de Castrocol de 1205, la primera mención d'esta aldeya de la Comunidat de Daroca ye de noviembre de 1207, cuan la reina Sancha, madre de Pero II d'Aragón, da a lo preceptor de Xixena Martín d'Aibar una chovada de tierra en un canyizar y un molín cerca de Calamocha:
Lo castiello d'el Pueyo fue destruito cuan una guerra contra Castiella en lo reinau de lo rei Chaime II; la destrucción estió tan gran que lo rei perdonó lo pago de la peita de 1297 a los habitants de lo Pueyo.[1]
En 1334 (pero con calendata escrita como 1333 por estar un calendario diferent), lo rei Alifonso IV d'Aragón ordenó a toz los oficials de las aldeyas de Daroca que los vecins d'estas aldeyas apaixentasen lo suyo ganau en una defesa que dende siempre lis perteneixeba.[1]
Lo 16 d'aviento de 1706, cuan la Guerra de Succesión Espanyola topetoron las tropas borbonicas baixo lo mando de lo mariscal Miguel Pons y las de l'archiduque Carlos. Las tropas de l'archiduque vencioron y morió lo capitán Miguel Pons.
L'aldeya de lo Pueyo se convertió en lugar en 1785, y disposó de concello municipal propio dica 1834.
En 1971, lo Pueyo pasó a depender de lo municipio de Calamocha.
Demografía
[editar | modificar o codigo]
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE. | ||||||||||||||||||
Molimentos
[editar | modificar o codigo]
- Ilesia de Sant Chuan Baptista.
- Ermita de la Virchen de la Morera.
- Ermita de Sant Estevan.
- Casalicio d'un linache desconoixiu.
- Cinco peirons.
- Antigo Trinquet de la Casa Lugar.
- Restos d'un Torretón medieval, a on yera lo Castiello d'el Pueyo.
Toponimia
[editar | modificar o codigo]
La forma con diftongación debant de Yod d'acuerdo con la fonetica aragonesa pueyo ye de mal documentar en relación a l'actual toponimo El Poyo, derivaus de lo latín Podium. Manimenos lo significau topografico ye lo mesmo que en idioma aragonés, catalán y occitán, diferent a lo significau en castellano.
En lo texto en lo que lo bispe de Zaragoza Remón de Castrocol adchudicaba en 1205 las decimas y primicias de las aldeyas de la Comunidat de Daroca leyemos Poyo, pero no ye significativo pus cuasi toz los toponimos salen latinizaus y sin lo diftongo -ue- romance propio de lo mozarabe y l'aragonés.
En "Rationes decimarum Hispaniae (1279-80): Aragón y Navarra" figura como El Poyo y Epuyo, pero tamién figuran como Poyo toz los toponimos altoaragoneses y navarros que en los textos romances y en cuasi toz los textos en latín medieval figuran como Pueyo, por lo que Poyo ye una traza latinizada:
En lo texto de l'"Archivo de la Corona d'Aragón" rechistro 196, 155r, de 1298 (pero con firma de 1297 por haber-ie un calendario diferent), perdonan a los habitadors de lo lugar lo pago de la peita por una gran destrucción[1] y se leye Puyo, variant de la palabra "Pueyo" en atros lugars de l'Alto Aragón, Navarra y en apellius. Tamién se puede interpretar como una forma latinizada igual como Marcullo ye latinización de Marcuello.
En lo fuero de Molina d'Aragón lo escriben Poyo de Mouzit (¿Poyo de mon Cid?), como una de las mugas de Molina:
En un texto de 1291 escrito en Daroca prohiben pescar en la part de lo río Xiloca compresa entre los termins de l'aldeya de Pueyo a qui no siga d'ixa aldeya.
En esta localidat hi habió un castiello que fue destruito en las guerras entre Chaime II d'Aragón contra Castiella. En un texto en latín de lo Liber patrimonii Regii Valentiae amanix un castra del Pueyo que lo rei de Castiella Sancho IV cedió u tornó a lo rei Pero III lo Gran en o Tractau de Campillo de 1281, chunto con Ferrellón, Pozuel, y la Val d'Ayora. Este castiello no ye identificau con seguridat y Carlos Ayala Martínez opina que no debeba corresponder a garra castiello de lo Reino de Valencia.[2]
En lo Libro del Reparo del General de 1489-1491 y en lo Fogache de 1495 s'escribe El Poyo. Seguntes Ubieto Arteta ye oficialment El Poyo dica 1960, pasando a dicir-se El Poyo del Cid dende 1970.
Referencias
[editar | modificar o codigo]- ↑ 1,0 1,1 1,2 (es) Toribio del Campillo y Casamor Documentos históricos de Daroca y su comunidad Imprenta del Hospicio Provincial, 1915 [1][2][3].
- ↑ (es) Carlos Ayala Martínez: Paces castellano-aragonesas de Campillo-Agreda (1281) En la España medieval, nº 8, 1986 (Ejemplar dedicado a: En memoria de Claudio Sánchez-Albornoz (I)) , pp. 151-168.
| Lugars d'o municipio de Calamocha | |
|---|---|
| Poblaus: Collados | Cuenca Buena | Cutanda | Lechago | Luco de Xiloca | Navarret | Nueros | Olalia | Lo Pueyo | Valverde | Lo Villarello Despoblaus: Estación Vega | Salobral-Gascons |
| Control d'autoridaz |
|
|---|
Datos: Q3720984
Multimedia: El Poyo del Cid / Q3720984